ភ្នំពេញ ៖ ក្រុមគ្រួសារក្មេងប្រុសម្នាក់ឈ្មោះជាចាន់ចេង អាយុ១៤ឆ្នាំ ជាសិស្សថ្នាក់ទី៤ ដែលជួបគ្រោះថ្នាក់បាក់ដៃចូលម៉ាស៊ីនកិនឥដ្ឋ បានប្រកាសស្វែងរកសប្បុរសជនឲ្យជួយដល់ក្មេងប្រុស ព្រោះគ្រួសារក្មេងប្រុសអស់លទ្ធភាព នឹងចំណាយថវិកាក្នុងការព្យាបាលរបួស ដោយសារតែ គ្រួសារមានជីវភាពខ្វះខាតពេក។
នៅក្នុងសេចក្ដីប្រកាសស្វែងរកសប្បុរសឲ្យជួយ គឺខណៈ ដែលក្រុមគ្រួសារក្មេងប្រុសមានជីវភាពខ្វះខាតពេក ហើយក្មេងប្រុសខាងលើជាសិស្សរៀនថ្នាក់ទី៤ ប៉ុន្តែម៉ោងសម្រាកពីការសិក្សាក្មេងប្រុសរងគ្រោះបាន ទៅស៊ីឈ្នួលធ្វើជាកម្មករឡឥដ្ឋ។ ប៉ុន្តែជាអកុសលប្អូនប្រុស បានជួបគ្រោះថ្នាក់ដួល និងធ្លាក់ដៃចូលក្នុងម៉ាស៊ីនកិនឥដ្ឋបានឲ្យបាក់ឆ្អឹងខ្ទេចថែមទាំងដំបៅរលួយទៀតផងមកដល់ថ្ងៃនេះ ហើយក្មេងប្រុសរូបនេះ កំពុងស្នាក់នៅក្នុងភូមិទើបមន្ត្រីឃុំព្រះប្រសព្វស្រុកព្រែកតាមាក់ខេត្តកណ្តាល៕
Source: Kampuchea Thmey Daily
0 Comments