ភ្នំពេញ ៖ យោងតាមប្រភពព័ត៌មានដែលកាសែតកម្ពុជាថ្មី ទទួលបានពីក្រសួង សាធារណការ និង ដឹកជញ្ជូន ប្រាប់ឲ្យដឹងថា ក្នុងខែមករា ឆ្នាំ២០១៩ លេខាធិការដ្ឋានរបស់គណៈកម្មាធិការសម្របសម្រួលអចិន្ត្រៃយ៍ នៃគណៈកម្មាធិការដឹកនាំការត្រួតពិនិត្យយានយន្ត ដឹកជញ្ជូនលើសទម្ងន់កម្រិតកំណត់ ចាប់បានរថយន្តដឹកទំនិញលើសទម្ងន់កម្រិតកំណត់ ចំនួន២១៥គ្រឿង និងពិន័យបានថវិកាសរុបចំនួន៥៣១,៩០០,០០០ រៀល។
ចំនួនរថយន្ត ដែលចាប់បានទាំងនេះ មានការកើនឡើងចំនួន០១គ្រឿង គឺពី ២១៤គ្រឿង ក្នុងខែធ្នូ ឆ្នាំ២០១៨ មក ២១៥គ្រឿង ក្នុងខែមករា ឆ្នាំ២០១៩។ ក្នុង ចំណោម រថយន្តដែលចាប់បាននោះ ផ្ទុកលើសទម្ងន់ចាប់ពី៥តោន រហូតដល់ ៣២តោន។
ដោយឡែក សម្រាប់ ខែធ្នូ ឆ្នាំ២០១៨ លេខាធិការដ្ឋានរបស់គណៈកម្មាធិការសម្របសម្រួលអចិន្ត្រៃយ៍ នៃគណៈកម្មាធិការដឹកនាំការត្រួតពិនិត្យយានយន្ត ដឹកជញ្ជូនលើសទម្ងន់កម្រិតកំណត់ ចាប់បានរថយន្តដឹកទំនិញលើសទម្ងន់កម្រិតកំណត់ ចំនួន២១៤គ្រឿង និងពិន័យបានថវិកាសរុបចំនួន ៤៧៤,៣០០,០០០ រៀល។
ចំនួនរថយន្ត ដែលចាប់បានទាំងនេះ មានការថយចុះចំនួន ៦៥គ្រឿង គឺពី ២៧៩គ្រឿង ក្នុងខែវិច្ឆិកា មក ២១៤គ្រឿង ក្នុងខែធ្នូ ឆ្នាំ២០១៨។ ក្នុងចំណោមរថយន្តដែលចាប់បាននោះ ផ្ទុកលើសទម្ងន់ចាប់ពី ៥តោន រហូតដល់៤៥តោន។
ចំណែកកាលពីខែវិច្ឆិកា ឆ្នាំ២០១៨ លេខាធិការដ្ឋានរបស់គណៈកម្មាធិការសម្របសម្រួលអចិន្ត្រៃយ៍ នៃគណៈកម្មាធិការដឹកនាំការត្រួតពិនិត្យយានយន្ត ដឹកជញ្ជូនលើសទម្ងន់កម្រិតកំណត់ ចាប់បានរថយន្តដឹកទំនិញលើសទម្ងន់កម្រិតកំណត់ ចំនួន២៧៩គ្រឿង និងពិន័យបានថវិកា សរុបចំនួន ៥៥៨,៩៥០,០០០ រៀល។
ចំនួនរថយន្ត ដែលចាប់បានទាំងនេះ មានការកើនឡើងចំនួន១១៣គ្រឿង គឺពី ១៦៦គ្រឿង ក្នុងខែតុលា មក ២៧៩គ្រឿង ក្នុងខែវិច្ឆិកា ឆ្នាំ២០១៨។ ក្នុងចំណោមរថយន្តដែលចាប់បាននោះ ផ្ទុកលើសទម្ងន់ចាប់ពី ៥តោន រហូតដល់៤០តោន៕
Source: Kampuchea Thmey Daily
0 Comments