រដ្ឋអាជ្ញាបារាំងបាននិយាយថា ស្ត្រីម្នាក់ដែលមានប្រវត្តិបញ្ហាផ្លូវចិត្ត ត្រូវបានចោទប្រកាន់សម្រាប់ការបញ្ឆេះឲ្យមានអគ្គិភ័យនៅអគារផ្ទះល្វែងមួយក្នុងទីក្រុងប៉ារីសដែលក្នុងនោះមានមនុស្ស១០នាក់បានស្លាប់។
រដ្ឋអាជ្ញាទីក្រុងប៉ារីសបាននិយាយថា ជនសង្ស័យដែលត្រូវបានគេឃុំខ្លួននៅក្នុងមណ្ឌលវិកលចរិតរបស់ប៉ូលិសចាប់តាំងពីការចាប់ខ្លួនរបស់នាងគឺត្រូវបានគេចោទប្រកាន់កាលពីថ្ងៃសុក្រពីបទលួចដុតបំផ្លាញដែលបណ្តាលឲ្យមានការស្លាប់។
អគ្គិភ័យកាលពីថ្ងៃអង្គារនៅជាន់ខាងលើនៃសំណង់អាគារមួយក្នុងខណ្ឌប៉ារីសទី១៦គឺជាអគ្គិភ័យសម្លាប់មនុស្សច្រើនបំផុតនៅក្នុងរដ្ឋធានីនេះចាប់តាំងពីឆ្នាំ២០០៥មក។
មនុស្ស៣០នាក់ក៏រងរបួសផងដែរនៅក្នុងអគ្គិភ័យនោះដែលបានបំផ្លិចបំផ្លាញភាគច្រើននៃអគារ។
ជនសង្ស័យដែលស្ថិតក្នុងវ័យ៤០ឆ្នាំហើយជាអ្នករស់នៅក្នុងអគារនោះគឺត្រូវបានគេព្យាបាលរាប់សិបដងមកហើយនៅក្នុងមន្ទីរពេទ្យវិកលចរិកនៅទីក្រុងប៉ារីសក្នុងរយៈពេលមួយទសវត្សរ៍កន្លងមកនេះ។
រដ្ឋអាជ្ញា Remy Heitz បានប្រាប់សន្និសីទសារព័ត៌មានមួយកាលពីដើមសប្តាហ៍នេះថា ក្នុងរយៈពេលត្រឹមតែ៦ថ្ងៃប៉ុណ្ណោះមុនហេតុការណ៍នេះផ្ទុះឡើង នាងត្រូវបានគេអនុញ្ញាតឲ្យចេញពីគ្លីនិកមួយបន្ទាប់ពីវេជ្ជបណ្ឌិតម្នាក់ប្រកាសថា នាងអាចចាកចេញវិញបានបន្ទាប់ពីការស្នាក់នៅអស់រយៈពេល១២ថ្ងៃ។
ប៉ូលិសបាននិយាយថា ជនសង្ស័យបានរត់ចូលផ្ទះម្តងហើយម្តងទៀតជាមួយអ្នកជិតខាងម្នាក់ហើយបានឈ្លោះជាមួយគាត់ម្តងទៀតមុនពេលអគ្គិភ័យផ្ទុះឡើង។ ប៉ូលិសបានបន្ថែមថា នាងស្រវឹងនៅពេលដែលត្រូវបានឃាត់ខ្លួនហើយប៉ុនប៉ងដុតឡានមួយគ្រឿង។
ស្ត្រីរូបនេះធ្លាប់មានបញ្ហាជាមួយប៉ូលិសរួចទៅហើយរួមទាំងការបង្កឲ្យមានការខូចខាតដោយភ្លើងផងដែរប៉ុន្តែនាងមិនដែលត្រូវបានផ្តន្ទាទោសឡើយ៕ AFP
[caption id="attachment_1023359" align="alignnone" width="700"] [/caption]
Source: Kampuchea Thmey Daily
0 Comments