ភ្នំពេញ ៖ សពបុរសម្នាក់ មិនទាន់ស្គាល់អត្តសញ្ញាណនៅឡើយ ត្រូវបានបងប្អូនប្រជាពលរដ្ឋប្រទះឃើញចង.ក សម្លាប់ខ្លួននៅលើដើមក្រខុប ហើយក៏មិនទាន់ដឹងពីមូលហេតុនោះដែរ បង្កឲ្យភ្ញាក់ផ្អើល កាលពីវេលាម៉ោង៧និង៣០នាទីព្រឹក ថ្ងៃទី០៨ ខែកុម្ភៈ ឆ្នាំ២០១៩ ស្ថិតនៅលើដើមក្រខុប ចន្លោះផ្ទះល្វែង ក្នុងភូមិក្បាលដំរី២ សង្កាត់កកាប២ ខណ្ឌពោធិ៍សែនជ័យ។
នៅកន្លែងកើតហេតុ តាមប្រជាពលរដ្ឋបានឲ្យដឹងថា កាលពីវេលាទៀបភ្លឺ ថ្ងៃទី០៨ ខែកុម្ភៈនេះ ពួកគាត់បានឮសូរសំឡេងឆ្កែព្រុស ត្រង់ចំណុចព្រៃដើមក្រខុបនោះ តែមិនចាប់អារម្មណ៍នោះទេ នឹកស្មានថាឆ្កែព្រុសធម្មតាៗ រហូតដល់វេលាម៉ោងខាងលើ ស្រាប់តែពលរដ្ឋប្រទះឃើញ មានបុរសម្នាក់ មិនស្គាល់អត្តសញ្ញាណមកចង.ក សម្លាប់ខ្លួនលើដើមក្រខុបបែបនេះទៅទៅវិញ។
សាកសព ភេទប្រុស អាយុប្រហែលជាង៤០ឆ្នាំ ស្លៀកខោគគីរជើងវែង ពាក់អាវក្រឡាដៃវែង មានកាបូបមួយផង។ ក្រោយពីប្រទះឃើញ សាកសពបុរសខាងលើ ត្រូវបានសមត្ថកិច្ចមូលដ្ឋាន និងសមត្ថកិច្ចជំនាញខណ្ឌ ចុះទៅពិនិត្យដល់កន្លែងកើតហេតុ កំពុងធ្វើកោសល្យវិច័យ និងសាកសួរស្រាវជ្រាវ បន្ដទៀត៕
Source: Kampuchea Thmey Daily
0 Comments