ភ្នំពេញ ៖ យោងតាមរបាយការណ៍ពីនាយកដ្ឋាន ចរាចរណ៍ និងសណ្ដាប់ធ្នាប់ សាធារណៈ នៃអគ្គស្នងការដ្ឋាននគរបាលជាតិប្រាប់ឲ្យដឹងថា រយៈពេល៤ថ្ងៃ នៃពិធីបុណ្យចូលឆ្នាំថ្មីប្រពៃណី ចិន វៀតណាម គ្រោះថ្នាក់ចរាចរណ៍នៅទូទាំងប្រទេស កើតឡើង៦៧លើក បណ្តាលឲ្យមានមនុស្សស្លាប់ ៣៦នាក់ រងរបួសសរុប៨៩នាក់ ក្នុងនោះរបួសធ្ងន់៦៦នាក់ និងរបួសស្រាល២៣នាក់។
ដោយឡែក សម្រាប់ថ្ងៃទី៧ ខែកុម្ភៈ ឆ្នាំ២០១៩ មានហេតុការណ៍គ្រោះថ្នាក់ចរាចរណ៍ នៅទូទាំងប្រទេសកើតឡើង ចំនួន១៥លើក ( យប់៦លើក ) បណ្តាលឲ្យមនុស្សស្លាប់៧នាក់ ( ស្រី១នាក់ ) រងរបួសធ្ងន់១៥នាក់ ( ស្រី៥នាក់ ) និងរងរបួសស្រាល ៩នាក់ ( ស្រី៦នាក់ ) ក្នុងនោះគ្រោះថ្នាក់ចរាចរណ៍ ដោយមិនបានពាក់មួកសុវត្ថិភាព១៣នាក់ ( យប់៤នាក់ )។
នៅក្នុងករណីគ្រោះថ្នាក់ចរាចរណ៍ទាំង ១៥លើកនេះ បានបណ្តាលឲ្យមានការខូចខាតយានយន្តសរុប ២៨គ្រឿង ក្នុងនោះមាន ម៉ូតូ ចំនួន១៩គ្រឿង រថយន្តធុនតូច ចំនួន៥គ្រឿង រថយន្តធុនធំ ចំនួន ១គ្រឿង យានផ្សេងៗ ចំនួន៣គ្រឿង និងអ្នកថ្មើរជើង ចំនួន១នាក់។
របាយការណ៍ខាងលើប្រាប់បន្តថា មូលហេតុ ដែលបណ្តាលឲ្យកើតមានហេតុការណ៍គ្រោះថ្នាក់ចរាចរណ៍ គឺបណ្តាលមកពី ល្មើសល្បឿន៧លើក ( ស្លាប់២នាក់ ) , មិនគោរពសិទ្ធិ ២លើក ( ស្លាប់១នាក់ ) , មិនប្រកាន់ស្តាំ៤លើក ( ស្លាប់២លើក ) ,និងប្រជែងគ្រោះថ្នាក់២លើក ( ស្លាប់២នាក់ )។
គ្រោះថ្នាក់នៅលើដងផ្លូវ រួមមាន ផ្លូវជាតិ ចំនួន៦លើក ផ្លូវខេត្ត ចំនួន៨លើក និងផ្លូវលំ ចំនួន១លើក ។ ដោយឡែកយានយន្តដែលបង្កហេតុ រួមមាន ម៉ូតូ ចំនួន១២លើក រថយន្តធុនតូច ចំនួន១លើក រថយន្តធុនធំ ចំនួន១លើក និងអ្នកថ្មើរជើង ចំនួន១លើក។
រាជធានី ខេត្ត ដែលមានគ្រោះថ្នាក់ និងរងគ្រោះថ្នាក់ រួមមាន ខេត្តកំពង់ស្ពឺ២លើក ស្លាប់២នាក់ របួស ១នាក់ ខេត្តឧត្តរមានជ័យ ១លើក ស្លាប់២នាក់ របួស១នាក់ រាជធានីភ្នំពេញ៤លើក ស្លាប់១នាក់ របួស៥នាក់ ( ស្រី២នាក់ ) ខេត្តកោះកុង ១លើក ស្លាប់១នាក់ ( ស្រី ) របួស១នាក់ និងខេត្តមណ្ឌលគីរី ១លើក ស្លាប់១នាក់៕
Source: Kampuchea Thmey Daily
0 Comments