កំពង់ចាម ៖ កុមារីម្នាក់ រស់នៅជាមួយជីដូនជីតា បានបាត់ខ្លួនដោយមិនដឹងមូលហេតុ ក្នុងខណៈនាងកំពុងរត់លេងមុខផ្ទះ បង្កអោយមានការភ្ញាក់ផ្អើលកាលពីថ្ងៃទី១០ ខែកុម្ភៈ ឆ្នាំ២០១៩ វេលាម៉ោង១៨ នៅភូមិគៀនជ្រៃក្នុង ឃុំគៀនជ្រៃ ស្រុកកំពង់សៀម ខេត្តកំពង់ចាម។
អាណាព្យាបាលកុមារីរងគ្រោះ លោក ស្រ៊ាន ចំរើន និង ប្រពន្ធឈ្មោះ ធី សុខឡូត ដែលមានស្រុកកំណើតនៅ ភូមិកៀនជ្រៃក្នុង ឃុំកៀនជ្រៃ ស្រុកកំពង់សៀម ខេត្តកំពង់ចាម បានអោយដឹងថា :សព្វថ្ងៃ លោកទាំង២ បានមកធ្វើការងារនៅឯភ្នំពេញ ហើយបានទុកកូនស្រី ឈ្មោះ សុខជា អាយុ ៥ឆ្នាំ អោយយាយលោកតាមើលថែនៅឯស្រុកកំណើតក្នុង ភូមិកៀនជ្រៃក្នុង ឃុំកៀនជ្រៃ ស្រុកកំពង់សៀម ខេត្តកំពង់ចាម។
អាណាព្យាបាលបានបន្តថា នៅវេលាម៉ោង៦ល្ងាច ថ្ងៃទី១០ ខែកុម្ភៈ ឆ្នាំ២០១៩ កុមារី សុខជាស្លៀកខោអាវពណ៌លឿង បានរត់លេងនៅមុខផ្ទះ ខណៈដែលជីដូនកំពុងធ្វើការក្នុងផ្ទះ ពេលនោះ ស្រាប់តែ បាត់ចៅស្រី មិនដឹងទៅទីណា ក៏ឆោឡោស្រែកឲ្យអ្នកភូមិជួយរកដោយបានតាមរកនៅតែរកមិនឃើញ ទើបក្រុមគ្រួសារ របស់លោកប្តឹងសមត្ថកិច្ចអោយជួយ ស្រាវជ្រាវតែរកមិនឃើញ។
ប៉ូលិសបានអោយដឹងថា បើសិនបងប្អូនបានជួបក្មេងស្រីដូចភិនភាគ ក្នុងរូបថត សូមមេត្តាជូនដំណឹងសមត្ថកិច្ចដែលនៅជិត៕
Source: Kampuchea Thmey Daily
0 Comments