តាកែវ ៖ ឆ្លើយតបចំពោះការលើកឡើង ពីកង្វះទឹក បង្កបង្កើនផល ស្រូវ នៅ ស្រុកពី នៅក្នុងខេត្តកែវ លោក ប៊ុន ហួ ប្រធានមន្ទីរធនធានទឹកនិងឧតុនិយមខេត្ត បានលើកឡើងថា ករណីខាងលើ អាជ្ញាធរខេត្តក៏ដូចជា មន្ទីរធនធានទឹក ពិសេសលោករដ្ឋមន្ត្រី លឹម គាន ហោ មិនបានព្រងើយ កន្តើយ ចំពោះ បញ្ហា កង្វះ របស់ ប្រជាកសិករនោះទេ ។កាងារ នេះក្រុមកាងារ ក្រសួង ចុះសិក្សាតាំង ពីមួយ សប្តាហ៍មុនមកម្លេះ ហើយនៅថ្ងៃសុក្រ កន្លងមកនេះ លោកនិងដាក់គ្រឿងចក្រ នាំ បញ្ជូនទឹកទៅហើយ។
ការឆ្លើយតប របស់ លោក ប្រធាន មន្ទីរ បាន ធ្វើឡើង បន្ទាប់ ពី សមាជិកឧត្តមក្រុមប្រឹក្សាពិគ្រោះនិងផ្ដល់យោបល់ពីគណបក្សខ្មែរក្រោក លោក សុខ សុវណ្ណ វឌ្ឍនា សាប៊ុង បានចុះ ជួប ជាមួយ ប្រជាកសិករ និង លោក លោក អ៊ូច ភា អភិបាល នៃគណអភិបាលខេត្តតាកែវ ដើម្បីជំរុញ ថ្នាក់ដឹកនាំខេត្ត និងមន្ទីរធនធានទឹកខេត្ត ធ្វើការដោះស្រាយឲ្យកសិករ ដែល កំពុងខ្វះខាតទឹក ។
លោក ប៊ុន ហួ ប្រធានមន្ទីរធនធានទឹកនិងឧតុនិយមខេត្ត បានថ្លែងឲ្យដឹងថា ការខ្វះទឹក របស់ កសិករជាង១០០០គ្រួសារ ដែលរស់នៅភូមិចំនួន ៧ ក្នុងចំណោមស្រុក បូរីជលសា និងស្រុកកោះអណ្តែត បណ្ដាល មកពីពួកគាត់ សម្រុកនាំគ្នាធ្វើស្រូវ វស្សាលើក ទី២ ទើបជួបបញ្ហា នេះកើតឡើង។ លោកបន្តថា បញ្ហា កង្វះទឹកនេះ កន្លងមក ប្រមុខរាជរដ្ឋាភិបាលកម្ពុជា និង លោករដ្ឋមន្ត្រីក្រសួងធនធានទឹក អាជ្ញាធរតែងតែ ណែនាំនិងអំពាវនាវដល់កសិករ កុំបង្កបង្កើន ផល ច្រើន សារ ព្រោះឆ្នាំ នេះ ប្រទេសកម្ពុជា មានបញ្ហា កង្វះទឹកដោយសារ ទទួលឥទ្ធិពល El NINO ប៉ុន្តែ ពលរដ្ឋ លោកនៅតែបន្តធ្វើ ទើបបង្កឲ្យ មានបញ្ហា ខ្វះទឹក បែបនេះទៅ។
លោកបន្តថា ករណីនេះក្នុងនាម មន្ទីរ ពិសេស លោករដ្ឋមន្ត្រី លឹម គាន ហោ មិនបានព្រងើយ កន្តើយ ឡើយ ចំពោះ បញ្ហា កង្វះទឹក ត្រូវតែ អន្តរាគមន៍ឲ្យ អស់លទ្ធភាព លើកលែងតែ តំបន់គ្មាន ប្រភពទឹក ក្រសួង មិនអាចជួយបានឡើយ។ លោក បញ្ជាក់ ថាបញ្ហានេះ អាចនិងដោះស្រាយ បាន។
ជាក់ស្តែងកាលពី ថ្ងៃសុក្រ ៣កើត ខែផល្គុន ឆ្នាំច សំរឹទ្ធិស័ក ព.ស ២៥៦២ ត្រូវនឹង ថៃ្ងទី៨ ខែមីនា ឆ្នាំ២០១៩ ក្រុមការងារមន្ទីរធនធានទឹក និងឧតុនិយមខេត្តតាកែវ បានកំពុងចុះស្ដារប្រឡាយដែលគោករាក់ប្រវែង ៤០០០ម៉ែត្រ ស្ថិតនៅ ស្រុកកោះអណ្ដែត និងស្រុកបូរីជលសារ ខេត្តតាកែវ។
សូមបញ្ជាក់ថា លោកប្រធានគណបក្សខ្មែរក្រោក បានឲ្យដឹងថា កាលពី ថ្ងៃទី៦ មិនា បានចុះទៅ ខេត្តតាកែវ ជួបជាមួយ តំណាង កសិករជាង១០០០គ្រួសារ ដែលរស់នៅភូមិចំនួន ៧ ក្នុងចំណោមស្រុក បូរីជលសា និងស្រុកកោះអណ្តែត ដែលជួបបញ្ហាខ្វះទឹកធ្ងន់ធ្ងរ និងបណ្ដាលឲ្យខូចផលកសិកម្មស្រូវជិត៣០០ហិចតា និងប៉ះពាល់កសិកម្មស្រូវរបស់ពួកគាត់ជាង១០០០ហិចតាផ្សេងទៀត ទៅតាមការស្នើសុំរបស់ពលរដ្ឋ។ ក្រោយពីជួបកសិករ លោកបានជួបជាមួយលោក អ៊ូច ភា អភិបាល នៃគណអភិបាលខេត្តតាកែវ ដើម្បីជំរុញ ថ្នាក់ដឹកនាំខេត្ត និងមន្ទីរធនធានទឹកខេត្ត ធ្វើការដោះស្រាយឲ្យកសិករ ដែល កំពុងខ្វះខាតទឹក។ ចំណែក ប្រធានមន្ទីរថាការខ្វះទឹកមកពីកសិករធ្វើស្រូវ ពីដង ហើយមន្ទីរនិង ខិតខំ បញ្ជូនទឹកទៅឲ្យពួកគាត់៕
Source: Kampuchea Thmey Daily
0 Comments