ភ្នំពេញ ៖ តារាសម្តែងប្រុសវ័យក្មេង លោក ណាន វីសារ បានផ្ទុះរឿងរ៉ាវអាស្រូវដ៏រសើប និងអាម៉ាស់បំផុត ក្រោយពេលដែលមានការបែកធ្លាយដំណឹងបោកប្រាស់លុយគេចំនួន១ម៉ឺនដុល្លារ បង្កការភ្ញាក់ផ្អើល និងចាប់អារម្មណ៍ខ្លាំងពេញពិភពអ្នកសិល្បៈរួមអាជីពជាមួយគ្នា។
បើយោងតាមប្រភពពីម្ចាស់Account Facebook ឈ្មោះ Long Love ដែលត្រូវបានគេដឹងថា ជាអាណិកជនរស់នៅក្រៅប្រទេស បានទម្លាយជាសាធារណៈថា បងប្អូនមើលមុខមនុស្សបោកប្រាស់ឲ្យហើយទៅ អន់ជាងសត្វតិរច្ឆានទៀត តែធ្វើខ្លួនថ្លៃថ្នូរ អញសូមដាក់បណ្ដាសាឲ្យហែងវិនាសព្រាត់ប្រាស ក្ដៅក្រហាយ រលាយដូចអំបិល ត្រូវទឹកឲ្យវាទូលរែកកម្មពៀរទាំងអស់ ដែលជាកម្លាំងញើសឈាមខ្ញុំ។
ប្រភពពីម្ចាស់Account Facebook ដដែលនេះបានបន្ថែមទៀតថា អញគ្មានថ្ងៃអហោសិកម្មឲ្យអាមនុស្សធុនថោកដូចហែងទេ អញនឹងនៅចាំមើលថ្ងៃណា អំបិលរលាយ ហែងក៏វិនាសពេលនឹងដែរ ម្យ៉ាងវិញទៀត អញ មិនដែលចេះឈ្នានីសច្រណែន ធ្វើបាបអ្នកណាទេ។ បន្ថែមពីលើនេះដែរ ម្ចាស់Account Facebook ឈ្មោះ Long Love បញ្ជាក់ថា ប្រសិនបើតារាប្រុសរូបនេះ មិនចេញមុខដោះស្រាយនោះទេ ខ្លួននឹងមានវិធានការតាមផ្លូវច្បាប់លើករណីឆបោក។
ប្រភពខាងលើបានបន្តទៀតថា ករណីនេះ លោកចាត់ទុកថា ណាន វីសារ បានរំលោភលើសេចក្តីទំនុកចិត្តទាំងស្រុង ខណៈដែលទាំងហ្វេសប៊ុក ក៏ត្រូវបានប្លុកចេញផងដែរ។ សម្រាប់ចំនួនលុយដែលតារាប្រុសរូបនេះខ្លី គឺសរុបមានចំនួនជាង១ម៉ឺនដុល្លារ ប៉ុន្តែលោកមានឯកសារបង្ហាញពីការវេរលុយឲ្យគេខ្ចី គឺមានត្រឹមតែប្រមាណ៦ពាន់ដុល្លារ ដោយសារតែពេលឆាតផ្ញើមក ក៏លុបឆាតចោលខ្លះៗ ព្រោះតែទុកចិត្តគ្នា។
គិតរហូតមកទល់ពេលនេះ តារាសម្តែងប្រុសវ័យក្មេង លោក ណាន វីសារ នៅមិនទាន់មានប្រតិកម្មឬចេញមុខបញ្ជាក់លើករណីបែកធ្លាយដំណឹងដ៏រសើប និងការចោទប្រកាន់នៅឡើយទេ ខណៈដែលមានមហាជន និងអ្នកសិល្បៈជាច្រើនកំពុងតែចាប់អារម្មណ៍ខ្លាំងលើរឿងរ៉ាវដ៏រសើបមួយនេះ។ ម្យ៉ាងម្ចាស់Account Facebook ឈ្មោះLong Love ក៏បានប្រកាស នឹងចាត់វិធានការតាមផ្លូវច្បាប់ផងដែរប្រសិនតារារូបនេះមិនចេញមុខដោះស្រាយសងលុយរបស់ខ្លួន៕
Source: Kampuchea Thmey Daily
0 Comments