ភ្នំពេញ ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីកម្ពុជានៅព្រឹកថ្ងៃទី២៩មីនា នេះ បានប្រកាសដាក់ចេញនូវកញ្ចប់វិធានការកំណែទម្រង់ ១៧ចំណុចសំដៅកែលំអភាពប្រកួតប្រជែង និង បង្កើនល្បឿននៃការធ្វើពិពិធកម្មសេដ្ឋកិច្ចជាតិក្នុងគោលដៅធានាចីរភាពកំណើនប្រកបដោយបរិយាប័ន្ន និងមានភាពធន់សម្រាប់រយៈពេលវែង និងបង្កើតការងារប្រកបដោយគុណភាពឲ្យកាន់តែច្រើនថែមទៀតសម្រាប់ប្រជាជនកម្ពុជា។ សម្តេចតេជោមានប្រសាសន៍ថា ការកាត់បន្ថយលើថ្លៃសេវាកម្ម និងកំណែទម្រង់សេដ្ឋកិច្ច ក្នុងដំណាក់កាលទី១នេះ នឹងធ្វើឲ្យវិស័យឯកជនកាត់បន្ថយការចំណាយនានា ដែលគិតជាទឹកប្រាក់ជាង ៤០០ លានដុល្លារ។
ការដាក់ចេញនូវវិធានការចំនួន ១៧ ចំណុចនេះគឺដើម្បីកាត់បន្ថយការចំណាយរបស់ក្រុមហ៊ុនឯកជនដែលកំពុងរកស៊ីនៅកម្ពុជា ក្នុងនោះរួមមានការកែសម្រួលស្ថាប័នគយ ការដកកាំកុងត្រូលចេញពីតាមច្រកព្រំដែននិងការលុបចោលនូវភ្នាក់ងារកម្ពុជានាវាចរហៅកាត់ថា កាំសាប ការកាត់បន្ថយថ្លៃលើកដាក់ទំនិញនៅកំពង់ផែ ការកាត់បន្ថយថ្លៃដឹកជញ្ជូន ការកាត់បន្ថយថ្លៃស្កេនការដឹកជញ្ជូនតាមផ្លូវទឹក ការកាត់បន្ថយថ្លៃអគ្គិសនី ការអភិវឌ្ឍសហគ្រាសធុនតូចនិងមធ្យម ការកាត់បន្ថយថ្ងៃឈប់សម្រាកសម្រាប់បុណ្យជាតិ ការកាត់បន្ថយការចុះធ្វើអធិការកិច្ចនៃស្ថាប័នចម្រុះ ឲ្យមកនៅក្រោមស្ថាប័នតែមួយ រួមទាំងការលើកលែង និងកាត់បន្ថយការចំណាយលើសេវាកម្មផ្សេងៗ ទៀតជាដើម ការដកត្រឡប់មកវិញនូវការដឹកជញ្ចូនតាមផ្លូវដែកមកឲ្យរដ្ឋគ្រប់គ្រងជាបណ្តុះអាសន្ននិងស្វែងរកក្រុមហ៊ុនថ្មីមកជំនួស ដើម្បីជំរុញឲ្យការដឹកជញ្ជូនតាមផ្លូវដែកប្រើប្រាស់អស់លទ្ធភាពនិងសក្តានុពលដែលមាន។
នេះគឺជាអ្វីដែលសម្តេចតេជោនាយករដ្ឋមន្ត្រី ហ៊ុន សែន បានចាត់ទុកថាគឺជាកំណែទម្រង់ដ៏មុតស្រួចដើម្បីកាត់បន្ថយការចំណាយថវិកា និងពេលវេលាផងដែរ។
សម្តេចតេជោនាយករដ្ឋមន្ត្រីបានលើកឡើងនូវចំណុចលម្អិតដែលរាជរដ្ឋាភិបាលបានដាក់ចេញជាកញ្ចប់វិធានការកំណែទម្រង់១៧ ចំណុចនោះរួមមាន៖
ទី១-ការដកចេញនូវស្ថាប័នកាំកុងត្រូលពីមាត់ច្រកអន្តរជាតិនាំចេញនាំចូល ទាំងផ្លូវគោក ផ្លូវទឹក និងផ្លូវអាកាសនិងការត្រួតពិនិត្យទំនិញនាំចេញនាំចូលការលុបចោលអង្គភាពកាំសាប សុទ្ធតែជាកំណែទម្រង់ស៊ីជម្រៅនិងមុតស្រួចសំដៅកាត់បន្ថយការចំណាយក្រៅផ្លូវការ និងកាត់បន្ថយពេលវេលា និងបានផ្តល់ការសម្រួលឲ្យបានជាអតិបរមាសម្រាប់ការធ្វើពាណិជ្ជកម្ម។
ទី២-ការលុបចោលនូវការចេញសេអូ សម្រាប់ប្រទេសដែលមិនមានតម្រូវការ ដើម្បីសម្រួលដល់ការនាំចេញជាពិសេសការនាំចេញសម្លៀកបំពាក់និងស្បែកជើង។ ការចេញប្រការនេះមិនត្រឹមតែលុបចោលការចេញសេអូលប៉ុណ្ណោះទេវាបានលុបចោលទាំងការបង់កម្រៃផ្សេងៗទៀតទាំងផ្លូវការនិងមិនផ្លូវការ។
ទី៣-ការកាត់បន្ថយថ្លៃឡូជីសស្ទិកនិងថ្លៃសេវាលើកដាក់ និងថ្លៃសេវានៅកំពង់ផែទាំងពីរ។ ថ្លៃឡូជីសស្ទីក គឺជាកត្តាចំបងមួយនៅក្នុងកំណត់ភាពប្រកួតប្រជែងរបស់ប្រទេសនិង បានស្នើឲ្យក្រសួងសាធារណការចរចាជាមួយក្រុមហ៊ុនកប៉ាល់ដឹកជញ្ជូនទំនិញ និង កំពង់ផែធំទាំងពីររបស់រដ្ឋ ដើម្បីបញ្ចុះថ្លៃដែលមានដូចជាថ្លៃលើកដាក់នៅចំណត ក្រុមហ៊ុននាវាមួយចំនួនបានយល់ព្រមបញ្ចុះថ្លៃសេវាលើកដាក់នៅចំណតរបស់ខ្លួនពី ៥ដុល្លារ TEU លើការលើកដាក់នៅចំណត ។ ក្រុមហ៊ុនបានអះអាងថា នឹងមានការបញ្ចុះបន្ថែមទៀតប្រសិនបើកំពង់ផែមានការបញ្ចុះថ្លៃករណីនេះផលចំណេញពីការបន្ថយថ្លែសេវាលើកដាក់នៅចំណតនិងមានទំហំប្រមាណ ២,៥លានដុល្លារ។ ក្នុងចំណុចនេះសម្តេចស្នើឲ្យមានការសន្ទនាគ្នា ព្រោះក្រុមហ៊ុនដឹកជញ្ជូនបាននិយាយថា គេអាចនឹងចុះថ្លៃបន្ថែមទៀតប្រសិនបើកំពង់ផែទាំងពីរបញ្ចុះតម្លៃ។ ដូច្នេះសុំឲ្យកំពង់ផែទាំងពីរពិចារណាយើងមិនអាចយកចំណេញពីការងារនេះដើម្បីសម្លាប់សេដ្ឋកិច្ចជាតិនោះទេ ។ ថ្លៃសេវាភាពមិនសមតុល្យគ្នារវាងកុងតឺន័រចេញចូល ក្រុមហ៊ុននាវាមួយចំនួនបានយល់ព្រមបញ្ចុះតម្លៃរបស់ខ្លួនមក ២០ ដុល្លារសម្រាប់កុងតឺន័រប្រភេទ 20 feet ពី១២០ដុល្លារ មកនៅ១០០ដុល្លារអាមេរិកនិងចុះតម្លៃ ៤០ ដុល្លារសម្រាប់កុងតឺន័រ៤0ហ្វីត ពី ២៤០ដុល្លារ មក២០០ដុល្លារ។
ថ្លៃដឹកជញ្ជូនតាមសមុទ្រ ក្រសួងមិនទាន់បានទទួលការឆ្លើយតបនៅឡើយទេ ។ ក៏ប៉ុន្តែមានក្រុមហ៊ុនមួយឈ្មោះថាអេស អាយ ធី ស៊ី ឡូជីស្ទីកខាំបូឌា បានយល់ព្រមចុះថ្លៃ ៥០ភាគរយសម្រាប់ការនាំចេញអង្ករទៅកាន់ប្រទេសចិនហើយក្រុមហ៊ុននេះបានយល់ព្រមផ្តល់ឲ្យក្រុមហ៊ុនដទៃទៀតប្រើប្រាស់កុងតឺន័ររបស់ខ្លួនដោយឥតគិតថ្លៃ ក្នុងការដឹកជញ្ជូនទំនិញទៅកាន់ប្រទេសចិន។ ដូច្នេះផលចំណេញពីការកាត់បន្ថយថ្លៃសេវ៉ា អូអេសស៊ី មានសរុបប្រមាណ ២០ម៉ឺនដុល្លារអាមេរិក។
ជាមួយគ្នានេះការទប់ទល់ថ្លៃប្រេងឡើងថ្លៃខ្ពស់ ក្រុមហ៊ុន អេស អាយ ធី ស៊ី ឡូជីស្ទីកខាំបូឌា បានយល់ព្រមមិនគិតថ្លៃសេវា អី ប៊ី ស៊ី របស់ខ្លួនទៀតទេ ដែលកន្លងមកក្រុមហ៊ុនបានគិតថ្លៃសេវាចំនួន ១៥ដុល្លារចំពោះកុងតឺន័រ ២០ហ្វីត និង ៣០ដុល្លារចំពោះកុងតឺន័រ ៤០ ហ្វីត ។ ដូចនេះផលចំណេញទទួលបាន ៩០ ០០០ ដុល្លារ។
កំពង់ផែក្រុងព្រះសីហនុសុខចិត្តបញ្ចុះថ្លៃលើកដាក់ឡូឡូ ១០ភាគរយ ថ្លែបូនឺស ៧.៥០ដុល្លារមួយប៊ត មកនៅ ៥ដុល្លារក្នុងមួយប៊ត និងកែសម្រួលមិនគិតថ្លៃឈ្នួលបន្លាស់ទីនាវា ។ ធ្វើឲ្យចំណេញពីការបញ្ចុះថ្លៃបាន២,១៣ លានដុល្លារបន្ថែមទៀតក្នុងឆ្នាំ២០១៩ ។ សម្រាប់ឆ្នាំ ២០១៩ កំពង់ផែភ្នំពេញ គ្រោងបញ្ចុះថ្លៃលើកដាក់ពីនាវា ទីលាន ថ្លៃច្រកទ្វារ ការអនុគ្រោះការស្តុកទុកកុងតឺន័រចំនួន ២ថ្ងៃសម្រាប់ការនាំចេញ សេវាកម្មដឹកជញ្ជូនកុងតឺន័រ និងបញ្ចុះថ្លៃស្កែនឡូឡូស្កែន។
សរុបកំពង់ផែភ្នំពេញបញ្ចុះតម្លៃសេវាលើកដាក់សេវាកម្មដឹកជញ្ជូននិងលើកដាក់មានប្រមាណ ១លាន ២សែនដុល្លារអាមេរិកក្នុងឆ្នាំ២០១៩។សរុបពីការបញ្ចុះតម្លៃទាំងអស់នៃវិស័យឯកជនដែលបានចូលរួមជាមួយរដ្ឋាភិបាលក្នុងដំណាក់កាលទី១ នេះមានប្រមាណ ៣ ៩៩០ ០០០ដុល្លារអាមេរិក រួមទាំងកំពង់ផែទាំងពីរផងមានចំនួនប្រមាណជាង ៣,៣៣លានដុល្លារអាមេរិកផង សរុបទាំងអស់ ៦ ៧២០ ០០០ដុល្លារអាមេរិក។
ទី៤-ការកាត់បន្ថយថ្លៃអគ្គិសនី៖ថ្លៃអគ្គិសនីគឺជាបញ្ហាមួយដែលបានលើកឡើងច្រើនលើកច្រើនសាដោយឯកជនដោយសារតម្លៃអគ្គិសនីនៅកម្ពុជានៅមានកម្រិតខ្ពស់ជាងប្រទេសជិតខាង។ ក្នុងបំណងកាត់បន្ថយថ្លៃអគ្គិសនីឲ្យមានកម្រិតប្រហាក់ប្រហែលនឹងប្រទេសជិតខាង។ រដ្ឋាភិបាលបានធ្វើការវិនិយោគលើវិស័យនេះយ៉ាងច្រើនសន្ធឹកសន្ធាប់ទាំងរោងចក្រផលិតអគ្គិសនីទាំងលើបណ្តាញខ្សែបញ្ជូនលើមូលដ្ឋាននេះរាជរដ្ឋាភិបាលបានកាត់បន្ថយថ្លៃអគ្គិសនីចាប់ពីឆ្នាំ២០១៩នេះទៅសម្រាប់អ្នកប្រើប្រាស់គ្រប់ប្រភេទរួមទាំងការកាត់បន្ថយថ្លៃអគ្គិសនីចំនួន២សេនដុល្លារក្នុងមួយគីឡូវ៉ាត់ម៉ោងសម្រាប់ប្រភេទឧស្សាហកម្មដែលទិញតាមខ្សែបញ្ជូនរងនិងខ្សែតង់ស្យុងមធ្យមនៅតំបន់ចែកចាយផង។ សុំស្នើក្រុមការងារដែលទើបតែបង្កើតថ្មីនេះសិក្សាស្រាវជ្រាវអំពីការប្រើប្រាស់អគ្គិសនីនិងតម្លៃអគ្គិសនីពេលយប់ និងការប្រើប្រាសថាមពលសូឡា ដើម្បីឲ្យចេញជាលទ្ធផលបានឆាប់។
ចំណុចនេះសម្តេចតេជោបានឲ្យដឹងថា យើងកំពុងសុំកិច្ចសហប្រតិការជាមួយប្រទេសជិតខាង ហើយយើងបានចរចាត្រូវគ្នាហើយ ជាមួយប្រទេសតួកគី និងធ្វើលិខិតទៅនាយករដ្ឋមន្ត្រីវៀតណាមសុំការផ្គត់ផ្គង់បន្ថែមពី ៥០ ទៅ ១០០ មេហ្គាវ៉ាត់ និងស្នើសុំទៅឡាវ និង ថៃ។ នៅថ្ងៃសុក្រខាងមុខប្រជុំគណៈរដ្ឋមន្ត្រីនិងដាក់ការសម្រេចមួយចំនួនដើម្បីអនុម័តលើគម្រោងវិនិយោគផលិតថាមពលអគ្គិសនី រួមមានវារីអគ្គិសនី នៅពោធិ៍សាត់ អគ្គិសនីដើរដោយហ្គាស និងគម្រោងមួយចំនួនដើរដោយថាមពលព្រះអាទិត្យ។
ទី៥-ការអភិវឌ្ឍសហគ្រាសធុនតូចនិងមធ្យម ៖ សម្តេចតេជោបានលើកឡើងថា វិស័យអាទិភាពដែលទទួលបានការលើកទឹកចិត្តរួមមាន ៖១-សហគ្រាសផលិត និងផ្គត់ផ្គង់ទឹកស្អាត ២-លទ្ធកម្មកសិកម្ម ឬ កសិឧស្សាហកម្ម៣-ផលិតកម្មផលិត និងកែច្នៃម្ហូបអាហារ ៤-កម្មន្តសាលផលិតទំនិញបម្រើឱ្យការនាំចេញ ៥-កម្មន្តសាលផលិតទំនិញប្រើប្រាស់ក្នុងស្រុក ។ ការកែច្នៃកាកសំណល់ និងផលិតទំនិញសម្រាប់វិស័យទេសចរណ៍ ៦- កម្មន្តសាលផលិតនៃផលិតផលសម្រេច ឬផលិតផលពាក់កណ្ដាលសម្រេច ឬគ្រឿងបង្គុំ ដើម្បីផ្គត់ផ្គង់ឲ្យកម្មន្តសាលដទៃទៀត ៧-ការស្រាវជ្រាវ និងអភិវឌ្ឍបច្ចេកវិទ្យា ព័ត៌មានដែលមានលក្ខណៈនវានុវត្តន៍ ៨- អភិវឌ្ឍន៍តំបន់ប្រមូលផ្តុំសហគ្រាសធុនតូច និងមធ្យម។
សម្តេចបន្តថា គោលនយោបាយជាកញ្ចប់ដែលរាជរដ្ឋាភិបាលបានដាក់ចេញរួមមានដូចជា ៖ ១-អនុក្រឹត្យលេខ ១២៤ ស្ដីពីការលើកទឹកចិត្តផ្នែកពន្ធដារសម្រាប់សហគ្រាសធុនតូច និង មធ្យម តែក្នុងនោះមានការលើកលែងពន្ធប្រាក់ចំណូល រយៈពេលប្រាំឆ្នាំការលើកលែងការបង់ប្រាក់ រំដោះពន្ធលើប្រាក់ចំណូល និងពន្ធអប្បបរមាការលើកលែងប្រាក់ចំណាយ ដែលបានកាត់កងបានពី១៥០ភាគរយ២០០ភាគរយ។ ២.អនុក្រឹត្យលេខ៥០ ចុះថ្ងៃទី២៥ ខែមីនា ឆ្នាំ២០១៩ ស្ដីពីការលើកទឹកចិត្តផ្នែកគយសម្រាប់សហគ្រាសធុនតូច និងមធ្យម ដែលក្នុងនោះរួមមានការលើកលែងពន្ធគយ លើសម្ភារៈបរិក្ខារផលិតផលិតផលកម្ម សម្ភារៈសាងសង់ និងធាតុផលិតកម្មផ្ទះបម្រើឲ្យការនាំចេញ និងសហគ្រាសដែលជាប្រភេទឧស្សាហកម្មគាំទ្រ និងអភិវឌ្ឍន៍ ប្រមូលផ្ដុំការអភិវឌ្ឍសហគ្រាសធុនតូច និងសហគ្រាសផលិត និងផ្នែកស្រាវជ្រាវ និងអភិវឌ្ឍន៍បច្ចេកវិទ្យាព័ត៌មានទទួលបានលើកលែងពន្ធគយលើសម្ភារបរិក្ខារសម្រាប់ដំឡើង និងប្រើប្រាស់ក្នុងការស្រាវជ្រាវ និងអភិវឌ្ឍន៍បច្ចេកវិទ្យាព័ត៌មានដែលមានលក្ខណៈនុវានុវត្តន៍។ ៣.អនុក្រឹត្យលេខ៥១ ចុះថ្ងៃទី២៥ ខែសីហា ឆ្នាំ២០១៩ ស្ដីពីការកែសម្រួលអត្រាពន្ធគយអត្រាអាករពិសេស និងអត្រាការនាំចេញ ដើម្បីលើកទឹកចិត្តដល់វិស័យកសិកម្ម និងសហគ្រាសធុនតូច និងមធ្យមក្នុងការថែរក្សាបរិស្ថាន។ ៤- ការរៀបចំដាក់ឲ្យដំណើរការ នៅក្នុងឆ្នាំ២០១៩ នូវធនាគារសហគ្រាសធុនតូច និងមធ្យមដែលមានទឹកប្រាក់ដំបូងប្រមាណ១០០លានដុល្លារដែលមានសក្តានុពលដល់ការពង្រីកអាជីវកម្មក្នុងក្របខ័ណ្ឌការងារ។ ៥-ក្រសួងឧស្សាហកម្មនិងសិប្បកម្មកំពុងតែដឹកនាំរៀបចំគោលនយោបាយជាកញ្ចប់សម្រាប់ជួយពីសហគ្រាសធុនតូច និងមធ្យមព្រមទាំងពង្រីកឡើងវិញនូវនិយមន័យរបស់ SMB ពីការលើកទឹកចិត្តនានាឱ្យបានចប់សព្វគ្រប់នៅក្នុងឆ្នាំ២០១៩នេះ ។ បន្ថែមលើនេះ សម្តេចតេជោនាយករដ្ឋមន្ត្រីបានស្នើឲ្យក្រសួងឧស្សាហកម្ម និងសិប្បកម្មធ្វើការសិក្សា និងពិនិត្យលទ្ធភាពរៀបចំច្បាប់ស្ដីពីសហគ្រាសធុនតូច និងមធ្យមផងដែរ។ ៦. រាជរដ្ឋាភិបាលបានបង្កើតឡើងនៃមូលនិធិសហគ្រិនភាពដែលមានថវិកា៥លានដុល្លារក្នុងមួយឆ្នាំ និងមជ្ឈមណ្ឌលធុរកិច្ចថ្មីតេជោក្នុងបំណងជួយជាហិរញ្ញវត្ថុ ការផលិត ការសិក្សាទីផ្សារនិងការពិគ្រោះយោបល់ដល់សហគ្រាសធុនតូច និងមធ្យម និងក្រុមហ៊ុនតូចដែលទើបបានបង្កើតឡើង។ ជាមួយនឹងការដាក់នូវគោលនយោបាយជួយដល់អ្វីដែលរដ្ឋាភិបាលចង់បានគេស្គាល់តូចនិងមធ្យមមកវិញគឺការចុះបញ្ជីនិងការកាត់បញ្ជីគណនេយ្យឲ្យបានត្រឹមត្រូវ។
ទី៦-វិធានការសម្រួលពាណិជ្ជកម្មក្រោមដែនសមត្ថកិច្ចរបស់គយ ៖ ដើម្បីការសម្រួលពាណិជ្ជកម្មឲ្យប្រព្រឹត្តទៅកាន់តែរលូនចំណាយពេលវេលាតិច និង ចំណាយថវិកាទាបក្រសួងសេដ្ឋកិច្ចនិងហិរញ្ញវត្ថុបានដាក់ចេញនូវវិធានការមួយចំនួនដូចជា ៖ទី.១.ដើម្បីដោះស្រាយនូវកង្វល់របស់វិស័យឯកជនលើការចំណាយក្រៅផ្លូវការសម្រាប់សេវាពាក់ព័ន្ធនិងសមត្ថកិច្ចរបស់គយក្រសួងសេដ្ឋកិច្ចនិងហិរញ្ញវត្ថុបានចេញប្រកាសមួយលេខ ១៦០៨ ចុះថ្លៃទី២១ ខែធ្នូ ឆ្នាំ២០១៨ ស្តីពីការផ្តល់សេវាសាធារណៈរបស់អគ្គនាយកដ្ឋានគយ និងរដ្ឋាករ ដែលចូលជាធរមាននៅថ្ងៃទី១ ខែមេសា ឆ្នាំ២០១៩។ រាល់ការផ្តល់សេវាទាំងអស់ត្រូវមានការចេញវិក្កយបត្រ ព្រឹត្តិបត្រ និង ប្រព័ន្ធកុំព្យូទ័រ ជូនទៅម្ចាស់ទំនិញដើម្បីតម្លាភាពក្នុងចំណាយលើសេវានេះ។ ទី២.រួមចំណែកកាត់បន្ថយ ៥០ភាគរយនៃថ្លៃការស្កែនកុងតឺន័រទំនិញនាំចេញនាំចូល ពោលគឺកាត់បន្ថយពី២០ដុល្លារ មកនៅត្រឹម ១០ដុល្លារសម្រាប់កុងតឺន័រ ២០ហ្វីត និងពី៣២ ដុល្លាមកនៅ ១៦ដុល្លារសម្រាប់កុងតឺន័រ ៤០ហ្វីត។ ដើម្បីកាត់បន្ថយការកកស្ទះកុងតឺន័រនៅកំពង់ផែ ក្រសួងសេដ្ឋកិច្ចបានចេញប្រកាសដោយអនុលោមតាមគោលការណ៍ចំនួន៣៖ទី១.ស្គេនកុងតឺន័រនាំចូលតាមប្រព័ន្ធគ្រប់គ្រងហានិភ័យ កុងតឺន័ររបស់ក្រុមហ៊ុនដោយមានតែនៅឡែមប្រភេទល្អមិនចាំបាច់ឲ្យ scan គ្រប់ពេលវេលានោះទេដើម្បីជាការលើកទឹកចិត្តនិងទី៣. ចំពោះអ្នកត្រូវការបញ្ចេញទំនិញនៅផែស្ងួតគឺត្រូវគេនៅទីនោះដោយមិនចាំបាច់ស្គេននៅកំពង់ផែនោះទេប្រការនេះនឹងចូលជាធរមាននៅថ្ងៃទី ១ ខែមេសាឆ្នាំ ២០១៩ បីថ្ងៃនេះចូលជាធរមានផងដែរ។ ៤.ដោយពិនិត្យឃើញថា មុខទំនិញជាប់កំរិតកំណត់ និង ហាមឃាត់នៅក្នុងអនុក្រឹត្យលេខ ២០៩ ដាក់ឲ្យអនុវត្តចុងឆ្នាំ ២០១៧ មានចំនួនច្រើនពេក សូមឲ្យក្រសួងរៀបបញ្ចប់ការរៀបចំអនុក្រឹត្យនេះឡើងវិញដើម្បីចេញឲ្យអនុវត្តនៅថ្ងៃទី១ខែកក្កដា ២០១៩ដែលមានជាង ២.០០០ មុខទំនិញ ដូចនេះត្រូវកាត់បន្ថយឲ្យមកនៅតិចបំផុត ។ ទី៥.ចំពោះការអនុវត្តប្រព័ន្ធបញ្ជរជាតិតែមួយតភ្ជាប់ជាមួយប្រព័ន្ធបញ្ជរជាមួយអាស៊ាន និង ជួយសម្រួលពាណិជ្ជកម្មបន្ថែមទៀត។
ទី៧.ការសម្រួលពាណិជ្ជកម្មនៅក្រោមសមត្ថកិច្ចពន្ធដារ។ ឆ្លើយតបចំពោះសេចក្តីត្រូវការនិងសម្រួលដល់ការដល់ការបង្វិលសង និង ការសម្របសម្រួលក្នុងការធ្វើសវនកម្មរបស់អគ្គនាយកដ្ឋានពន្ធដារ។ ១.បានរៀបចំដាក់ឲ្យដំណើរការកាលពីពេលថ្មីៗ កន្លងទៅលើប្រព័ន្ធអនឡាញសម្រាប់គ្រប់គ្រងអាករលើតម្លៃបន្ថែម របស់អគ្គនាយកដ្ឋានពន្ធដារ ក្នុងគោលដៅគ្រប់គ្រងការបង្វិលសង និងការប្រើប្រាស់ឥណទានអាករលើតម្លៃបន្ថែម ឲ្យមានប្រសិទ្ធភាពនិងសុវត្ថិភាពធានាបាននូវតម្លាភាពភាពងាយស្រួលភាពឆាប់រហ័ស និងភាពជឿទុកចិត្តក្នុងការផ្តល់សេវាជូនអ្នកជាប់ពន្ធ។ ២.បានដាក់ឲ្យបទញាក់ចេញមកប្រកាសស្ដីពីសវនកម្មពន្ធដារលេខ ២៧០ ចុះថ្ងៃទី ១៣ ខែមីនាឆ្នាំ ២០១៩ ដែលបានកំណត់នូវវិធានការនិងនីតិវិធីសំដៅ ទី១.លុបបំបាត់ការចុះធ្វើសវនកម្មជាន់គ្នារវាងអង្គភាពជំនាញនៃអគ្គនាយកដ្ឋានពន្ធដារ។ ទី ២.ការបន្ថយពេលកំណត់ពន្ធឡើងវិញចំពោះការធ្វើសវនកម្មពេញលេញដោយកំណត់គោលការណ៍គោលការណ៍ទូចទៅមកនៅត្រឹម ៣ ឆ្នាំថយក្រោយវិញធៀបនិងបទបញ្ញត្តិច្បាប់ជាធរមានដែលអនុញ្ញាតឲ្យគុណសវនកម្មរៀលពេល ១០ឆ្នាំថយក្រោយ ។ ៣. បន្ថយអត្រាការប្រាក់ទោសទណ្ឌលើការបង់ប្រាក់ពន្ធយឺតពីកំរិត ២ ភាគរយក្នុងមួយខែមកនៅត្រឹម ១,៥ ភាគរយក្នុងមួយខែវិញ។
ទី៨.ការកាត់បន្ថយថ្ងៃឈប់សម្រាកបុណ្យនឹងទិវាជាតិ ។ សម្រាប់កម្ពុជានៅពេលកន្លងមកយើងមានថ្ងៃឈប់សម្រាក ២៨ ទៅ ៣០ថ្ងៃក្នុងមួយឆ្នាំនៅពេលដែលប្រទេសជិតខាងដូចជាវៀតណាមមានតែ១៣ ថ្ងៃប្រទេសឡាវមាន ១២ ថ្ងៃប្រទេសថៃមានដាក់ត្រឹម១៦ថ្ងៃ នៅប្រទេសសិង្ហបុរីមាន ១១ ថ្ងៃ។ ក្នុងគោលបំណងដែលលើកកម្ពស់ថែមថែមទៀតនូវបាតុភាពរបស់កម្ពុជាយើងបានសម្រេចកាត់បន្ថយចំនួនថ្ងៃឈប់សម្រាក ចំនួន ៧ ថ្ងៃដែលនឹងត្រូវចាប់ផ្តើមពីឆ្នាំ ២០២០ ទៅ។ ប្រមុខរដ្ឋាភិបាលបង្ហើបថា ថ្ងៃចម្រើនព្រះជន្មព្រះមហាក្សត្រដែលធ្លាប់ឈប់សម្រាក៣ថ្ងៃ នឹងត្រូវកាត់បន្ថយឲ្យនៅសល់តែ១ថ្ងៃប៉ុណ្ណោះ ឯ២ថ្ងៃទៀត នឹងត្រូវលុបចោល។
ទី៩.ការពិនិត្យនិងរៀបចំជាបញ្ជីស្ថាប័ននិងពេលវេលាចុះត្រួតពិនិត្យនៅតាមរោងចក្រ។ រាជរដ្ឋាភិបាលសម្រេចដាក់ចេញនូវវិធានការដូចខាងក្រោម ជំហានដំបូងគ្រប់ក្រសួងស្ថាប័នជាច្រើនដែលមានអធិការកិច្ចការតាមរោងចក្រសហគ្រាសលើសពីមួយក្រុម ត្រូវច្របាច់បញ្ចូលគ្នាជាមួយក្រុម នឹងចុះតែមួយនៅក្នុងមួយឆ្នាំចំពោះគោលដៅមួយដោយរៀបចំជាបញ្ជីសកម្មភាពអធិការកិច្ចនិងការកំណត់វេលាចង់ឲ្យបានច្បាស់លាស់លើកលែងតែមានករណីចាំបាច់ ឬ ករណីមានបទល្មើសដូចជាកម្មករដួលសន្លប់ខណៈការងារជាដើមដែលត្រូវតម្រូវឲ្យមានការធ្វើអធិការកិច្ចពិសេសដោយឡែករបស់ក្រុមការងារជំនាញមានសមត្ថកិច្ច។ ជំហានបន្ទាប់ក្រសួងការងារនិងបណ្ដុះបណ្ដាលវិជ្ជាជីវៈត្រូវរៀបចំនិងដឹកនាំក្រុមការងារដោយមានការចូលរួមពីគ្រប់ក្រសួងពាក់ព័ន្ធដែលមានក្រុមអធិការកិច្ចត្រូវចុះតាមរោងចក្រសហគ្រាសដើម្បីពិនិត្យសារៈសំខាន់នៃការចុះអធិការកិច្ចនីមួយៗកំណត់ឲ្យបាននូវអធិការកិច្ចមួយណាគួរទុកមួយណាគួរដាក់ចេញនិងរៀបចំបញ្ជីក្រុមអធិការកិច្ចមុខងារនិងពេលវេលាចុះអធិការកិច្ចតាមរោងចក្រឲ្យបានច្បាស់លាស់។
ទី១០.ការកំណត់អត្រាភាគទាននៃរបបសោធន។ ទី១.ពេលវេលានៃការចាប់ផ្ដើមអនុវត្តរបបសោធនចាប់ផ្ដើមអនុវត្តការងារក្នុងឆ្នាំ ២០១៩ នេះ ខ្ញុំសុំស្នើឲ្យរដ្ឋមន្ត្រីក្រសួងការងារសហការជាមួយក្រសួងស្ថាប័នពាក់ព័ន្ធជំរុញបញ្ចប់ការរៀបចំច្បាប់ស្ដីពីក្ស័យធនឲ្យបានឆាប់។ ទី២. សម្រាប់កត់ត្រាភាគកណ្តៀងកន្លងមកក្រុមប្រឹក្សាជាតិគាំពារសង្គមបានដឹកនាំកិច្ចប្រជុំជាមួយក្រសួងស្ថាប័នរាជរដ្ឋាភិបាលវិស័យឯកជននិងសហជីពដើម្បីកំណត់យកនូវអត្រាភាគទានដែលអាចទទួលបានពីគ្រប់ភាគីពាក់ព័ន្ធជាលទ្ធផលសម្រាប់ឆ្នាំដំបូងភាគីទាំងអស់បានឯកភាពយកអត្រាភាគទានចំនួន ៤ ភាគរយដែល ២% ត្រូវបង់ដោយនិយោជកនិង ២% ទៅបុងដែលនិយោជិត។
ទី១១.ការកំណត់នូវពេលវេលានិងចំនួនថ្ងៃបើកប្រាក់បំណាច់អតីតភាពការងារ។ រាជរដ្ឋាភិបាលបានសម្រេចឯកភាពផ្ដល់ការអនុគ្រោះផ្នែកពន្ធដារមួយចំនួនទៀតដូចខាងក្រោម៖ទី១.លើកលែងពន្ធលើប្រាក់ចំណេញអតីតភាពការងារថ្មីក្នុងឆ្នាំចាប់ពីឆ្នាំ ២០១៩ តទៅនឹងលើកលើប្រាក់រំលឹកប្រាក់បំណាច់អតីតភាពការងារដែលមានមុនឆ្នាំ ២០១៩ ចំពោះរោងចក្រសហគ្រាសទាំងនៅក្នុងវិស័យវាយនភ័ណ្ឌកាត់ដេរនិងផលិតស្បែកជើងដែលត្រូវអនុវត្តចាប់ពីឆ្នាំ ២០១៩នេះតទៅយើងទាំងនៅក្នុងវិស័យផ្សេងៗទៀតក្រៅពីវាយនភ័ណ្ឌកាត់ដេរនិងផលិតស្បែកជើងដែលត្រូវអនុវត្តចាប់ពីចុងឆ្នាំ ២០២១។ ទី២.អនុញ្ញាតជាចំណីសត្វក៏បានចំពោះចំណីរបស់សត្វក្រៀលលើការទូទាត់ប្រាក់បំណាច់អតីតភាពការងារនិងប្រាក់រំលឹកប្រាក់បំណាច់អតីតភាពការងារ។ទី៣.បេះដូងឯកាលើតម្លៃបន្ថែមលើសេវារកការងារឲ្យធ្វើ បណ្ដុះបណ្ដាលបញ្ជូននិងគ្រប់គ្រងពលករឬកម្មសិក្សាការីទៅធ្វើការនៅបរទេសរបស់ទីភ្នាក់ងារជ្រើសរើសឯកជន។
១២.ការពិនិត្យលទ្ធភាពកែសម្រួលច្បាប់ការងារដើម្បីឲ្យស្របទៅនឹងរបត់ថ្មីនៃសេដ្ឋកិច្ច ។ ក្នុងស្មារតីបន្តជំរុញនិងពង្រឹងភាពប្រកួតប្រជែងរបស់កម្ពុជាត្រៀមសុំស្នេហ៍តែសួងការងារនិងបណ្ដុះបណ្ដាលវិជ្ជាជីវៈចាប់ផ្ដើមសិក្សានិងពិនិត្យពិគ្រោះយោបល់ជាមួយភាគីពាក់ព័ន្ធលើការកែសម្រួលច្បាប់ស្ដីពីការងារ។
ទី១៣.ប្រាក់ឈ្នួលអប្បបរមាមានក្នុងវិស័យកាត់ដេរ។ ក្នុងនាមជានាយករដ្ឋមន្ត្រីរបស់ប្រជាជនកម្ពុជាទាំងមូលខ្ញុំក៏ត្រូវគិតដល់ជីវភាពនិងសុខុមាលភាពរបស់កម្មករនិងនិយោជិតយើងផងដែរជាមុខវិជ្ជាមួយណាថ្ងៃនេះខ្ញុំសូមធ្វើស្នេហ៍ឲ្យក្រសួងការងារនិងបណ្ដុះបណ្ដាលវិជ្ជាជីវៈតាមរយៈក្រុមប្រឹក្សាជាតិប្រាក់ឈ្នួលអប្បបរមាគិតគូរពីវិធីសាស្ត្រនៃការគណនាប្រាក់ឈ្នួលអប្បបរមានិងលទ្ធភាពនៃការគណនាប្រាក់ឈ្នួលតាមតំបន់ដោយផ្អែកលើការព្យាករណ៍ពីលទ្ធភាពជីវភាពរស់នៅរបស់កម្មករនិយោជិតនិងភាពអាចប៉ាន់ប្រមាណបាននៃការដំឡើងប្រាក់ឈ្នួលអប្បបរមាសម្រាប់រយៈពេលមធ្យម។
១៤.អភិវឌ្ឍវិស័យកសិកម្ម ។ ម៉េចហើយទៅតាមរយៈពេលប៉ុន្មានឆ្នាំចុងក្រោយនេះមានកំណើនទៀតហើយតម្លៃផលិតផលកសិកម្មក៏មានការប្រែប្រួលមិនច្បាស់លាស់ទោះបីកម្ពុជាអាចផលិតនូវផលិតផលកសិកម្មបានច្រើនក៏ដោយថ្មីៗនេះរាជរដ្ឋាភិបាលបានដាក់ចេញនូវវិធានការប៉ុន្ដែជាច្រើនដើម្បីជួយដល់វិស័យនេះ។
១៥.ការប្រែក្លាយធនាគារអភិវឌ្ឍន៍ជនបទទៅជាធនាគារអភិវឌ្ឍន៍ជនបទនិងកសិកម្ម។ ក្នុងគោលបំណងជំរុញឲ្យធនធានអភិវឌ្ឍន៍ជនបទកាន់តែមានសមត្ថភាពដឹកនាំក្នុងនាមជាតួនាទីបំរើគោលនយោបាយរបស់រាជរដ្ឋាភិបាលហើយមានលទ្ធភាពផ្តល់ហិរញ្ញប្បទាននិងសេវាកម្មពេញលេញប្រកបដោយប្រសិទ្ធភាពនិងចីរភាពដល់ការអភិវឌ្ឍន៍វិស័យកសិកម្មនិងសេដ្ឋកិច្ចជនបទរាជរដ្ឋាភិបាលបានសម្រេចត្រូវឆ្លើយធនាគារអភិវឌ្ឍន៍ជនបទទៅជាធនាគារអភិវឌ្ឍន៍ជនបទនិងកសិកម្មដែលបំពេញមុខងារជាព្រះរាជធានីមួយផងនិងជាធនាគារគោលនយោបាយផង។
ទី.១៦.ការដឹកជញ្ជូនតាមផ្លូវដែក។ កន្លងទៅរាជរដ្ឋាភិបាលកម្ពុជាតែងតែគាំទ្រយ៉ាងពេញទំហឹងលើការជួសជុលការសាងសង់និងការធ្វើឲ្យប្រសើរឡើងនៅប្រព័ន្ធផ្លូវដែកជាតិដែលរួមមានផ្លូវដែកភាគខាងជើងនិងផ្លូវដែកភាគខាងត្បូងតាមរយៈកៀងគរប្រភពថវិកាជាតិនិងជំនួយហិរញ្ញវត្ថុពីធនាគារអភិវឌ្ឍន៍អាស៊ីនិងដៃគូអភិវឌ្ឍន៍នានាផងដែរក្រុមគម្រោងដែលមានថវិកាសរុបប្រមាណ ១៤២.៦ លានដុល្លារ នឹងបន្ថែមថវិកាជាតិប្រមាណ ៨៥ លានដុល្លារទៀត ។ ប៉ុន្តែក្នុងរយៈពេល ជិត១០ឆ្នាំ កន្លងមកនេះ វិស័យដឹកជញ្ជូនផ្លូវដែកកម្ពុជាហាក់ដូចជាមិនបានទទួលជោគជ័យល្អប្រសើរប៉ុន្មានទេ។ បើទោះបីជាក្រសួងសាធារណការនិងដឹកជញ្ជូនបានខិតខំប្រឹងប្រែងលើកទឹកចិត្តនិងផ្សព្វផ្សាយពីវិស័យនេះ យ៉ាងណាក៏ដោយក្រុមហ៊ុនរ៉ូយ៉ាល់រេលវេកម្ពុជាជាទូទៅមិនបានពង្រីកសក្ដានុពលរបស់ខ្លួននិងមិនបានដាក់ទុនលើក្បាលរថភ្លើងដែលលឿននិងគ្រឿងបរិក្ខារនានាដើម្បីបំពេញតម្រូវការរបស់អតិថិជនដែលរួមមានដូចជាក្រុមហ៊ុនដឹកជញ្ជូនក្រុមហ៊ុននាំចេញនាំចូលទំនិញកសិករនិងអ្នកដំណើរជាដើម។ ទាំងនេះគឺជាបញ្ហាធំដែលចាំបាច់ត្រូវដោះស្រាយដើម្បីឲ្យមានភាពចំរើនលើវិស័យដឹកជញ្ជូនតាមផ្លូវដែកនៅកម្ពុជាហើយគប្បីឆ្លើយតបទៅនឹងតម្រូវការនិងការរំពឹងទុករបស់ប្រជាពលរដ្ឋកម្ពុជានិងពាណិជ្ជកម្មហេតុនេះហើយដើម្បីទទួលបានជោគជ័យក្នុងការគ្រប់គ្រងប្រព័ន្ធផ្លូវដែករបស់យើង រាជរដ្ឋាភិបាលសម្រេចបញ្ចប់ការធ្វើអាជីវកម្មរបស់ក្រុមហ៊ុនរ៉ូយ៉ាល់រេវវ៉េកម្ពុជាក្នុងក្នុងប្រតិបត្តិការផ្លូវដែក។ រដ្ឋាភិបាលសម្រេចប្រគល់ការគ្រប់គ្រងប្រតិបត្តិការជួយដៃឲ្យទៅក្រសួងសាធារណការនិងដឹកជញ្ជូនជាបណ្ដោះអាសន្នដើម្បីរៀបចំវិធីគ្រប់គ្រងដំណើរការឡើងវិញមុននឹងឈានទៅដល់ការដាក់ឲ្យដេញថ្លៃជាសាធារណៈជ្រើសរើសក្រុមហ៊ុនដែលមានសមត្ថភាពនិងបទពិសោធន៍គ្រប់គ្រាន់ដោយសារការជាមួយរដ្ឋាភិបាលសំដៅធ្វើឲ្យប្រព័ន្ធផ្លូវដែកកម្ពុជាមានលក្ខណៈស្តង់ដារនិងមានលក្ខណៈទំនើបជឿនលឿនសម្រាប់ដឹកជញ្ជូនទំនិញនិងអ្នកដំណើរប្រកបដោយភាពជឿជាក់សុវត្ថិភាពនិងតម្លៃសមរម្យហើយក្លាយជាឆ្អឹងខ្នងសេដ្ឋកិច្ចដ៏សំខាន់ដែលបង្កើតនូវកាលានុវត្តភាពថ្មីៗជាច្រើនទៀតសម្រាប់ប្រជាជាតិកម្ពុជា។
ទី១៧. មេឃភ្លៀងកែប្រែទម្រង់ដែលកំពុងត្រូវបានរៀបចំនិងដាក់ឲ្យអនុវត្តនៅពេលខាងមុខ។ អ្វីដែលបានរៀបរាប់ខាងលើជាវិធានការមួយភ្លែតជាកញ្ចប់ដើម្បីពង្រឹងភាពប្រកួតប្រជែងនិងធ្វើពិពិធកម្មសេដ្ឋកិច្ចដែលត្រូវបានដាក់ចេញរួចហើយហើយកំពុងតែត្រូវបានចាត់ចែងជំរុញអនុវត្តក្រៅពីវិធានការខាងលើនេះខ្ញុំក៏បានណែនាំឲ្យរៀបចំវិធានការខ្លះទៀតនាពេលអនាគតដ៏ខ្លីខាងមុខដែលរួមមាន ១.ការបញ្ឈប់ការធ្វើវិសោធនកម្មច្បាប់ស្ដីពីការវិនិយោគនិងច្បាប់ស្ដីពីតំបន់សេដ្ឋកិច្ចពិសេស ។ទី២.ការពិនិត្យនិងសិក្សាលទ្ធភាពច្របាច់បញ្ចូលគ្នានូវដំណើរការចុះបញ្ជីអជីវកម្មនិងកែសម្រួលកិច្ចចុះបញ្ជីអាជីវកម្ម។ ទី៣.ការធ្វើពិពិធកម្មទីផ្សារនាំចេញ។
បើតាមសម្តេចតេជោនាយករដ្ឋមន្ត្រី ហ៊ុន សែន សរុបជារួមមកការដាក់ចេញនូវកញ្ចប់វិធានការកំណែទម្រង់ក្នុងដំណាក់កាលទី១នេះនឹងធ្វើឲ្យវិស័យឯកជនកាត់បន្ថយការចំណាយនានាដែលគិតជាទឹកប្រាក់សរុបជាង៤០០លានដុល្លារ បើទោះបីជាកម្ពុជាត្រូវប្រឈមនឹងការបាត់បង់ EBA ហើយតម្រូវឲ្យមានការបង់ពន្ធក៏កម្ពុជាអាចមានលទ្ធភាពបង់ពន្ធផងដែរ។
សម្តេចតេជោ ហ៊ុន សែន បានចាត់ទុកថានេះជាវិធានការកែទម្រង់សេដ្ឋកិច្ចដំណាក់កាលទី០១នេះ គឺដើម្បីពង្រឹងភាពប្រកួតប្រជែងនិងកំណើនសេដ្ឋកិច្ចរបស់កម្ពុជា ខណៈអ្នកវិភាគបានមើលឃើញថា ជាវិធានការដើម្បីទប់ទល់ក្នុងគ្រាដែលកម្ពុជាត្រូវបាត់បង់ប្រព័ន្ធអនុគ្រោះពន្ធពីសហភាពអឺរ៉ុបដោយណាមួយនោះ។
នៅក្នុងវេទិការដ្ឋាភិបាលនិងផ្នែកឯកជនលើកទី១៨ ដែលប្រព្រឹត្តទៅនៅវិមានសន្តិភាពនៅថ្ងៃទី ២៩ មីនានេះសម្តេច ហ៊ុន សែន បានបញ្ជាក់ជាថ្មីថា «កម្ពុជាមិនអាចយកឯករាជ្យ អធិបតេយ្យភាពជាតិទៅដោះដូរ (EBA) អ្វីទាំងអស់ បើទោះបីជាត្រូវរស់ក្នុងភាពអត់ឃ្លានក៏ដោយ»៕
Source: Kampuchea Thmey Daily
0 Comments