កណ្តាល ៖ អំពើហិង្សាមួយផ្តើមឡើងក្រោយសុរាចូលខ្លួន ធ្វើឲ្យបុរសដែលជិះម៉ូតូកាប់អ្នកស្គាល់គ្នាដាច់ដៃម្ខាងដោយសារមានពាក្យស្តីថាកុំឲ្យរោទ៍សំឡេងម៉ូតូ។
ហេតុការណ៍នេះ បានកើតឡើងនៅថ្ងៃអាទិត្យ៤រោច ខែផល្គុន ឆ្នាំច សំរឹទ្ធិស័ក ព.ស២៥៦២ត្រូវថ្ងៃទី២៤ ខែមីនា ឆ្នាំ២០១៩ វេលាម៉ោង១៩និង២០នាទីយប់ នៅចំណុចផ្ទះជនរងគ្រោះ ឈ្មោះចាន់ថេត ភូមិទួលមាស ឃុំអរិយក្សត្រស្រុកល្វាម ខេត្តកណ្តាល។
សាក្សីនិយាយថា ជនរងគ្រោះឈ្មោះស៊ឹម ចាន់ថេត ភេទប្រុស អាយុ៣៦ឆ្នាំ ជនជាតិខ្មែរ ទីលំនៅសព្វថ្ងៃ ភូមិទួលមាស ឃុំអរិយក្សត្រ ស្រុកល្វាឯម ខេត្តកណ្តាល មុខរបរកសិករ រងរបួសដាច់កដៃឆ្វេងត្រឹមកដៃ កំពុងសម្រាកព្យាបាលគ្លីនិក ២៤ម៉ោង អរិយក្សត្រ។
ជនសង្ស័យឈ្មោះ កា ឆវន្ត័ ភេទប្រុស អាយុ២៥ឆ្នាំ ជនជាតិខ្មែរ ទីលំនៅភូមិទួលមាស ឃុំអរិយក្សត្រ ស្រុកល្វាឯម ខេត្តកណ្តាល មុខរបរកម្មករសំណង់ ជនសង្ស័យរត់គេចខ្លួនក្រោយពេលកើតហេតុភ្លាមៗ។
សាក្សីបានឲ្យដឹងទៀតថា មុនពេលកើតហេតុជនជនសង្ស័យ បានផឹកស្រាស្រវឹង ហើយជិះម៉ូតូរោទ៍យ៉ាងខ្លាំងនៅមុខផ្ទះជនរងគ្រោះ។ ពេលនោះជនរងគ្រោះឈ្មោះស៊ឹម ចាន់ថេត ប្រាប់ទៅជនសង្ស័យឈ្មោះ ការ ឆវ័ន្ត ថាឯងកុំមករោទ៍ម៉ូតូ នៅមុខផ្ទះអញ។ ឈ្មោះកា ឆវ័ន្ត ជនសង្ស័យ ស្រវឹងស្រា ឆេវឆាវ ខឹងជនរងគ្រោះឈ្មោះស៊ឹម ចាន់ ថេត ថាឲ្យ បានជិះម៉ូតូដែលខ្លួនជិះស្រាប់ យកកាំបិត ហើយលបចូលកាប់ឈ្មោះ ស៊ឹម ចាន់ថេត ដែលឈរនៅគល់ស្វាយមុខផ្ទះ មិនដឹងខ្លួន បណ្ដាលឲ្យដាច់ករដៃខាងឆ្វេងតែម្តង។ ករណីខាងលើនេះ កម្លាំងប៉ុស្តិ៍កំពុងបន្ត ស្រាវជ្រាវ ស្វែងរកចាប់ជនសង្ស័យ៕
Source: Kampuchea Thmey Daily
0 Comments