ភ្នំពេញ ៖ លោកជំទាវកិត្ដិសង្គហបណ្ឌិត ម៉ែន សំអន ឧបនាយករដ្ឋមន្ដ្រី រដ្ឋមន្ដ្រី ក្រសួងទំនាក់ជាមួយរដ្ឋសភា ព្រឹទ្ធសភា និងអធិការកិច្ច បាន ធ្វើពិធីបួងសួងសុំសេចក្តីសុខសប្បាយពោរពេញដោយសុខសន្តិភាពសម្រាប់នគរកម្ពុជាបន្តទៀតជារៀងរហូតក្រោមមាគ៌ាដឹកនាំប្រកបដោយកិត្តិបណ្ឌិតរបស់សម្តេចតេជោហ៊ុន សែន នាយករដ្ឋមន្ត្រីនៃប្រទេសកម្ពុជា។
លោកជំទាវធ្វើការបួងសួងនេះ ខណៈអញ្ជើញជាអធិបតីក្នុងពិធីអភិសេកព្រះព្រហ្ម ព្រះភិរុណ ព្រះនាងទេពសុវណ្ណមច្ឆា មកតម្កល់ នៅបរិវេណ ទីស្ដីការក្រសួងទំនាក់ទំនងជាមួយរដ្ឋសភា ព្រឹទ្ធសភា និង អធិការកិច្ច ស្ថិតនៅក្នុង សង្កាត់ទន្លេបាសាក់ ខណ្ឌចំការមន រាជធានីភ្នំពេញ សុំសេចក្ដីសុខ សេចក្ដីចម្រើន កាលពីល្ងាចថ្ងៃពុធ ១៥កើត ខែផល្គុន ឆ្នាំចសំរឹទ្ធិស័កព.ស ២៥៦២ត្រូវនិងថ្ងៃទី២០ មីនា ឆ្នាំ២០១៩។ ទស្សនៈព្រះពុទ្ធសាសនាជាកម្លាំងដឹកនាំចរិយាធម៌សង្គម។
លោកជំទាវកិត្តិសង្គហបណ្ឌិតបានឩទ្ទិសកុសលផលបុណ្យ ដែលមកពីពិធីបុណ្យពុទ្ធាភិសេកបួងសួងសូមឲ្យវត្ថុស័ក្តិសិទ្ធិក្នុងលោក តាមថែរក្សាប្រមុខដឹកនាំប្រទេសកម្ពុជា ដែលមានសម្តេចតេជា ហ៊ុន សែនជានាយករដ្ឋមន្ត្រីមានសុខភាពល្អអាយុយឺនយូរដើម្បីបន្តដឹកនាំនាវាកម្ពុជាឆ្ពោះទៅការរីកចម្រើនបន្ថែមទៀត ជ្រកក្រោមម្លប់សន្តិភាព ដែលមនុស្សក្នុងពិភពលោកប្រាថ្នាចង់បាន។
សូមបញ្ជាក់ថា ពិធីអភិសេកព្រះព្រហ្ម .ព្រះភិរុណ .ព្រះនាងទេពសុវណ្ណមច្ឆា មកតម្កល់នៅបរិវេណ ក្រសួងទំនាក់ទំនងជាមួយ រដ្ឋសភា ព្រឹទ្ធសភា និងអធិការកិច្ចនេះ តាមជំនឿសាសនាប្រពៃណីរបស់ខ្មែរយើង គឺសុំសេចក្ដីសុខ សេចក្ដី ចម្រើន ដល់មន្ដ្រីរាជការ សព្វមុខនាម៉ឺនមន្ត្រី ឲ្យទទួលបានលាភពរជ័យសិរីសួស្ដីជារៀងរហូត។
ការរៀបចំបុណ្យពុទ្ធាភិសេកនេះ គឺជាការបញ្ជាក់នូវដំណាក់កាលព្រះប្រសូត្រនិងដំណាក់កាលព្រះវិន័យ ហើយក៏ស្របទៅនឹងការរីកចម្រើននិងសុខសន្តិភាពពេញផ្ទៃប្រទេសក្រោមការដឹកនាំដ៏ឈ្លាសវៃប្រកបដោយកិត្តិបណ្ឌិតរបស់សម្តេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា តែម្តងដែលបានជំរុញឲ្យអភិវឌ្ឍន៍យ៉ាងឆាប់រហ័សទាំងវិស័យពុទ្ធចក្រនិងអាណាចក្រ។ ទោះបីយ៉ាងណាក៏នៅមានបញ្ហាជាច្រើនដែលត្រូវ ដោះស្រាយ ដោយឈរលើលោកជំទាវកិត្តិសង្គហបណ្ឌិតបាន ធ្វើការអំពាវនាវ ដល់ពុទ្ធបរិស័ទ ទាំងអស់ មេត្តាចូលរួមបំពេញកុសលទាំងឡាយ ដើម្បីជាគុណ ប្រយោជន៍ដល់ការថែរក្សា ការពារ សេចក្តីសុខសន្តិភាព ស្ថេរភាព សាមគ្គីភាព ក្តីសង្ឃឹម លើកស្ទួយ ការកសាងជាតិ ឆ្ពោះទៅរកសេចក្តីថ្កុំថ្កើងរុងរឿង សម្បូរ សប្បាយទាំងឡាយធ្វើដំណើរតាមគន្លងព្រះធម៌ មានសេចក្តីជ្រះថ្លា ប្រមូលផ្តុំកម្លាំងកសាង អរិយធម៌ វប្បធម៌ ប្រជាធិបតេយ្យ សេរីពហុបក្ស តាមគោលការណ៍នីតិរដ្ឋ៕
Source: Kampuchea Thmey Daily
0 Comments