កណ្ដាល ៖ ព្រះបដិមា (ធ្វើពីស្ពាន់)៤.០០០អង្គ ដែលគណៈកម្មការវត្ត បានយកទៅតម្កល់ទុកនៅក្រោមបល្ល័ង្កព្រះជាយូរមកហើយ មិនដែលមានការបាត់បង់ឡើយនោះ ទើបនៅថ្ងៃទី២៨មីនា ចោរថ្លើមធំហ៊ានគាស់ វាយបំបែកកញ្ចក់យកដោយសុវត្ថិភាព ហើយសមត្ថកិច្ចកំពុងស្រាវជ្រាវតាមចាប់ខ្លួន។
ហេតុការណ៍នេះ បានកើតឡើង នៅថ្ងៃទី២៨ ខែមីនា ឆ្នាំ២០១៩ វេលាម៉ោង០២និង០០នាទី នៅចំណុចវត្តព្រែកហូរ ស្ថិតក្នុងភូមិបត្តាជី១ សង្កាត់ព្រែកហូរ ក្រុងតាខ្មៅ ខេត្តកណ្តាល។
នគរបាលបានឲ្យដឹងថា នៅមុនពេលកើតហេតុ គណៈកម្មការវត្ត បានយករូបព្រះបដិមាចំនួនជិត៥.០០០អង្គ ដាក់នៅក្រោមបល្ល័ង្កព្រះជាយូរមកហើយ មិនដែលមានការបាត់បង់ឡើយ។
លុះដល់ថ្ងៃទី២៨ ខែឆ្នាំដដែល វេលាម៉ោង១៩និង០០នាទី ស្រាប់តែឃើញ ឈ្មោះ ខូវ ម៉េងហាក់ ហៅសាក់ បានយករូបបដិមាចំនួន២៦អង្គ ដូចបានចាប់យកខាងលើមកប្រគល់ឲ្យ ឈ្មោះ មឿន វាសនា ជាកូនសិស្សលោកទើបដឹងថា មានការបាត់រូបបដិមា ខាងលើ ហើយគណៈកម្មការបានរាយការណ៍ជូនសមត្ថកិច្ចដើម្បីចុះធ្វើការស្រាវជ្រាវ៕
Source: Kampuchea Thmey Daily
0 Comments