ភ្នំពេញ ៖ លោកជំទាវកិត្ដិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ដ្រីក្រសួងទំនាក់ជាមួយរដ្ឋសភា-ព្រឹទ្ធសភា និងអធិការកិច្ច បានចាត់តំណាង ដែលដឹកនាំដោយ លោកហុង ឡុង នាយកខុទ្ទកាល័យក្រសួង រួមជាមក្រុមការងារ បានអញ្ជើញបួងសួង នៅវត្តព្រះច័ន្ទវង្សាសូរិយាវង្ស (ហៅវត្តថ្ម៣ដុំ) នៅលើខ្នងភ្នំត្បែងមានជ័យ ខេត្តព្រះវិហារ ថ្ងៃព្រហស្បតិ៍ ៨រោច ខែផល្គុន ឆ្នាំច សំរឹទ្ធិស័ក ព.ស.២៥៦២ ត្រូវនឹងទី២៨ ខែមីនា ឆ្នាំ២០១៩។
ពិធីបួងសួងនេះផងដែរ គឺធ្វើឡើងដើម្បីឧទ្ទិសថ្វាយបុណ្យកុសលជូនដល់ដួងវិញ្ញាណក្ខន្ធរបស់បុព្វការីជនក្នុងអតីតកាល ជាពិសេស បុព្វមហាបុរសខ្មែរនាសម័យមហានគរ ទេវតា ដែលថែរក្សាវត្ថុសក្តិសិទ្ធិ ទាំងអស់ដែលគង់នៅខ្នងភ្នំត្បែងមានជ័យ និងបារមីអារុក្ខអារក្ស អ្នកតាគ្រប់ទិសទី និងទេវតាគង់ថែរក្សានៅតាមប្រាង្គប្រាសាទនានានៅលើទឹកដីដ៏ស័ក្តិសិទ្ធិតាមជួយបីបាច់ ថែរក្សាឃុំគ្រង ថ្នាក់ដឹកនាំរាជរដ្ឋាភិបាល ព្រឹទ្ធសភា រដ្ឋសភា ប្រជាពលរដ្ឋ និងជួយឲ្យប្រទេសជាតិកាន់តែមានតែសុខសន្តិភាព និងមានការអភិវឌ្ឍន៍លើគ្រប់វិស័យ ក្រោមការដឹកនាំរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជាហើយក៏សូមអនុមោទនាយកផលានិសង្ស តាមកម្លាំងសុទ្ធាជ្រះថ្លារៀងៗខ្លួន៕
Source: Kampuchea Thmey Daily
0 Comments