ភ្នំពេញ ៖ កាបូបស្ពាយ និងកាបូបដៃជជុះ ដែលបច្ចុប្បន្ន លក់នៅតាមបណ្តាផ្សារ កំពុងទទួលការគាំទ្រពីអ្នកប្រើប្រាស់ ព្រោះមានតម្លៃថោកជាងក្នុងហាង ប៉ុន្តែគុណភាពមិនចាញ់គ្នាទេ។
តាមការរៀបរាប់ពីបងស្រីស៊ិន សុខា ដែលជាអ្នករស់នៅក្នុងភូមិដើមចាន់ សង្កាត់ច្បារអំពៅទី២ ខណ្ឌច្បារអំពៅរាជធានីភ្នំពេញ បានឲ្យកម្ពុជាថ្មីដឹងថា សព្វថ្ងៃបងស្រីយកកាបូបជជុះមកលក់នៅផ្សារច្បារអំពៅរាល់ថ្ងៃ ហើយមានអ្នកមកទិញច្រើនព្រោះគុណភាពមិនចាញ់កាបូបលក់ក្នុងហាងធំៗ នោះឡើយ។
បងស្រីបញ្ជាក់ថា កាបូបនៅហាងគេលក់ក្នុងតម្លៃចាប់ពី១០០ដុល្លារឡើងទៅ ដោយឡែកកាបូបជជុះលក់ត្រឹមតម្លៃ១៥ដុល្លារចុះមកនៅ២ដុល្លារប៉ុណ្ណោះ ហើយក្នុងមួយថ្ងៃបងស្រីលក់បានមិនតិចជាង៥០០ដុល្លារ។ ចំពោះប្រាក់ចំណេញវិញមិនក្រោម១០០ដុល្លារនោះដែរ។
បងសុខាបន្តថា មិនថាតែអ្នកមានជីវភាពខ្វះខាតមកទិញកាបូបរបស់បងស្រីទៅប្រើនោះទេគឺមានអ្នកមានទ្រព្យសម្បត្តិក៏មកទិញយកទៅប្រើប្រាស់ដែរ ក៏ព្រោះតែកាបូបជជុះនាំចូលពីក្រៅប្រទេស។ដោយឡែកហាងខ្លះក៏ទិញពីកន្លែងជជុះទៅដាក់លក់នៅហាងទៀតផង។ និយាយទៅគឺរបស់ជជុះខ្លះក៏មានគុណភាពដូចរបស់ថ្មីនាំចូលពីក្រៅប្រទេសផងដែរ៕
Source: Kampuchea Thmey Daily
0 Comments