សៀមរាប ៖ កិច្ចប្រជុំស្តីពីការតាមដាន ត្រួតពិនិត្យ និងអនុវត្តនូវរាល់អនុសាសន៍គណៈកម្មាធិការអាយស៊ីស៊ី-អង្គរ ក្រោមអធិបតីភាព លោក ហង់ ពៅ អគ្គនាយកអាជ្ញាធរជាតិអប្សរា ដោយមានការចូលរួមពីលោកសាស្ត្រាចារ្យ Azedine Beschaouch លេខាធិការវិទ្យាសាស្ត្រអចិន្ត្រៃយ៍នៃគណៈកម្មាធិការអាយស៊ីស៊ី-អង្គរ ថ្នាក់ដឹកនាំគ្រប់ជាន់ថ្នាក់ ព្រមទាំងអ្នកជំនាញបានប្រព្រឹត្តទៅនាព្រឹកថ្ងៃទី២៩ ខែមីនា ឆ្នាំ២០១៩ នៅស្នាក់ការអាជ្ញាធរជាតិអប្សរា។
កិច្ចប្រជុំនេះត្រូវបានធ្វើឡើងជាប្រចាំដើម្បីតាមដានរាល់ការអនុវត្តកិច្ចការអភិរក្ស ជួសជុល និងអភិវឌ្ឍន៍ប្រកបដោយចីរភាពក្នុងរមណីយដ្ឋានអង្គរ ជាពិសេសផ្ទៀងផ្ទាត់ភាពសមស្របទាំងលក្ខណៈបច្ចេកទេស ទាំងការអនុវត្តគម្រោង និងទាំងសម្ភារៈ។
ការតាមដានផ្ទៀងផ្ទាត់នូវរាល់អនុសាសន៍កន្លងមកដើម្បីធានាបាននូវនិរន្តរភាពនៃការការពារនិងការអភិវឌ្ឍប្រកបដោយចីរភាពរមណីយដ្ឋានអង្គរ ទាំងគុណតម្លៃ សោភ័ណភាព គុណភាព និងប្រវត្តិសាស្ត្រ៕
Source: Kampuchea Thmey Daily
0 Comments