កម្ពុជា គ្រោងនឹងដាក់វិញ្ញាសាកីឡាបាល់ទឹក "Water Polo"សម្រាប់ការប្រកួតកីឡា Sea Games លើកទី៣២ ឆ្នាំ២០២៣ ដែលកម្ពុជាធ្វើជាម្ចាស់ផ្ទះនោះ។
លោក ហែម គីរី អគ្គលេខាធិការសហព័ន្ធខ្មែរកីឡាហែលទឹកបានឲ្យដឹងថា ពេលនេះ សហព័ន្ធ បានប្រកាសបើកវគ្គបណ្ដុះបណ្ដាលគ្រូបង្វឹកកីឡាបាល់ទឹក “Water Polo” ជាផ្លូវការហើយ ដែលជាគ្រូមានបទពិសោធន៍ផ្នែកកីឡានេះ ដើម្បីត្រៀមរៀបចំព្រឹត្តិការណ៍ការប្រកួតកីឡា SEA GAMES ២០២៣ ដែលកម្ពុជាធ្វើជាម្ចាស់ ផ្ទះ។
លោក ហែម គីរី បានបញ្ជាក់ថា សម្រាប់សហព័ន្ធ នឹងបង្រៀនវិញ្ញាសាបាល់ទឹក “Water Polo” ដល់លោកគ្រូអ្នកគ្រូបង្វឹកហែលទឹកចំនួន១៩នាក់ មកពីក្លិប-សមាគមចម្រុះរបស់សហព័ន្ធខ្មែរកីឡាហែលទឹក។
លោកអគ្គលេខាសហព័ន្ធខ្មែរកីឡាហែលទឹក ក៏បានឲ្យដឹងដែរថា ចំពោះការផ្ដួចផ្ដើមឲ្យមានវគ្គនេះឡើង គឺដោយសារការជំរុញពីលោកប្រធានសហព័ន្ធខ្មែរ កីឡាហែលទឹក ដែលមានក្នុងផែនការមេ ត្រៀមរៀបចំព្រឹត្តិការណ៍ការប្រកួតកីឡា SEA GAMES ២០២៣ ដែលកម្ពុជាធ្វើជាម្ចាស់ផ្ទះ៕
Source: Kampuchea Thmey Daily
0 Comments