ក្រុមបាល់ទាត់នារីក្រោមអាយុ១៩ឆ្នាំរបស់កម្ពុជា (U19) ស្ថិតនៅក្នុងពូល B ប្រចាំកម្មវិធីបាល់ទាត់នារីអាស៊ាន-ជប៉ុន JENESYS 2018 Japan-ASEAN Youth Sports Exchange (Women’s Football U19) នៅប្រទេសជប៉ុន ខណៈប្រកួតវគ្គជម្រុះតាមពូលមកនេះក្រុមកម្ពុជា បានប្រកួតឈ្នះ១លើកនិងចាញ់២លើក តែនៅសល់១ប្រកួតក្នុងដៃទៀត។
ពានរង្វាន់ JENESYS 2018 Japan-ASEAN Youth Sports Exchange មានក្រុមចូលរួមចំនួន១០ក្រុមដោយបែងចែកជា២ពូលផ្សេងគ្នា ដោយក្នុងនោះពូល A មានOkinawa Prefecture High School Women's Select Team របស់ជប៉ុន,U-19 នារីថៃ,U-19 នារីជប៉ុន,U-19 នារីវៀតណាម,U-19 នារីមីយ៉ាន់ម៉ា។ ចំណែកពូល B មានក្រុមVicsale Okinawa FC Nabiita Youth របស់ជប៉ុន,U-19 នារីឡាវ,U-19 នារីម៉ាឡេស៊ី,U-19 នារីសឹង្ហបុរី,U-19 នារីកម្ពុជា។ កម្មវិធីប្រកួតនេះធ្វើឡើងចាប់ពីថ្ងៃទី២ ដល់ទី៦ ខែមីនា ឆ្នាំ២០១៩ លើទីលានលើទីលានZanpa Point Ball Park/Yomitan Village Athletics Field នៅទីក្រុង Okinawa។
សម្រាប់លទ្ធផលប្រកួតកន្លងមកមាននៅថ្ងៃសៅរ៍ ទី២ ខែមីនា ក្រុមកម្ពុជា បានយកឈ្នះសឹង្ហបុរី ៤ទល់១ ខណៈនៅថ្ងៃទី៣ ខែមីនា ក្រុមកម្ពុជា បានចាញ់ម៉ាឡេស៊ី ៣ទល់០ ហើយនៅថ្ងៃទី៤ ខែមីនា ថ្មីៗកម្ពុជា បន្តចាញ់ក្រុមVicsale Okinawa FC Nabiita Youth ដោយលទ្ធផល៣ទល់០។ សម្រាប់ប្រកួតបន្តក្រុមកម្ពុជា ត្រូវជួបក្រុមនារីរបស់ឡាវ នៅវេលាម៉ោង១២ថ្ងៃត្រង់ថ្ងៃអង្គារ ទី៥ ខែមីនា នេះ។
សហព័ន្ធកីឡាបាល់ទាត់កម្ពុជា (ស.ប.ក) សម្រេចតែងតាំងអ្នកគ្រូ ឈឺន នីផា អ្នកគ្រូបង្វឹកក្រុមកីឡាករអាយុក្រោម១៥ភ្នំពេញក្រោន ឲ្យធ្វើជាគ្រូបង្គោលដឹកនាំក្រុមនារីជម្រើសជាតិអាយុក្រោម១៩ឆ្នាំ ដើម្បីចេញទៅប្រកួតលើឆាកអន្តរជាតិលើកនេះដែលចេញដំណើរទៅតាំងពីយប់ថ្ងៃអង្គារ សប្ដាហ៍មុន នេះម្ល៉េះ៕
Source: Kampuchea Thmey Daily
0 Comments