ឧត្តរមានជ័យ ៖ នៅថ្ងៃទី២៣ ខែមេសា ឆ្នាំ២០១៩ វេលាម៉ោង១និង២០នាទី នៅចំណុចលើផ្ទះជនរងគ្រោះឈ្មោះ ស្រង សារឹម ភេទប្រុស អាយុ៥២ឆ្នាំ មានទីលំនៅ ភូមិអូរក្រវ៉ាន់ សង្កាត់~ក្រុងសំរោង មានកើតករណី ប៉ុនប៉ងលួច ដែលបង្កឡើងដោយជនសង្ស័យ ឈ្មោះ នូ សែន ភេទប្រុស អាយុ១៥ឆ្នាំ រស់នៅភូមិបុរីរដ្ឋបាល សង្កាត់~ក្រុងសំរោង។
ជនសង្ស័យ បានឲ្យដឹងថា នៅថ្ងៃ.ខែ.ឆ្នាំ ម៉ោងកើតហេតុខាងលើ រូបខ្លួនបានជិះកង់ ពណ៌ក្រហម១គ្រឿង មកដល់ផ្ទះកើតហេតុ ឃើញម្ចាស់ដេកលក់ និងស្ងាត់ល្អ រូបខ្លួនក៏បានទុកកង់នៅតាមផ្លូវលេខ១៦ (ក្រៅរបងផ្ទះ) រួចក៏ឡើងជាន់លើពាងទឹកតោងឥដ្ឋប្រហោងខ្យល់ ឡើងទៅលើផ្ទះ។ បន្ទាប់មកក៏ធ្វើសកម្មភាពរាវរកលួចទ្រព្យសម្បត្តិ ចៃដន្យពេលនោះម្ចាស់ផ្ទះភ្ញាក់ទាន់ រូបខ្លួនក៏លោតទម្លាក់ពីលើផ្ទះរត់ទៅកើត រួចបត់មកត្បូង និងបន្តដើរបត់មកទិសខាងលិចវិញ តាមផ្លូវលេខ១៥។ ក្នុងពេលរូបខ្លួនដើរឆ្លងផ្លូវលេខ៥ បានបន្តិច ស្រាប់តែម្ចាស់ផ្ទះ និងអ្នកភូមិបានមកទាន់ ហើយចាប់បញ្ជូនរូបខ្លួនមកកាន់អធិការដ្ឋាននគរបាលក្រុងសំរោង។
បច្ចុប្បន្ន ជនសង្ស័យ ត្រូវបានឃាត់ខ្លួននៅអធិការដ្ឋាននគរបាលក្រុងសំរោង ដើម្បីកសាងសំណុំរឿងតាមនីតិវិធី៕
Source: Kampuchea Thmey Daily
0 Comments