រតនគិរី ៖ បុរសវ័យចំណាស់ម្នាក់ មានជំងឺរ៉ាំរ៉ៃយូរឆ្នាំហើយ ប៉ុន្តែព្យាបាលមិនជាសះស្បើយឡើយ ក៏ សម្រេចចិត្តបញ្ចប់ជីវិត ដោយចង.កសម្លាប់ខ្លួនឯងនៅលើផ្ទះតែម្ដង។
ហេតុការណ៍ភ្ញាក់ផ្អើលនេះ បានកើតឡើងកាលពីវេលាម៉ោង១១និង៣០នាទី ថ្ងៃចន្ទ ៣រោច ខែចេត្រ ឆ្នាំកុរ សំរឹទ្ធិស័ក ព.ស២៥៦២ ត្រូវនឹងថ្ងៃទី២២ ខែមេសា ឆ្នាំ២០១៩ កន្លងទៅ ស្ថិតនៅក្នុងភូមិម៉ាលិក ឃុំម៉ាលិក ស្រុកអណ្ដូងមាស ខេត្តរតនគិរី។
មន្ត្រីនគរបាលស្រុកអណ្ដូងមាសបានឲ្យដឹងថា ជនរងគ្រោះ ឈ្មោះ ទីង ងួន ភេទប្រុស អាយុ៥២ឆ្នាំ ជនជាតិទំពួន ដោយតូចចិត្តនឹងជំងឺរ៉ាំរ៉ៃព្យាបាលមិនជា ក៏សម្រេចចិត្តចង.កសម្លាប់ខ្លួនឯងនឹងខ្សែអង្រឹងនៅលើផ្ទះ ក្នុងបន្ទប់របស់ខ្លួន (សពជាអតីតមេឃុំម៉ាលិក)។ រីឯប្រពន្ធឈ្មោះ សល់ លី អាយុ៥១ឆ្នាំ ជនជាតិទំពួន មានកូនចំនួន០៧នាក់ ស្រី០៣នាក់ ប្រុស០៤នាក់។
ក្រោយកើតហេតុ សមត្ថកិច្ចមូលដ្ឋាន បានចុះដល់កន្លែងកើតហេតុពិនិត្យឃើញថា ជនរងគ្រោះស្លាប់ដោយសារចង.កសម្លាប់ខ្លួនឯងពិតប្រាកដមែន។
បច្ចុប្បន្ន សមត្ថកិច្ច បានធ្វើកំណត់ហេតុប្រគល់សាកសពជូនក្រុមគ្រួសារធ្វើបុណ្យតាមប្រពៃណីជនជាតិដើមភាគតិចទំពួន៕
Source: Kampuchea Thmey Daily
0 Comments