ព្រឹកនេះ សម្ដេចតេជោ ហ៊ុន សែន អញ្ជើញប្រគល់សញ្ញាប័ត្រជូននិស្សិត NUM ជាងពីរពាន់នាក់

ភ្នំពេញ ៖ នៅវេលាម៉ោង៨និង៣០នាទី ព្រឹកថ្ងៃទី២៣ ខែមេសា ឆ្នាំ២០១៩ នេះ សម្ដេចតេជោ ហ៊ុន សែន បានអញ្ជើញជាអធិបតីភាពក្នុងពិធីប្រគល់សញ្ញាប័ត្រដល់និស្សិតសាកលវិទ្យាល័យជាតិគ្រប់គ្រង (NUM) ប្រមាណ២,២៨៧នាក់ បន្ទាប់ពីបានបញ្ចប់ការសិក្សាដោយជោគជ័យ។ និស្សិតជយលាភី ២,២៨៧នាក់នេះ មាននិស្សិតជានារី១,១៩៤នាក់។

និស្សិតជយលាភីដែលទទួលសញ្ញាបត្រនាពេលនេះរួមមាននិស្សិតថ្នាក់បរិញ្ញាបត្រ ១,៩១៩ នាក់ នារី ១,០៨២នាក់, និស្សិតថ្នាក់បរិញ្ញាបត្រជាន់ខ្ពស់ ៣៥៥នាក់ នារី ១១២នាក់ និងថ្នាក់បណ្ឌិត ៤នាក់។ ក្នុងចំណោមនិស្សិតជយលាភី និស្សិតថ្នាក់បរិញ្ញាបត្រ ២រូប និង និស្សិតថ្នាក់បណ្ឌិត១រូប បានទទួលសញ្ញាប័ត្រទ្វេពីសាកលវិទ្យាល័យណង់ និង សាលាពាណិជ្ជសាស្ត្រអន្តរជាតិណាន់ស៊ី ប្រទេសបារាំង។ និស្សិតជយលាភីថ្នាក់បរិញ្ញាបត្រចំនួន ៨៥.៦ភាគរយ ថ្នាក់បរិញ្ញាបត្រជាន់ខ្ពស់ ៩១.៨៣ភាគរយ និងថ្នាក់បណ្ឌិត១០០ ភាគរយកំពុងមានការងារធ្វើយរបស់រដ្ឋរៀងៗខ្លួន។ សូមបញ្ជាក់ថា សាកលវិទ្យាល័យជាតិគ្រប់គ្រង ជាសាកលវិទ្យាល័យរបស់រដ្ឋរៀងៗខ្លួន។ ដែលបាននិងកំពុងដើរតួនាទីយ៉ាងសំខាន់ក្នុងការអប់រំ បណ្ដុះ ដែលបាននិងកំពុងដើរតួនាទីយ៉ាងសំខាន់ក្នុងការអប់រំបណ្ដុះបណ្ដាលធនធានមនុស្សសម្រាប់កម្ពុជាយ៉ាងសកម្ម។ ចាប់តាំងពីការបង្កើតឡើងនៅឆ្នាំ១៩៨៣ មកដល់ឆ្នាំសិក្សា ២០១៧-២០១៨ និស្សិតដែលបានបញ្ចប់ការសិក្សាពីសាកលវិទ្យាល័យជាតិគ្រប់គ្រងមានចំនួនសរុប៤៩,៩១៥នាក់ នារី២១,៧២០នាក់។ ក្នុងនោះ និស្សិតអាហារូបករណ៍ចំនួន៦,៤៤៧នាក់ នារី២,៤០៣នាក់ និងនិស្សិតសិក្សាបង់ថ្លៃចំនួន ៤៣,៤៦៨នាក់ នារី ១៩,៣១៧នាក់។

សាកលវិទ្យាល័យ ក៏បានធ្វើកិច្ចសហប្រតិបត្តិការល្អជាមួយសាកលវិទ្យាល័យដៃគូជាច្រើន ដើម្បីធ្វើការផ្លាស់ប្ដូរនិស្សិត និងសាស្ត្រាចារ្យ លើការសិក្សា ការបង្រៀន និងការស្រាវជ្រាវ ស្របតាមតម្រូវការជាក់ស្ដែង នៃកម្មវិធីសិក្សានីមួយៗ៕