ភ្នំពេញ ៖ អ្នកលក់ទាអាំងម្នាក់ ត្រូវបានកម្លាំងនគរបាលប៉ុស្តិ៍ស្រះចកឃាត់ខ្លួន ទៅតាមពាក្យបណ្ដឹងរបស់លោកយាយម្នាក់ ដែលចោទថា យុវជនជាអ្នកលក់ទាអាំងរូបនោះ បានល្បួងចៅស្រីរបស់គាត់ដែលជាអនីតិជន ក្រោមអាយុ១៥ឆ្នាំ យកមករំលោភសេពសន្ថវៈបានសម្រេច។
សមត្ថកិច្ចមូលដ្ឋានបានឲ្យដឹងថា នៅថ្ងៃពុធ ៥រោច ខែចេត្រ ឆ្នាំកុរ ឯកស័ក ត្រូវនឹងថ្ងៃទី២៤ ខែមេសា ឆ្នាំ២០១៩ វេលាម៉ោង១៧និង៥០នាទី កម្លាំងប៉ុស្តិ៍នគរបាលរដ្ឋបាលស្រះចក នៃអធិការដ្ឋាននគរបាលខណ្ឌដូនពេញ បានឃាត់ខ្លួនជនសង្ស័យម្នាក់ ពីបទរួមភេទជាមួយអនីតិជន អាយុក្រោម១៥ឆ្នាំ នៅចំណុចបន្ទប់ជួលផ្ទះលេខ៤៧អឺ០ហ្សិត ផ្លូវលេខ៧៥ ភូមិ៩ សង្កាត់ស្រះចក ខណ្ឌដូនពេញ រាជធានីភ្នំពេញ កាលពីថ្ងៃទី២២ ខែមេសា ឆ្នាំ២០១៩ វេលាម៉ោង០១។
អត្តសញ្ញាណជនសង្ស័យ ឈ្មោះ ថន វិចិត្រ ហៅចិត្រ ភេទប្រុស អាយុ២៦ឆ្នាំ ជនជាតិខ្មែរ មុខរបរ លក់ទាអាំង ស្នាក់នៅបន្ទប់ជួលផ្ទះលេខ៤៧អឺ០ហ្សិត ផ្លូវលេខ៧៥ ភូមិ៩ សង្កាត់ស្រះចក ខណ្ឌដូនពេញរាជធានីភ្នំពេញ(ឃាត់ខ្លួន)។ ជនរងគ្រោះឈ្មោះ ប្រ ច ព ហៅ ព ភេទស្រី អាយុ១១ឆ្នាំ ជនជាតិខ្មែរ មុខរបរសិស្ស ស្នាក់នៅផ្ទះលេខ១៤ ផ្លូវរថភ្លើង ភូមិទួលសង្កែ សង្កាត់ទួលសង្កែទី១ ខណ្ឌឫស្សីកែវ រាជធានីភ្នំពេញ (ត្រូវជាចៅស្រីបង្កើតរបស់ ឈ្មោះ ឃ អ ភេទស្រី អាយុ៦៧ឆ្នាំ ជនជាតិខ្មែរ)។
សមត្ថកិច្ចបានបន្តទៀតថា ដំណើររឿងហេតុនោះ គឺនៅថ្ងៃទី២២ ខែមេសា ឆ្នាំ២០១៩ វេលាម៉ោង០៨ និង៣០នាទី ប៉ុស្តិ៍នគរបាលរដ្ឋបាលស្រះចក នៃអធិការដ្ឋាននគរបាលខណ្ឌដូនពេញបានទទួលពាក្យបណ្ដឹងពី ឈ្មោះ ឃឹម អែម ភេទស្រី អាយុ៦៧ឆ្នាំ ជនជាតិខ្មែរ មុខរបរនៅផ្ទះ បានប្តឹងពីជនសង្ស័យ ឈ្មោះ ថន វិចិត្រ ហៅចិត្រ ភេទប្រុស អាយុ២៦ឆ្នាំ ជនជាតិខ្មែរ ពីបទយកចៅស្រីរបស់គាត់ឈ្មោះ ប្រ ច ព ហៅ ព ទៅរួមភេទ។ ក្រោយពីទទួលពាក្យបណ្តឹង កម្លាំងប៉ុស្តិ៍នគរបាលរដ្ឋបាលស្រះចក បានធ្វើការស្រាវជ្រាវរហូតដល់ថ្ងៃទី២៤ ខែមេសា ឆ្នាំ២០១៩ វេលាម៉ោង១៧និង៥០នាទី ក៏ឃើញជនសង្ស័យ ឈ្មោះ ថន វិចិត្រ ហៅចិត្រ នៅចំណុចផ្លូវលេខ៧៥ ក្រុម១១៩ ភូមិ៩ សង្កាត់ស្រះចក ខណ្ឌដូនពេញ រាជធានីភ្នំពេញ ធ្វើការឃាត់ខ្លួន នាំមកទីស្នាក់ការប៉ុស្តិ៍នគរបាលរដ្ឋបាលស្រះចកដើម្បីធ្វើការសាកសួរ។
សមត្ថកិច្ចបញ្ជាក់ថា ក្រោយពីការសាកសួរ ជនសង្ស័យឈ្មោះ ថន វិចិត្រ ហៅចិត្រ សារភាពថា ខ្លួនពិតជាបានរួមភេទជាមួយជនរងគ្រោះ ឈ្មោះ ប្រ ច ព ហៅ ព បានសម្រេច កាលពីថ្ងៃទី២២ ខែមេសា ឆ្នាំ២០១៩ វេលាម៉ោង០១ នៅចំណុចក្នុងបន្ទប់ជួលរបស់ខ្លួនពិតប្រាកដមែន។
បច្ចុប្បន្ន ជនសង្ស័យ កំពុងឃាត់ខ្លួននៅអធិការនគរបាលខណ្ឌដូនពេញ ដើម្បីកសាងសំណុំរឿងបញ្ជូនទៅតុលាការ៕
Source: Kampuchea Thmey Daily
0 Comments