ស្វាយរៀង ៖ នៅវេលាម៉ោង៤និង៣០នាទីទៀបភ្លឺ ថ្ងៃទី១៩ ខែមេសា ឆ្នាំ២០១៩ មានគ្រោះអគ្គិភ័យឆាបឆេះផ្ទះសំណាក់ គឹម លី បង្កឲ្យមានការភ្ញាក់ផ្អើលដល់សមត្ថកិច្ចនគរបាលពន្លត់អគ្គិភ័យ និងកម្លាំងកងរាជអាវុធហត្ថក្រុងបាវិត បានមកជួយអន្តរាគមន៍ ដោយប្រើប្រាស់រថយន្តបាញ់ពន្លត់អគ្គិភ័យអស់ចំនួន៤គ្រឿង ទើបគ្រប់គ្រងសភាពការណ៍នេះបានទាំងស្រុង។
សមត្ថកិច្ចនគរបាលក្រុងបាវិតបានឲ្យដឹងថា អគ្គិភ័យឆាបឆេះខាងលើនេះ បណ្តាលឲ្យរងការខូចខាតដំបូលផ្នែកខាងលើអស់មួយចំនួន ហើយកម្លាំងនគរបាល នៃអធិការដ្ឋាននគរបាលក្រុងបាវិត រួមទាំងកម្លាំងកងរាជអាវុធហត្ថក្រុងបាវិតបានធ្វើការពន្លត់ទាន់ពេលវេលា ដោយប្រើប្រាស់រថយន្តពន្លត់អគ្គិភ័យចំនួន០៤គ្រឿង ហើយទំហំ នៃការខូចខាតមិនទាន់ដឹងថាប៉ុន្មាននោះដែរ រីឯ មូលហេតុមកពីឆ្លងចរន្តអគ្គិសនី៕
Source: Kampuchea Thmey Daily
0 Comments