គ.ជ.ប រៀបចំកិច្ចប្រជុំជាមួយភាគីពាក់ព័ន្ធ ស្ដីពីការបិទបញ្ជីបោះឆ្នោតដំបូង ការប្ដឹងតវ៉ា និងការដោះស្រាយបណ្ដឹងទាក់ទងនឹងបញ្ជីបោះឆ្នោត

ភ្នំពេញ ៖ នៅវេលាម៉ោង១០ព្រឹក ថ្ងៃទី១៩ ខែមេសា ឆ្នាំ២០១៩ នេះ គណៈកម្មាធិការជាតិរៀបចំការបោះឆ្នោតហៅកាត់ (គ.ជ.ប) បាន និងកំពុងរៀបចំកិច្ចប្រជុំជាមួយភាគីពាក់ព័ន្ធ ស្ដីពីការបិទបញ្ជីបោះឆ្នោតដំបូង ការប្ដឹងតវ៉ា ឬប្ដឹងទាស់ និងការដោះស្រាយបណ្ដឹង ទាក់ទងនឹងបញ្ជីបោះឆ្នោតដំបូង ដែលពិធីនេះរៀបចំនៅសាលសន្និសីទ ជាន់ទីមួយ នៃទីស្ដីការ គ.ជ.ប ដែលមានទីតាំងស្ថិតនៅវិថីរដ្ឋសភា សង្កាត់ទន្លេបាសាក់ ខណ្ឌចំការមន រាជធានីភ្នំពេញ។

កិច្ចប្រជុំនេះរៀបចំឡើងក្រោមអធិបតីភាព លោក ឌុច សុន សមាជិកគ.ជ.ប ដោយមានការចូលរួមពីភាគីពាក់ព័ន្ធមួយចំនួនដូចជា តំណាងក្រុមប្រឹក្សាធម្មនុញ្ញ, តំណាងព្រឹទ្ធសភា និងរដ្ឋសភា, តំណាងគណបក្សនយោបាយ, តំណាងអង្គការមិនមែនរដ្ឋាភិបាលជាតិ និងអន្តរជាតិ, តំណាងស្ថានទូតជប៉ុនប្រចាំនៅកម្ពុជា និងអ្នកសារព័ត៌មានជាតិអន្តរជាតិ។

សូមបញ្ជាក់ថា តាមសេចក្ដីជូនដំណឹង ស្ដីពីការបោះឆ្នោតជ្រើសរើសក្រុមប្រឹក្សារាជធានី ក្រុមប្រឹក្សាខេត្ត ក្រុមប្រឹក្សាក្រុង ក្រុមប្រឹក្សាស្រុក ក្រុមប្រឹក្សាខណ្ឌ អាណត្តិទី៣ ឆ្នាំ៣០១៩ បានដឹងថា ការបោះឆ្នោតជ្រើសរើសក្រុមប្រឹក្សារាជធានី ខេត្ត ក្រុង ស្រុក ខណ្ឌ នឹងប្រព្រឹត្តទៅនៅថ្ងៃអាទិត្យទី២៦ ខែឧសភា ឆ្នាំ២០១៩។

ការបោះឆ្នោតជ្រើសរើសក្រុមប្រឹក្សា គឺជាការបោះឆ្នោតអសកល ដែលសមាជិកក្រុមប្រឹក្សាឃុំ សង្កាត់ នៅក្នុងតំណែងជាអ្នកបោះឆ្នោត ដើម្បីជ្រើសរើសក្រុមប្រឹក្សាពីរប្រភេទ គឺក្រុមប្រឹក្សារាជធានី ក្រុមប្រឹក្សាខេត្ត និងក្រុមប្រឹក្សាក្រុង ក្រុមប្រឹក្សាស្រុក ក្រុមប្រឹក្សាខណ្ឌ។ ការបោះឆ្នោត នេះ មានការខុសប្លែកពីការបោះឆ្នោតសកល ដែលអ្នកបោះឆ្នោតម្នាក់ៗ ត្រូវបោះឆ្នោតចំនួន២សន្លឹក ដើម្បីជ្រើសរើសក្រុមប្រឹក្សាតាមប្រភេទនីមួយៗ និងមានហឹបឆ្នោតចំនួន៕