រតនគិរី ៖ មនុស្ស០៤នាក់បានរងរបួសធ្ងន់ស្រាល បន្ទាប់ពីជួបគ្រោះថ្នាក់ចរាចរណ៍រវាងម៉ូតូ២គ្រឿងបានបុកគ្នា។
ហេតុការណ៍គ្រោះថ្នាក់ចរាចរណ៍នេះ បានកើតឡើងកាលពីវេលាម៉ោង២១និង៣០នាទីយប់ ថ្ងៃព្រហស្បតិ៍ ៦រោច ខែចេត្រ ឆ្នាំកុរ សំរឹទ្ធិស័ក ព.ស២៥៦២ ត្រូវនិងថ្ងៃទី២៥ ខែមេសា ឆ្នាំ២០១៩ កន្លងទៅ តាមបណ្តោយផ្លូវជាតិលេខ៧៨ ត្រង់ចំណុចអូរត្រាវ ស្ថិតនៅក្នុងភូមិសីល សង្កាត់យក្ខឡោម ក្រុងបានលុង។
សមត្ថកិច្ច បានឲ្យដឹងថា អ្នកបើកបរម៉ូតូឈ្មោះ ខាំ សី ភេទប្រុស អាយុ៣៤ឆ្នាំ ជនជាតិខ្មែរ មុខរបរមន្ត្រី ប៉ូលីស មានទីនៅភូមិទុយ ឃុំទីងចាក់ ស្រុកបរកែវ ខេត្តរតនគិរី រងរបួសធ្ងន់។
រីឯអ្នកបើកបរម៉ូតូភាគីម្ខាងទៀតឈ្មោះ ឡុង ធូ ភេទប្រុស អាយុ៤៥ឆ្នាំ ជនជាតិខ្មែរ មុខរបរកសិករ រងរបួសធ្ងន់(ប្តី)។
អ្នករួមដំណើរ២នាក់ប្រពន្ធឈ្មោះ ទៀ នាង អាយុ៤៥ឆ្នាំ ជនជាតិខ្មែរ មុខរបរកសិករ រស់នៅភូមិប៉ាជាន់ ឃុំឯកភាព ស្រុកអូរជុំ ។
ឈ្មោះ ចែម ស្រីសរ ភេទស្រី អាយុ១២ឆ្នាំ ជនជាតិខ្មែរ មុខរបរសិស្ស(កូន) រងរបួសស្រាល អ្នកទាំង៣នាក់ មានទីលំនៅភូមិប៉ាជន់ ឃុំឯកភាព ស្រុកអូរជុំ ខេត្តរតនគិរី។
ក្រោយកើតហេតុសមត្ថកិច្ចមូលដ្ឋានសហការជាមួយសមត្ថកិច្ចជំនាញចរាចរណ៍ខេត្ត ចុះមកអន្តរាគមន៍ធ្វើការវាស់វែងដឹកបញ្ជូនជនរងគ្រោះទាំង០៤នាក់យកទៅសង្គ្រោះនៅមន្ទីរពេទ្យបង្អែកខេត្ត។
បច្ចុប្បន្នមធ្យោបាយទាំងពីរគ្រឿងត្រូវបាននគរបាលការិយាល័យចរាចរណ៍រឹបអូសយកទៅរក្សាទុកនៅស្នងការនគរបាលខេត្ត ដើម្បីរង់ចាំធ្វើការដោះស្រាលគ្នានៅពេលក្រោយ៕
Source: Kampuchea Thmey Daily
0 Comments