ប៉េតង់ ៖ សហព័ន្ធកីឡាប៉េតង់ និងប៊ូលកម្ពុជា នឹងបញ្ជូនកីឡាករ កីឡាការិនី ជម្រើសជាតិកីឡាប៉េតង់ចំនួន ៤នាក់ ទៅចូលរួមព្រឹត្តិការណ៍ការប្រកួតជើងឯកពិភពលោកឆ្នាំ២០១៩ នៅប្រទេសអេស្ប៉ាញ ដែលការប្រកួតនឹងប្រព្រឹត្តទៅចាប់ថ្ងៃទី៣០ ខែមេសា រហូតដល់ថ្ងៃទី៦ ខែឧសភា ឆ្នាំ២០១៩ ។
លោក អ៊ឹម ផាត ជាគ្រូបង្វឹកបុរសបានប្រាប់ឲ្យដឹងថា សហព័ន្ធកីឡាប៉េតង់ និង ប៊ូលកម្ពុជាត្រៀម បញ្ជូនអត្តពលិក៤នាក់ ក្នុងនោះ៣នាក់ ម្ចាស់មេដាយមាសពិភពលោក រួមទាំងកីឡាករជើងខ្លាំងមួយរូបទៀត ចូលរួមព្រឹត្តិការណ៍ការប្រកួតកីឡាប៉េតង់ពិភពលោក នៅប្រទេសអេស្ប៉ាញ នៅចុងខែមេសា ឆ្នាំ២០១៩នេះ។
កីឡាការិនីម្ចាស់ មេដាយពិភពលោ៣សម័យកាល គឺកីឡាការិនី កែ ឡេង កីឡាការិនីម្ចាស់មេដាយពិភពលោក១សម័យកាល កីឡាការិនីអ៊ុក ស្រីមុំ កីឡាករម្ចាស់មេដាយពិភពលោក ១សម័យកាល កីឡាករ សុខ ច័ន្ទមាន និងកីឡាករ សៅ សុភារ៉ាន់ ត្រៀមខ្លួនរួចហើយ ដើម្បីចូលរួមប្រកួតក្នុងព្រឹត្តិការណ៍ដ៏ធំនេះ។
ការប្រកួតឆ្នាំនេះ មាន៥វិញ្ញាសា គឺវិញ្ញាសាវាយ២ ទល់២បុរស វិញ្ញាសាវាយ២ ទល់២នារីវិញ្ញាសាវាយ១ទល់១បុរស វិញ្ញាសាវាយ១ទល់១នារី និងវិញ្ញាសាវាយចម្រុះ២ ទល់២បុរសនារី៕
Source: Kampuchea Thmey Daily
0 Comments