ភ្នំពេញ ៖ តារាចម្រៀងស្រីមុខស្រទន់មានមន្តស្នេហ៍សំឡេងស្រាលអ្នកនាង សុគន្ធ និសា មុននេះបន្តិច បានបង្ហោះសារបង្កប់អត្ថន័យមួយប្រយោគដើម្បីបំផុសដល់មហាជន ខណៈដែលខ្លឹមសារនេះត្រូវបានទស្សនិកជនជាច្រើនបង្ហាញការគាំទ្រនិ ងចាត់ទុកថាជាសារដែលមានអត្ថន័យអប់រំខ្ពស់។
ផ្អែកតាមខ្លឹមសាររបស់អ្នកនាង សុគន្ធ និសា បានរៀបរាប់ថា កូនស្រីកើតមកទទួលបានការស្រឡាញ់ថ្នាក់ថ្នម ហួងហែងពីឪពុកម្តាយ តែក៏មានសម្ពាយលើស្មារមិនតិចដែរ។កូនស្រីដែលល្អ ស្តាប់បង្គាប់ឪពុកម្តាយ ខិតខំរៀនសូត្រកុំដើរលេងផ្ដេសផ្ដាស កូនស្រីដែលល្អ ចេះមើលទុកធុរៈផ្ទះសម្បែង សម្អាតផ្ទះ រៀបចំម្ហូបចំណី។
អ្នកនាង សុគន្ធ និសា បានបន្តទៀតថា កូនស្រីដែលល្អ ថែរក្សាខ្លួន មើលថែបងប្អូន កុំអោយញាតិផៅស្តីបន្ទោស កូនស្រីដែលល្អ កិរិយាល្អ មារយាទត្រឹមត្រូវ ផ្តល់កិត្តិយសគ្រួសារ កុំអោយមាននិន្ទាពីអ្នកជិតខាង។ តួនាទី និងកាតព្វកិច្ច ធ្ងន់ធ្ងរមិនចេះចប់ តាំងពីថ្ងៃកើត ដល់ថ្ងៃស្លាប់ ទាំងដែលតួនាទីទាំងនេះ ភាគច្រើនមិនមែនសម្រាប់ខ្លួនឯងផ្ទាល់ទេ…..។
បន្ថែមពីលើនេះអ្នកនាង សុគន្ធ និសា បានលើកឡើងទៀតថា គ្រងឈុតមួយនេះ តួនាទីបន្ថែមទៀតហើយ តែក៏អាចប្រសើរជាងមុនប្រសិនបើគូជីវិតកូនស្រីម្នាក់នោះ ចង់ចូលមកជីវិតនាងដោយក្តីអាណិតស្រឡាញ់ និងជួយរំលែកទុក្ខធុរៈពីនាង។សូមឲ្យគូស្នេហ៍ទាំងអស់ ជាគូដែលបំពេញឲ្យគ្នាទៅវិញទៅមក។
តាមរយៈការលើកឡើងរបស់តារាចម្រៀងអ្នកនាង សុគន្ធ និសា ខាងលើនេះ បានធ្វើឲ្យមហាជនជាច្រើនបង្ហាញការគាំទ្រ និងមានខ្លះទៀត ក៏បានបញ្ចេញទស្សនៈដែរថា កូនស្រី ដែលល្អគឺបានក្រាបក្បាលដល់កន្ទេល។
សូមជម្រាបថា តារាចម្រៀងស្រីអ្នកនាង សុគន្ធ និសា បច្ចុប្បន្នកំពុងតែទទួលបានការគាំទ្រពីសំណាក់ទស្សនិកជនជាច្រើន ស្របពេលដែលវិស័យសិល្បៈរបស់នាងក៏កំពុងតែមានភាពរីកចម្រើននិងមមាញឹកផងនោះ៕
Source: Kampuchea Thmey Daily
0 Comments