ពលរដ្ឋ មកពីភូមិចំនួន៣ ស្មើនឹង១៧៣នាក់ នាំគ្នាមកធ្វើការតវ៉ានៅខាងមុខសាលាស្រុកត្រពាំងប្រាសាទ

ឧត្តរមានជ័យ ៖ នៅថ្ងៃទី០៩ ខែមេសា ឆ្នាំ២០១៩ នៅម៉ោង១០និង១៥នាទី ប្រជាពលរដ្ឋមកពីភូមិចំនួន០៣ ភូមិថ្នល់កែង ភូមិស្រែក្រសាំង ភូមិត្រាំប៉ោង បានមកធ្វើការតវ៉ានៅសាលាស្រុកត្រពាំងប្រាសាទ។

ក្រុមការងារចម្រុះ ដឹកនាំដោយ ឯកឧត្ដម ស ថាវី អនុរដ្ឋលេខាធិការក្រសួងមហាផ្ទៃ រួមមាន ថ្នាក់ក្រសួង ថ្នាក់ខេត្ត និងថ្នាក់ស្រុក សមាសសភាពរួមមាន ៖
១.ឯកឧត្ដម ស ថាវី អនុរដ្ឋលេខាធិការ
២.ឯកឧត្ដម អ៊ុន ចាន់ដា អភិបាលខេត្តព្រះវិហារ
៣.ឯកឧត្ដម វ៉ាត ប៉ារ៉ានីន អភិបាលរងខេត្តឧត្តរមានជ័យ
៤.លោក នៅសំ តារារិទ្ធ អភិបាលស្រុកត្រពាំងប្រាសាទ
៥.ឧត្ដមសេនីយ៍ត្រី ពុទ្ធិ ងុប ស្នងការរងទទួលផែនការងារសន្តិសុខ
៦.វរសេនីយ៍ឯក អ៊ិន កាយ អធិការនគរបាលស្រុកត្រពាំងប្រាសាទ

ដំណោះស្រាយសម្របសម្រួលទំនាស់ដីធ្លី ៖ លោក ឡយ លីហួរ និង មឿន មេង តំណាងឲ្យប្រជាពលរដ្ឋចំនួន៤៩នាក់ ស្រី១៩នាក់ មកពីភូមិចំនួន០៣ ភូមិថ្នល់កែង ភូមិស្រែក្រសាំង ភូមិត្រាំប៉ោង ក្នុងដំណោះស្រាយ ឡយ លីហួរ លើកឡើងអំពីការស្នើសុំដោះស្រាយដីដែលពាក់ព័ន្ធ ជូនប្រជាពលរដ្ឋចំនួន៣៣៩គ្រួសារ និងស្នើសុំឲ្យដោះលែងបងប្អូនដែលខាងមន្ត្រីបរិស្ថានបានចាប់ឃាត់ខ្លួនចំនួន០៤នាក់ កាលពីថ្ងៃ០៦ ខែមេសា ឆ្នាំ២០១៩ ពីបទកាប់ព្រៃទន្ទ្រានយកដីដោយខុសច្បាប់។ ឯកឧត្តម ស ថាវី ប្រធានក្រុមការងារ បានយល់ព្រមដោះស្រាយជូនទៅតាមការស្នើសុំ។ ចំណែក ឯខាងក្រុមយាយ ម៉ែន ភក្តី មធ្យោបាយធ្វើដំណើរដោយ គោយន្តចំនួន០៨គ្រឿង និង ម៉ូតូចំនួន៤០គ្រឿង មានគ្នាចំនួន១៧៣នាក់ នៅលើគោយន្តមានផ្ទុកដោយកាំបិតផ្គាក់ទាំងអស់ បានធ្វើដំណើរឆ្ពោះទៅខេត្តព្រះវិហារវិញ៕