ចៅក្រមអាមេរិកម្នាក់បាននិយាយកាលពីថ្ងៃព្រហស្បតិ៍ថា គាត់នឹងបញ្ជាឲ្យរដ្ឋបាលលោក Trump ពិនិត្យមើលកំណត់ត្រារបស់កុមារអន្តោប្រវេសន៍ចំនួន៤៧,០០០នាក់ហើយក្នុងរយៈពេលប្រាំមួយខែត្រូវកំណត់អត្តសញ្ញាណអ្នកដែលត្រូវបំបែកបំបាក់ពីឪពុកម្តាយរបស់ពួកគេបន្ទាប់ពីឆ្លងកាត់ព្រំដែនម៉ិកស៊ិក។
ខណៈមន្ត្រីរដ្ឋាភិបាលម្នាក់បាននិយាយនៅក្នុងសវនាការកាលពីថ្ងៃព្រហស្បតិ៍ថា លោកសង្ឃឹមថានឹងសម្រេចបានតាមកាលកំណត់នោះ, រដ្ឋាភិបាលបាននិយាយកាលពីដើមខែនេះថា វាអាចចំណាយពេលពីរឆ្នាំដើម្បីកំណត់អត្តសញ្ញាណកុមារដែលត្រូវបានបំបែកបំបាក់។
នៅឯសវនាការមួយក្នុងទីក្រុង San Diego ចៅក្រមអាមេរិកឈ្មោះ Dana Sabraw បាននិយាយថា “ខ្ញុំនឹងចេញបទបញ្ជាឲ្យធ្វើរឿងនេះក្នុងរយៈពេល៦ខែ។ វាសំខាន់ណាស់សម្រាប់តួអង្គរដ្ឋាភិបាលទាំងអស់ដើម្បីមានពេលវេលាហើយខ្ញុំមានបំណងគាំទ្រវា”។
ស្របពេលជាមួយគ្នានោះដែរ សហភាព American Civil Liberties Union (ACLU) ដែលបានដាក់ពាក្យបណ្តឹងជំនួសមុខឪពុកម្តាយដែលបំបែកបំបាក់ពីកូនៗរបស់ពួកគេបានទាមទារឲ្យលោក Sabraw ផ្តល់ពេលវេលាជាក់លាក់ដល់រដ្ឋាភិបាល។
កាលពីឆ្នាំមុន លោក Sabraw បានបញ្ជាឲ្យរដ្ឋាភិបាលប្រមូលផ្តុំកុមារប្រមាណជា២,៧០០នាក់ដែលត្រូវបានបំបែកនៅក្រោមគោលនយោបាយគ្មានការអត់ឱនរបស់រដ្ឋបាលលោក Trump ក្នុងការកាត់ទោសអ្នកដែលធ្វើដំណើរឆ្លងដែនខុសច្បាប់បើទោះបីជាពួកគេមានកូនក៏ដោយ។
ACLU បាននិយាយថា ការរួបរួមគ្នាជាទូទៅគឺទទួលបានជោគជ័យពីព្រោះរដ្ឋាភិបាលបានប្រញាប់ប្រញាល់គោរពតាមបទបញ្ជារបស់លោក Sabraw ដើម្បីបំពេញភារកិច្ចនេះក្នុងរយៈពេល៣០ថ្ងៃ។
រដ្ឋបាលបានបោះបង់គោលនយោបាយគ្មានការអត់ឱនកាលពីឆ្នាំមុនបន្ទាប់ពីមានការថ្កោលទោសយ៉ាងទូលំទូលាយ។
កាលពីខែមករា អង្គការឃ្លាំមើលផ្ទៃក្នុងរដ្ឋាភិបាលបាននិយាយថា មានកុមារចំណាកស្រុកដែលត្រូវបានគេបំបែកចេញពីឪពុកម្តាយរាប់ពាន់នាក់បើទោះបីជាចំនួនពិតប្រាកដមិនច្បាស់លាស់ក៏ដោយ៕ REUTERS
Source: Kampuchea Thmey Daily
0 Comments