ភ្នំពេញ ៖ អគ្គិភ័យដ៏សន្ធោសន្ធៅមួយបានកំពុងឆាបឆេះនៅហាងសំអាងការអប្សរាភ្នំពេញបង្កជាការភ្ញាក់ផ្អើលដល់អាជ្ញាធរនិងកម្លាំងមូលដ្ឋាន ជាពិសេសកម្លាំងពន្លត់រថយន្តអគ្គិភ័យកំពុងតែនាំគ្នាជួយបាញ់ទឹកពន្លត់ភ្លើងដើម្បីបង្ការទប់ស្កាត់កុំឲ្យកាន់តែឆេះរាលដាលធំថែមទៀត។
ហេតុការណ៍អគ្គិភ័យនេះ បានកើតឡើងនៅរសៀលថ្ងៃទី24 ខែមេសា ឆ្នាំ 2019 នៅចំណុចហាងសំអាងការ អប្សរាភ្នំពេញដែលមានទីតាំងនៅបណ្ដោយផ្លូវលេខ 63 ក្នុងសង្កាត់បឹងរាំងខណ្ឌដូនពេញខណ្ឌ។
ក្នុងហេតុការណ៍អគ្គិភ័យនោះដែរ គេឃើញកម្លាំងមូលដ្ឋានជាពិសេសលោកសុខពេញវុធ អភិបាលខណ្ឌដូនពេញ និងលោកទៀងច័ន្ទសារ អធិការប៉ូលិសខណ្ឌដូនពេញ ជាមួយកម្លាំងមូលដ្ឋានជាច្រើននាក់ទៀត បាននាំគ្នាជួយអន្តរាគមន៍ទប់ស្កាត់នូវហេតុការណ៍អគ្គិភ័យនោះដែរ ប៉ុន្តែការឆេះនោះកាន់តែខ្លាំងឡើងៗមិនអាចទប់ស្កាត់បាន កម្លាំងក៏បានបោះដៃហៅក៏កងអន្តរាគមន៍ឡានទឹករាជធានីភ្នំពេញជាច្រើនគ្រឿងបានចេញមកជួយបាញ់ទឹកពន្លត់តែមកទល់ពេលនេះមិនទាន់គ្រប់គ្រងបាននៅឡើយទេ ព្រោះផ្សែងកំពុងតែហុយយ៉ាងសន្ធប់ខ្លាំងចេញពីក្នុងហាងនៅជាន់ទីមួយនោះ មិនតែប៉ុណ្ណោះក៏ធ្វើឲ្យមន្ត្រីផ្នែកឡានទឹកខ្លះត្រូវឈ្លក់ផ្សែងនិងត្រូវរបួសផងដែរ ប៉ុន្តែទោះជាយ៉ាងណាក្រុមកងកម្លាំងទាំងអស់នោះ កំពុងតែដុតដៃដុតជើងនាំគ្នាជួយបាញ់ទឹកពន្លត់ភ្លើងនៅឡើយ៕
Source: Kampuchea Thmey Daily
0 Comments