បន្ទាយមានជ័យ ៖ នេះជារឿងមួយធ្វើឲ្យប្រជាពលរដ្ឋមានការព្រួយបារម្ភយ៉ាងខ្លាំង ដោយសារតែក្នុងមួយយប់សោះ ផ្ទះរបស់ប្រជាពលរដ្ឋដល់ទៅ២២២ខ្នង ក្នុងនោះខូចខាតធ្ងន់ចំនួន២២ខ្នង ដោយសារខ្យល់កន្ត្រាក់នៅស្រុក/ក្រុង ចំនួន៧ ក្នុងខេត្តបន្ទាយមានជ័យ គឺ ស្រុក អូរជ្រៅ ភ្នំស្រុក មង្គលបូរី ថ្មពួក ស្វាយចេក ព្រះនេត្រព្រះ និងក្រុងប៉ោយប៉ែត។
លោកឧត្ដមសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យបានប្រាប់អ្នកយកព័ត៌មានឲ្យដឹងថា កាលពីល្ងាចថ្ងៃទី២២ ខែមេសា ឆ្នាំ២០១៩ មានភ្លៀងធ្លាក់លាយឡំខ្យល់កន្ត្រាក់ជាថ្មីទៀត បង្កឲ្យខូចខាតផ្ទះរបស់ប្រជាពលរដ្ឋដូចជា របើកដំបូល ជញ្ជាំង និង ដួលរលំ សរុបចំនួន២២២ខ្នង កើតលើ៧ស្រុក ក្រុង ក្នុងខេត្តបន្ទាយមានជ័យ ដែលក្នុងនោះ ១.មានស្រុកភ្នំស្រុក ខ្យល់កន្ត្រាក់ បានបង្កឲ្យខូចខាតផ្ទះរបស់ប្រជាពលរដ្ឋ នៅឃុំពន្លៃ សរុប៣៧ខ្នង ធ្ងន់១ខ្នង។ ២.ស្រុកព្រះនេត្រព្រះ លើ២ឃុំ គឺឃុំព្រះនេត្រព្រះ ឃុំទានកាំ សរុបចំនួន៣៤ខ្នង ខូចធ្ងន់ ៦ខ្នង។ ៣.ស្វាយចេក លើ២ ឃុំគឺ ឃុំតាផូ ឃុំ ផ្គាំ សរុប២០ខ្នង ខូចធ្ងន់៣ខ្នង ខូចគោយន្តកន្ត្រៃ១គ្រឿង។ ៤.ស្រុកមង្គលបូរី លើ ៥ឃុំ គឺឃុំតាឡំ ឃុំ សំបួរ ឃុំអូរប្រសាទ ឃុំស្រះរាំង និងឃុំគោកបល្ល័ង្គ សរុបចំនួន៣៩ឆ្នាំ ៥ស្រុកថ្មពួក លើ៤ឃុំ គឺ ឃុំ បន្ទាយឆ្មារ ឃុំភូមិថ្មី ឃុំគោកកឋិន និងឃុំថ្មពួក សរុបចំនួន៤៣ខ្នង ខូចធ្ងន់ចំនួន៦ខ្នង របួសមនុស្សម្នាក់ស្រាល ក្រុងប៉ោយប៉ែត លើ១សង្កាត់ គឺ សង្កាត់ផ្សារកណ្តាល សរុបចំនួន៤ខ្នង និងស្រុកអូរជ្រៅ លើ១ឃុំ គឺឃុំសឹង្ហ សរុបចំនួន២៣ខ្នង របួសមនុស្សម្នាក់ស្រាល។ ក្នុងនោះ លោកអធិការ នៃអធិការដ្ឋាននគរបាលស្រុកក្រុងទាំង៧ បានរាយការណ៍ដែរ គឺនៅ ឃុំសឹង្ហ ស្រុកអូរជ្រៅ មានករណីរន្ទះបាញ់បណ្ដាលឲ្យមនុស្សចំនួន២នាក់ បានស្លាប់ភ្លាមៗ នៅនឹងកន្លែង៕
Source: Kampuchea Thmey Daily
0 Comments