Chhav Vallit មក​សងសឹក លន បញ្ញា នៅលើ​សង្វៀន​SEATV

​ប្រដាល់ ៖ អ្នក​ប្រដាល់​ថៃ Chhav Vallit ដែល​បាន​ចាញ់​ក្រោម​កណ្ដាប់ដៃ​របស់​ លន បញ្ញា អ្នក​ប្រដាល់​សមាគម​កីឡាប្រដាល់​ក្រសួងការពារជាតិ កាលពី​ក្នុងអំឡុង​វាយ​ជម្រុះ​ដណ្ដើម​ខ្សែក្រវាត់​ទម្ងន់​៦០​គីឡូក្រាម​ កាលពី​ចុងខែ​កុម្ភៈ​កន្លងមក​នោះ នៅ​ថ្ងៃ​សៅរ៍​ ទី​២០ ​ខែ​មេសា​ ឆ្នាំ​២០១៩​នេះ គេ​នឹង​ឡើងមក​សងសឹក​ លន បញ្ញា វិញ​លើស​ង្វៀន​ខា​រ៉ា​បាវ​របស់​SEATV ប៉ុន្តែ​មិនដឹងថា បានសម្រេច​ឬ​អត់​នោះឡើយ​?។​
​
ការជួបគ្នា​រវាង លន បញ្ញា និង Chhav Vallit ពួកគេ​ទាំងពីរ​នាក់​នេះ ធ្លាប់​ជួបគ្នា​ម្តង​ហើយ​កន្លងមក ក្នុង​ជម្រុះ​ដណ្ដើម​ខ្សែក្រវាត់​Wurkz​ ទម្ងន់​៦០​គីឡូក្រាម ដែល​ក្នុងការ​ជួបគ្នា​ពេលនោះ លន បញ្ញា ឈ្នះ​ដោយ​ពិន្ទុ។ អ្នក​ប្រដាល់​ទាំងពីរ​នាក់​នេះ មាន​កម្ពស់​ប្រហែល​គ្នា គឺ​១,៧១​ម៉ែត្រ ដូចគ្នា ប៉ុន្តែ ​លន បញ្ញា ចាញ់​បទពិសោធន៍​ និង​ កំណត់ត្រា Chhav Vallit។​
​
​Chhav Vallit គេ​មាន​កំណត់ត្រា​ប្រកួត​ចំនួន​៧០​លើក ក្នុងនោះ​ឈ្នះ​៥៨​លើក ចាញ់​១២​លើក មិន​ដែល​ស្មើ។ ចំណែក លន បញ្ញា គេ​មាន​កំណត់ត្រា​ប្រកួត​៤៦​លើក ឈ្នះ​៤០​លើក ចាញ់​០៤​លើក និង​ស្មើ​០២​លើក។
​
ទោះជា​យ៉ាងណាក្តី សម្រាប់​ការជួបគ្នា​លើក​នេះ ពុំ​អាចសន្និដ្ឋាន​មុន​ថា អ្នកណា​ឈ្នះ​អ្នកណា​ចាញ់​នោះឡើយ បើទោះជា ​លន បញ្ញា ធ្លាប់​ឈ្នះ Chhav Vallit ម្តង​រួចមកហើយ​ក្តី។ ហើយពីរ​នាក់​នេះ ក៏​មិន​អាច​អ្នកណា​មើលស្រាល​អ្នកណា​បានដែរ។​
​
ប៉ុន្តែ​យ៉ាងណា Chhav Vallit មិន​ប្រាកដថា ឈ្នះ​លន បញ្ញា នោះទេ?។ ដូច្នេះ ចាំមើល​តើ Chhav Vallit គេ​សងសឹក​លន បញ្ញា បានសម្រេច​ឬ​អត់​? សម្រាប់​ការជួប​សងសឹក​លើក​នេះ?។​
​
ចំពោះ​ការប្រកួត​រវាង​អ្នក​ប្រដាល់​រួម​ជាតិ​វិញ កាន់ ម៉េង​ហុង អ្នក​ប្រដាល់​ក្លិប​នាគរាជ​ចតុមុខ ត្រូវគេ​ផ្គូ​ឲ្យ​​ជួប​ប្រកួត​ជាមួយ ឡុង ពិសិដ្ឋ អ្នក​ប្រដាល់​ស្រករ​ក្រោយ ​នៃ​ក្លិប​ខ្លារខិន​មាន​រិ​ទ្ធ ដោយ​ជួបគ្នា​ក្នុង​ប្រភេទ​ទម្ងន់​៤៨គីឡូក្រាម។​
​
ឡុង​ពិសិដ្ឋ ថ្វីត្បិតតែ​ជា​អ្នក​ប្រដាល់​ជើង​ថ្មី​ក្តី ប៉ុន្តែ​គេ​មាន​ស្នៀត​ប្រដាល់​ល្អ រហ័ស រ​ហួន ព្រមទាំង​មាន​ផ្លែ​ល្អ​ទៀតផង ដែល​គូប្រកួត​មិនអាច​មើលស្រាល​បានឡើយ​។ ដូច្នេះ​សម្រាប់​ការប្រកួត​លើក​នេះ ពុំ​ដឹងថា​កាន់ ម៉េង​ហុង អាច​យកឈ្នះ​លើ​អ្នក​ប្រដាល់​ស្រករ​ក្រោយ​ឡុង ពិសិដ្ឋ បាន​ឬ​អត់​នោះ ?។ ចាំមើល តើ​អ្នក​ប្រដាល់​ស្រករ​ក្រោយ​ឡុង ពិសិដ្ឋ អាច​ទប់ទល់​ជាមួយ​កាន់ ម៉េង​ហុង បានដែរ​ឬទេ?​ សម្រាប់​ជំនួប​លើកដំបូង​នេះ​។​

សូត្រ វាសនា អ្នក​ប្រដាល់​ក្លិប​បក្សី​ស្លាប​ដែក នឹង​ជួប​សាក​កណ្ដាប់ដៃ​ជាមួយ រឿន សុខលី អ្នក​ប្រដាល់​ក្លិប​ការិយាល័យ​ទី​៥ កងទ័ពជើងគោក ក្នុង​ទម្ងន់​៥៤​គីឡូក្រាម។ សម្រាប់​ការជួបគ្នា​រវាង​អ្នក​ប្រដាល់​ទាំងពីរ​នាក់​នេះ ពុំមាន​នរណា​ហ៊ាន​ទាយ​មុន​ថា អ្នកណា​ឈ្នះ អ្នកណា​ចាញ់​នោះឡើយ?។​
​
ចំណែក ឡុង សំណាង អ្នក​ប្រដាល់​ក្លិប​វិបុល​ដា​រិ​ទ្ធ​ពោធិ​សែន​ជ័យ ត្រូវគេ​ផ្គូ​ឲ្យ​ជួប​ប្រកួត​ជាមួយ ពុ​យ ឡាយ អ្នក​ប្រដាល់​ក្លិប​ឃ្លាំងមឿង​កីឡា​ខេត្ត​ពោធិ៍សាត់ ដោយ​ប្រកួត​ក្នុង​ប្រភេទ​ទម្ងន់​៦០​គីឡូ​ក្រាម៕

 

Source: Kampuchea Thmey Daily