កីឡាករ Rafael Nadal បាននិយាយកាលពីថ្ងៃចន្ទថា លោកនឹងមិនខ្ជះខ្ជាយពេលវេលាទៀតទេ ក្រោយបរាជ័យកាលពីចុងសប្តាហ៍កន្លងទៅនៅវគ្គពាក់កណ្តាលផ្តាច់ព្រ័ត្រ Monte Carlo តែផ្ទុយទៅវិញ លោកនឹងផ្តោតសំខាន់លើការស្តាមុខមាត់ឡើងវិញ នៅការប្រកួត Barcelona Open។
ជើងឯក Barcelona Open ១១ជំនាន់ម្នាក់នេះ បាននិយាយក្រោយបង្ហាញខ្លួនក្នុងកម្មវិធីផ្សព្វផ្សាយនៅព្រឹត្តិការណ៍កីឡាវាយតឺន្នីសខ្នាតតូចក្នុងរដ្ឋធានីរបស់ប្រទេសអេស្ប៉ាញមួយនេះថា អ្វីដែលបានកើតឡើង គឺវាបានកើតឡើងទៅហើយ មិនសំខាន់ថាមានហេតុផលអ្វីនោះទេ។
ជើងឯក Grand Slam ១៧សម័យកាលម្នាក់នេះ ដែលបានវិលត្រឡប់មកកាន់ការប្រកួត Monte Carlo ក្រោយរងរបួសនោះ បានទម្លាក់បន្ទុកទៅលើបញ្ហាឆ្អឹងដងកាំបិត ជាហេតុធ្វើឲ្យគាត់លេងមិនបានល្អជាមួយកីឡាករ Fabio Fognin ដែលបានឈ្នះការប្រកួតមួយនេះ។
កីឡាករ Nadal បាននិយាយថា ការប្រកួត Monte Carlo គឺជាការបោះជំហានទៅមុខមួយ ទៅកាន់កន្លែងដែលលោកគួរទៅដល់កាលពីរយៈពេល១សប្តាហ៍មុន។
លោកបន្តថា បញ្ហារបួស បានដើរតួយ៉ាងសំខាន់ក្នុងការរារាំងរូបលោកពីការលេងប្រកបដោយសន្ទុះខ្លាំងក្លា។
សូមបញ្ជាក់ថា កីឡាករអេស្ប៉ាញម្នាក់នេះ នឹងឡើងការពារជើងឯករបស់គាត់នៅថ្ងៃពុធនេះ ជាមួយកីឡាករអាហ្សង់ទីន Leo Mayer គឺជាកីឡាករឈ្នះការប្រកួតជុំដំបូងលើកីឡាករ Marius Copil ក្នុងលទ្ធផលពិន្ទុ6-3, 6-7 (3/7), 7-5៕
Source: Kampuchea Thmey Daily
0 Comments