រតនគិរី ៖ ម្តាយនិងកូនអីក៏អាយុខ្លីម្ល៉េះត្រូវគ្រោះធម្មជាតិរន្ទះបាញ់បណ្តាលឲ្យស្លាប់ទាំង២នាក់ម្តាយនិងកូនគួរឲ្យអាណិតអាសូខ្លាំងណាស់។
ករណីរន្ទះបាញ់ម្តាយនិងកូននេះ បានកើតឡើងកាលពីវេលាម៉ោង៦និង២៥នាទីល្ងាចថ្ងៃសៅរ៍ ១កើត ខែពិសាខ ឆ្នាំកុរ សំរឹទ្ធិស័ក ព.ស២៥៦២ ត្រូវនឹងថ្ងៃទី៤ ខែឧសភា ឆ្នាំ២០១៩ កន្លងទៅ ត្រង់ចំណុចខ្ទមចាំចម្ការ ស្ថិតនៅក្នុងភូមិគងយុគ ឃុំប៉ាតេ ស្រុកអូរយ៉ាដាវ។
មន្ត្រីនគរបាលស្រុកអូរយ៉ាដាវបានឲ្យដឹងថា ម្តាយឈ្មោះ សេវ ភិន អាយុ២១ឆ្នាំ (ស្លាប់) និងកូនប្រុសឈ្មោះ សេវ សាយន់ អាយុ០៤ឆ្នាំ (ស្លាប់) ជនរងគ្រោះទាំង២នាក់រស់នៅភូមិ/ឃុំកើតហេតុខាងលើ។
ក្រោយកើតហេតុសមត្ថកិច្ចមូលដ្ឋាននិងកម្លាំងអធិការស្រុក ចុះមកត្រួតពិនិត្យធ្វើកោសល្យវិច័យលើសព ឃើញថាពិតជាស្លាប់ដោយសាររន្ទះបាញ់ពិតប្រាកដមែន។ បន្ទាប់មកបានប្រគល់សពទៅឲ្យក្រុមគ្រួសារយកទៅធ្វើបុណ្យតាមប្រពៃណី៕
Source: Kampuchea Thmey Daily
0 Comments