ភ្នំពេញ ៖ ក្នុងឱកាសរៀបចំប្រារព្ធមិទ្ទីងខួប១៥៦ ទិវាពិភពលោកកាកបាទក្រហម និងអឌ្ឍចន្ទក្រហម នាថ្ងៃទី៨ ខែឧសភា ឆ្នាំ២០១៩ខាងមុខនេះ អាជ្ញាធររាជធានីភ្នំពេញ និងធ្វើការពង្វាងចរាចរណ៍ ជាបណ្តោះអាសន្ន ចំពោះយានជំនិះគ្រប់ប្រភេទ ឆ្លងកាត់ផ្លូវនៅជុំវិញ តំបន់រៀបចំប្រារព្ធពិធី នៅទីស្នាក់ការកណ្តាល កាកបាទក្រហមកម្ពុជាស្ថិតនៅផ្លូវលេខ៦៥២កែង២៧១ សង្កាត់ទឹកល្អក់៣ ខណ្ឌទួលគោក ដោយចាប់ពីម៉ោង៦និង០០នាទី រហូតដល់បញ្ចប់កម្មវិធី។
នេះបើយោងតាមសេចក្តីជូនដំណឹង របស់រដ្ឋបាលរាជធានីភ្នំពេញ ស្តីពីការបញ្ចៀសចរាចរឆ្លងកាត់ប្រារព្ធមិទ្ទីងខួប ១៥៦ ទិវាពិភពលោកកាកបាទក្រហម និងអឌ្ឍចន្ទក្រហម ដែលបានចេញផ្សាយនៅថ្ងៃទី៣ ខែឧសភា ឆ្នាំ២០១៩នេះ ដែលក្នុងសេចក្តីជូនដំណឹងនេះមានន័យថា រដ្ឋបាលរាជធានីភ្នំពេញមានកិត្តិយសសូមជម្រាបជូនដល់បងប្អូនប្រជាពលរដ្ឋនិងសាធារណជនទាំងអស់ឲ្យបានជ្រាបថា ថ្ងៃទី៨ ខែឧសភា ឆ្នាំ២០១៩ នៅទីស្នាក់ការកណ្តាល កាកបាទក្រហមកម្ពុជាស្ថិតនៅផ្លូវលេខ៦៥២ កែង២៧១ សង្កាត់ទឹកល្អក់៣ ខណ្ឌទួលគោក និងរៀបចំប្រារព្ធមិទ្ទីងខួប១៥៦ ទិវាពិភពលោកកាកបាទក្រហម និងអឌ្ឍចន្ទក្រហម ក្រោមអធិបតីភាពសម្តេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជានិងសម្តេចកិត្តិព្រឹទ្ធបណ្ឌិតប៊ុន រ៉ានីហ៊ុនសែន ប្រធានកាកបាទក្រហមកម្ពុជា។
តាមការបរិច្ឆេទខាងលើ រដ្ឋបាលរាជធានីភ្នំពេញនិងធ្វើការពង្រាងចរាចរណ៍ជាបណ្ដោះអាសន្ន ចំពោះយានយន្តគ្រប់ប្រភេទឆ្លងកាតផ្លូវ ជុំវិញតំបន់រៀបចំពិធីចាប់ពីម៉ោង៦និង០០នាទី រហូតដល់បញ្ចប់កម្មវិធី។
អាស្រ័យហេតុនេះសូមបងប្អូនប្រជាពលរដ្ឋទាំងអស់នៅក្នុងរាជធានីភ្នំពេញមេត្តាជ្រាបនិងបញ្ចៀសការធ្វើដំណើរឆ្លងកាត់ទីតាំងប្រារព្ធពិធីតាមការបរិច្ឆេទខាងលើឲ្យក្តីអនុគ្រោះ។ ផុតរយៈពេលនៃការពង្វាងចរាចរណ៍បណ្តោះអាសន្ននេះ រដ្ឋបាលរាជធានីនិងបើកឲ្យដំណើរការចរាចរណ៍ឡើងវិញ៕
Source: Kampuchea Thmey Daily
0 Comments