សៀមរាប ៖ នៅវេលាម៉ោង២០និង០០នាទីថ្ងៃទី០៥ ខែឧសភា ឆ្នាំ២០១៩នេះ អគ្គិភ័យ បានឆាបឆេះម៉ាស៊ីនភ្លើងធំក្នុងភោជនីយដ្ឋាន អាប៉ូឡូប្លាហ្សា ដែលមានទីតាំងក្នុងភូមិគោកត្នោត ឃុំកណ្តែកស្រុកប្រាសាទបាគង ខេត្តសៀមរាប។
ស្នងការរងទទួលផែនបង្ការ និងពន្លត់អគ្គិភ័យនៃស្នងការខេត្តសៀមរាប គឺលោកឧត្តមសេនីយ៍ត្រី ភឹង សម្បត្តិ បានឲ្យដឹងថា សមត្ថកិច្ចកំពុងគ្រប់ស្ថានការណ៍។ លោកថា ហេតុការណ៍នេះឆេះម៉ាស៊ីនភ្លើងធំ មិនរាលដាលដល់ហាងនោះទេ។ ចំណែកអ្នកហូបការនាំគ្នារត់ចេញអស់។
សូមបញ្ជាក់ថា ហាង អាប៉ូឡូប្លាហ្សា នេះមានអាគារហូបការចំនួន២ ហើយការឆាបឆេះនេះ នៅក្នុងអាគារA។ ស្នងការនគរបាលខេត្តសៀមរាប លោកឧត្តមសេនីយ៍ទោ ទិត្យ ណារ៉ុង បានឲ្យដឹងថា សមត្ថកិច្ចចម្រុះ កំពុងប្រឹងប្រែងជួយពន្លត់៕
Source: Kampuchea Thmey Daily
0 Comments