កំពង់ឆ្នាំង ៖ ផ្ទះស័ង្កសីជាទីស្នាក់ការប៉ុស្តិ៍រដ្ឋបាលក្រាំងល្វា ស្រុកសាមគ្គីមានជ័យ ត្រូវបានភ្លៀង និងខ្យល់កន្ត្រាក់បោកបក់ចំ បណ្តាលឲ្យប៉ើងដំបូល ខូចខាតឯកសារមួយចំនួន ដែលហេតុការណ៍នេះបានកើតឡើង នៅវេលាម៉ោង៤និង០០នាទីល្ងាច ថ្ងៃទី៦ ខែឧសភា ឆ្នាំ២០១៩។
សមត្ថកិច្ចនគរបាលប៉ុស្តិ៍រដ្ឋបាលក្រាំងល្វាបានឲ្យដឹងថា នៅពេលមានភ្លៀងធ្លាក់ និងខ្យល់កន្ត្រាក់យ៉ាងខ្លាំងប្រមាណ៣០នាទី បណ្តាលឲ្យប៉ុស្តិ៍រដ្ឋបាលខូចខាតរបើកដំបូលខាងលើទាំងស្រុង និងបាក់ស្លាកប៉ុស្តិ៍រដ្ឋបាល បាក់ដងទង់ជាតិ និងខូចខាតឯកសារមួយចំនួននៅក្នុងប៉ុស្តិ៍ផងដែរ៕
Source: Kampuchea Thmey Daily
0 Comments