តាមប្រភពឧស្សាហកម្ម និងធនាគារបានឱ្យដឹងថា ក្រុមហ៊ុន Royal Dutch Shell កំពុងឈានទៅដល់ការលក់ភាគហ៊ុនរបស់ខ្លួនក្នុងគម្រោងពង្រាវឧស្ម័នធម្មជាតិ (LNG) Abadi នៅប្រទេសឥណ្ឌូណេស៊ី ក្នុងទឹកប្រាក់ ១៥ពាន់លានដុល្លារ ។
ប្រភពដដែលបានបន្តថា Shell ដែលជាក្រុមហ៊ុនទិញនិងលក់គម្រោងពង្រាវឧស្ម័នធម្មជាតិធំបំផុតក្នុងពិភពលោកកំពុងរកលុយបន្ថែមដើម្បីបង់ថ្លៃទិញក្រុមហ៊ុនប្រេង BG Group តម្លៃ៥៤ពាន់លានដុល្លារកាលពីឆ្នាំ២០១៥ និងសង្ឃឹមថាអាចរកបានមកវិញប្រមាណ ១ពាន់លានដុល្លារ ពីការលក់ភាគហ៊ុន៣៥% របស់គម្រោងនេះ។
ការសម្រេចចិត្តរបស់ Shell ក្នុងការលក់ចេញគម្រោង Abadi ក្នុងប្លុក Masela នេះត្រូវបានប្រតិបត្តិការដោយក្រុមហ៊ុនប្រេងនិងហ្គាស Inpex Corp របស់ជប៉ុនដែលកាន់កាប់ភាគហ៊ុនដែលនៅសល់ បានបង្ហាញពីការលំបាករបស់ក្រុមហ៊ុនដែលមានសេដ្ឋកិច្ចធំបំផុតនៅអាស៊ីអាគ្នេយ៍មួយនេះបានជួបប្រទះក្នុងការទាក់ទាញការវិនិយោគថាមពល។
ទាំងក្រុមហ៊ុន Shell, Inpex និងមន្ត្រីធនធានថាមពលនិងរ៉ែរបស់ឥណ្ឌូណេស៊ីសុទ្ធតែបដិសេធមិនផ្ដល់ការអត្ថាធិប្បាយអ្វីឡើយ។
ការសាងសង់គ្រោងនឹងចាប់ផ្តើមនៅឆ្នាំ ២០១៨ ប៉ុន្តែកាលពីឆ្នាំ២០១៦ ត្រូវបានពន្យារពេលយ៉ាងហោចណាស់ក៏ដល់ឆ្នាំ ២០២០ដែរ បន្ទាប់ពីអាជ្ញាធរឥណ្ឌូណេស៊ីបានបញ្ជាឱ្យប្តូររោងចក្រពីនៅជិតសមុទ្រឱ្យទៅឆ្ងាយពីសមុទ្រវិញ។
ក្រុមហ៊ុន Inpex និង Shell កំពុងត្រៀមរៀបចំផែនការអភិវឌ្ឍថ្មីសម្រាប់ការស្នើសុំឆ្នាំនេះ ហើយរបាយការណ៍ប្រចាំឆ្នាំរបស់ក្រុមហ៊ុននឹងត្រូវលាតត្រដាង។
គម្រោងនេះមិនរំពឹងនឹងថាអាចដំណើរការទៅបាន រហូតដល់ហោចណាស់ឆ្នាំ២០២៦ ប៉ុន្តែក្រុមហ៊ុន Inpex បានចាប់ផ្ដើមការឌីហ្សាញផ្នែកខាងមុខសម្រាប់រោងចក្រ LNG ដោយប្រើសមត្ថភាពផលិតប្រចាំឆ្នាំ ៩,៥លានតោន៕ REUTERS
Source: Kampuchea Thmey Daily
0 Comments