ភ្នំពេញ ៖ នារីក្រមុំម្នាក់ កំពុងតែដេកក្នុងបន្ទប់ ស្រាប់តែត្រូវបុរសល្មោភកាមចូលចាប់រំលោភ តែត្រូវម្តាយជនរងគ្រោះមកទាន់ ស្រែកឆោឡោ រួចប្តឹងកម្លាំងប៉ុស្តិ៍នគរបាលរដ្ឋបាលគោករកា ឃាត់ខ្លួនបាន កាលពីវេលាម៉ោងវេលាម៉ោង២១និង៤០នាទី ថ្ងៃទី០៥ ខែឧសភា ឆ្នាំ២០១៩ ត្រង់ចំណុចផ្ទះលេខ៧៩ ផ្លូវបេតុង ភូមិអណ្តូង៦ សង្កាត់គោករកា ខណ្ឌព្រែកព្នៅ រាជធានីភ្នំពេញ។
ជនសង្ស័យ ឈ្មោះ ម៉េត សាម៉ែន ភេទប្រុស អាយុ៤៣ឆ្នាំ ជនជាតិខ្មែរ មុខរបរគ្រូពេទ្យ មានទីលំនៅ ផ្ទះលេខ(២២)២៣៤ ផ្លូវលេខ៤៦៧K១៤ ភូមិអណ្តូង៦ សង្កាត់គោករកា ខណ្ឌព្រែកព្នៅ រាជធានីភ្នំពេញ។ ចំណែកជនរងគ្រោះឈ្មោះ គ ម ភេទស្រី អាយុ២១ឆ្នាំ ជនជាតិខ្មែរ មុខរបរកម្មការិនី មានទីលំនៅ ផ្ទះលេខ៧៩ ផ្លូវបេតុង ភូមិអណ្តូង៦ សង្កាត់គោករកា ខណ្ឌព្រែកព្នៅ រាជធានីភ្នំពេញ។ រីឯសម្ភារៈដកហូត ១.ថ្នាំពេទ្យម៉ាក OMEPRIM មួយបន្ទះ២កំណាត់, ២.ទូរស័ព្ទចំនួន០១គ្រឿង។
សមត្ថកិច្ចមូលដ្ឋានបានឲ្យដឹងថា នៅមុនពេលកើតហេតុ ជនរងគ្រោះកំពុងសម្រាក(ដេក)នៅក្នុងបន្ទប់បាំងវាំងននក្នុងផ្ទះ ដោយបានបិទទ្វារ តែមិនចាក់គន្លឹះ លុះដល់វេលាម៉ោង២១និង៤០នាទី ស្រាប់តែឮសំឡេងបើកទ្វារ ជនរងគ្រោះក៏ដើរទៅមើល ស្រាប់តែជនសង្ស័យស្ទុះមកឱបថើបពីក្រោយ ហើយផ្តួលទៅលើគ្រែ រួចដោះខោអាវជនរងគ្រោះចេញ និង បានធ្វើសកម្មភាពរួមភេទ មួយសន្ទុះក្រោយមក ស្រាប់តែ ឈ្មោះ ឃឹម ណាត(ត្រូវជាម្តាយជនរងគ្រោះ)មកទាន់ ហើយបានរត់ទៅបិទទ្វារ ស្រែកឆោឡោ និង បានទូរស័ព្ទរាយការណ៍ជូនសមត្ថកិច្ចនៅប៉ុស្តិ៍នគរបាលរដ្ឋបាលគោករកា ក្រោយពីទទួលបានព័ត៌មានភ្លាម កម្លាំងប៉ុស្តិ៍នគរបាលរដ្ឋបាលគោករកា ក៏បានមកដល់ និងបានធ្វើការឃាត់ខ្លួនជនសង្ស័យនាំយកមកប៉ុស្តិ៍នគរបាលរដ្ឋបាលគោករកា ដើម្បីធ្វើការសាកសួរ និងនាំយកមកអធិការដ្ឋាននគរបាលខណ្ឌព្រែកព្នៅ ដើម្បីកសាងសំណុំរឿងបញ្ជូនទៅតុលាការចាត់ការទៅតាមផ្លូវច្បាប់៕
Source: Kampuchea Thmey Daily
0 Comments