ភ្នំពេញ ៖ យោងតាមរបាយការណ៍ពីនាយកសណ្ដាប់ធ្នាប់នៃអគ្គស្នងការដ្ឋាននគរបាលជាតិប្រាប់ថា កាលពីថ្ងៃទី២២ ខែមករា ឆ្នាំ២០១៥នេះ មានហេតុការណ៍គ្រោះថ្នាក់ចរាចរណ៍នៅទូទាំងប្រទេសកើតឡើងចំនួន១១លើក ក្នុងនោះយប់០៦លើក បណ្ដាលឲ្យមនុស្សស្លាប់ចំនួន០៦នាក់ (ប្រុស) រងរបួសធ្ងន់១១នាក់ (ប្រុស), និងរបួសស្រាល០៩នាក់ (ស្រី០២នាក់)។
នៅក្នុងករណីគ្រោះថ្នាក់ចរាចរណ៍ទាំង១១លើកនេះ បានបង្កឲ្យមានការខូចខាតយានយន្តសរុប១៧គ្រឿង ក្នុងនោះមានម៉ូតូចំនួន១៣គ្រឿង,រថយន្តធុនតូចចំនួន០២គ្រឿង,រថយន្តធុនតូចចំនួន០១គ្រឿង,យានផ្សេងៗ០១គ្រឿង។ របាយការណ៍ខាងលើប្រាប់បន្តថា មូលហេតុដែលបណ្ដាលឲ្យកើតមានករណីគ្រោះថ្នាក់ចរាចរណ៍ គឺបណ្ដាលមកពីល្មើសល្បឿន០២លើក,មិនគោរពសិទ្ធ០១លើក,មិនប្រជែងគ្រោះថ្នាក់០២លើក,បត់គ្រោះថ្នាក់០២លើក,ស្រវឹង០២លើក,កត្តាផ្លូវ០១លើក,កត្តាយានយន្ត០១លើក។ ក្នុងនោះអ្នកជិះម៉ូតូគ្រោះថ្នាក់ដោយមិនបានពាក់មួកសុវត្ថិភាពចំនួន២១នាក់(យប់១២នាក់)។
ប្រភពព័ត៌មានពីនាយកសណ្ដាប់ធ្នាប់នៃអគ្គស្នងការដ្ឋាននគរបាលជាតិប្រាប់បន្តទៀតថា រថយន្តពិន័យសរុបចំនួន៥៨៨គ្រឿង (រថយន្តធំ១៨៨គ្រឿង)ស្មើនិង៥៦៦ករណី ក្នុងនោះមានល្មើក្រដាសស្នាម៣៣៩គ្រឿង ស្មើនិង៣៤៦ករណីរួមមាន ប័ណ្ណបើកបរហួសសុពលភាព១០ករណី,ប័ណ្ណបើកបរខុសប្រភេទយានយន្ត៥ករណី,គ្មានប័ណ្ណអាជីវកម្ម២៩ករណី,គ្មានឆៀក៣៣ករណី,ឆៀកហួសសុពលភាព០៨ករណី,បើកបរហួសល្បឿនកំណត់៤៩ករណី,បើកបរមិនពាក់ខ្សែក្រវាត់២១២ករណី,ករណីល្មើសបច្ចេកទេសមាន២១៩គ្រឿង ស្មើនិង២២០ករណីរួមមាន ដឹកសំពីងសំពោង២០០ករណី,ដឹកលើសចំណុះ១៨ករណី,កង់សឹករេចរិល០២ករណី។ រថយន្តទាំងអស់ ត្រូវបានបង់ប្រាក់ពិន័យរួចនៅអធិការដ្ឋាននគរបាលស្រុកចំនួន២៤គ្រឿង នៅស្នងការដ្ឋាននគរបាលខេត្ត៥៣៤គ្រឿង។
ដោយឡែក ម៉ូតូត្រូវបានពិន័យសរុបចំនួន១២៥០គ្រឿង ក្នុងនោះរួមមាន ជិះម៉ូតូអត់ពាក់មួកសុវត្ថិភាព៧៤២គ្រឿង,ជិះម៉ូតូអត់កញ្ចក់៤៤២គ្រឿង,ជិះម៉ូតូអត់កញ្ចក់ និងមួក០៩គ្រឿង, ម៉ូតូល្មើសសញ្ញាចរាចរណ៍១៥គ្រឿង,ម៉ូតូបើកភ្លើងពេលថ្ងៃ៣៩គ្រឿង និងផ្លាកលេខបាក់ឬខូច០៣គ្រឿង៕
រ៉ាវុទ្ធ
0 Comments