ប្រហារដោយរ៉ុក្កែតមួយទៅលើទីក្រុងម៉ារិយូប៉ូលរបស់អ៊ុយក្រែន ដែលបានសម្លាប់មនុស្ស៣០នាក់ នៅដំណាច់សប្ដាហ៍នោះ គឺមានចេតនាសំដៅទៅលើជនស៊ីវិល ហើយពួកអ្នកប្រព្រឹត្ត ត្រូវតែនាំទៅកាន់តុលាការ។
អគ្គលេខាធិការរងអ-ស-ប លោក ចេហ្វហ្វ្រេ ហ្វេលមែន (Jeffrey Felman) បាននិយាយប្រាប់ការប្រជុំរបស់ក្រុមប្រឹក្សាសន្តិសុខ បន្ទាប់មួយថា ការវិភាគរបស់ពួកអ្នកត្រួតពិនិត្យអឺរ៉ុបបានបង្ហាញឲ្យឃើញថា រ៉ុក្កែតទាំងនោះបានបាញ់ចេញពីទឹកដីដែលត្រួតត្រាដោយពួកឧទ្ទាមស្និទ្ធក្រុងមូស្គូ។
លោក ហ្វេលមែននិយាយថា "ក្រុងម៉ារិយូប៉ូ ស្ថិតនៅខាងក្រៅតំបន់ជម្លោះ។ ដូច្នេះ គេអាចសន្និដ្ឋានបានថា ក្រុមដែលបានបាញ់រ៉ុក្កែតគឺមានចេតនាសំដៅទៅលើជនស៊ីវិល"។ លោកបានបន្ថែមទៀតថា ការសំដៅទៅលើជនស៊ីវិល គឺជាការរំលោភច្បាប់មនុស្សធម៌អន្តរជាតិ។
លោកនិយាយថា "យើងទាំងអស់គ្នាត្រូវតែបញ្ជូនសារឲ្យបានច្បាស់មួយ ឧក្រិដ្ឋជនត្រូវតែទទួលខុសត្រូវ និងនាំខ្លួនទៅកាន់តុលាការ"។ ទីក្រុងម៉ារិយូប៉ូល ដែលក្រុងគៀវគ្រប់គ្រងនោះ ត្រូវបានគេមើលឃើញថា ជាចំណុចភ្ជាប់ដ៏សំខាន់ដែលជាយុទ្ធសាស្ត្ររវាងទឹកដីដែលពួកបំបែកខ្លួនកាន់កាប់នៅភាគខាងកើតអ៊ុយក្រែន និងតំបន់គ្រិមៀនៅសមុទ្រឃ្មោ ដែលត្រូវបានប្រទេសរុស្ស៊ីយកធ្វើឧបសម្ពន្ធកាលពីឆ្នាំមុននោះ៕
រឹទ្ធ
0 Comments