មណ្ឌលគិរី ៖ រថយន្តឡង់គ្រីស័រ៤៧០ ពណ៌ទឹកប្រាក់មួយគ្រឿង ដែលគេស្គាល់ថាជារថយន្តរបស់ឯកឧត្តមម្នាក់បម្រើការនៅព្រឹទ្ធសភានោះ ឥឡូវបានជួបប្រទះគ្រោះថ្នាក់ចរាចរណ៍ក្រឡាប់ជាច្រើនត្រឡប់ កាលពីវេលាម៉ោង០៧និង៤០នាទីយប់ ថ្ងៃទី៨ ខែមករា ឆ្នាំ២០១៥ ស្ថិតនៅភូមិមេប៉ៃ ឃុំពូជ្រៃ ស្រុកពេជ្រចិន្ដា ខេត្តមណ្ឌលគិរី តែសំណាងល្អមិនបណ្ដាលឲ្យមានអ្នកគ្រោះថ្នាក់ដល់អាយុជីវិតឡើយ។
តាមការរៀបរាប់ពីអ្នកបានឃើញហេតុការណ៍បានប្រាប់ឲ្យដឹងថា មុនពេលកើតហេតុ គេបានឃើញរថយន្តមួយគ្រឿងបើកបរចេញពីខេត្តមណ្ឌលគិរីឆ្ពោះទៅខេត្តរតនគិរី លុះមកដល់ចំណុចកើតហេតុ ដោយសារសភាពផ្លូវកោងខ្លាំង ហើយអ្នកបើកបរបានបើកក្នុងល្បឿនផងនោះ ទើបបណ្ដាលឲ្យរថយន្តរេកង់មុខក្រឡាប់ជាច្រើនត្រឡប់ រួចជ្រុលទៅបុករថយន្តអ្នកស្រុក បណ្ដាលឲ្យខូចខាតមួយគ្រឿងទៀតផងដែរ។
ប្រភពពីសមត្ថកិច្ចបានឲ្យដឹងថា រថយន្តគ្រោះថ្នាក់ខាងលើនោះគឺម៉ាកលុចស៊ីស៤៧០ ពាក់ស្លាកលេខភ្នំពេញ2H 4550 ជារថយន្តរបស់ឯកឧត្តម សំ សារ៉ុម បម្រើការនៅព្រឹទ្ធសភា រួមនឹងមនុស្ស០៤នាក់ក្នុងរថយន្ត ប៉ុន្តែមិនបណ្ដាលឲ្យនរណាម្នាក់មានគ្រោះធ្ងន់ធ្ងរឡើយគ្រាន់តែរបួសអ្នកបើកបររថយន្តតិចតួចប៉ុណ្ណោះ៕
0 Comments