រដ្ឋាភិបាលបារាំងបានផ្សព្វផ្សាយវីដេអូអនឡាញមួយ ដែលបានរៀបចំដើម្បីអូសទាញពួកយុវជនកមឲ្យចូលរួមជាមួយក្រុមសកម្មប្រយុទ្ធនៅមជ្ឈិមបូព៌ា។
វីដេអូពីរនាទីនោះបានបង្ហាញឲ្យឃើញឆាកជម្លោះ និងការប្រហារជីវិតដ៏ឃោរឃៅ។ វាជាគឺជាចំណែកមួយនៃកិច្ចប្រឹងប្រែងរបស់បារាំង ដើម្បីបញ្ឈប់ការជ្រើសរើសពួកយុវជនថេមទៀត ដែលតែងតែផ្សាយតាមរយៈអ៊ីនធឺណិតនោះ។
ប្រជាជនបារាំងជាង១.០០០នាក់ បានចូលរួមជាមួយក្រុមជ្រុលនិយម ប្រយុទ្ធនៅក្នុងប្រទេសស៊ីរី ឬ ប្រទេសអ៊ីរ៉ាក់ ឬកំពុងមានគម្រោងនឹងចូលរួម។
ការផ្សព្វផ្សាយនោះធ្វើឡើងបីសប្តាហ៍ ក្រោយពីការវាយប្រហាររបស់ពួកជីហាដនិយម ក្នុងស្រុកនៅក្រុងប៉ារីស ដែលនៅក្នុងនោះមនុស្ស១៧នាក់ ត្រូវបានគេសម្លាប់។
វីដេអូនោះប្រើរូបភាពដូចគ្នាពីវេបសាយរបស់ជីហាដនិយម ដូចជាឆាកបង្ហាញពីពួកប្រយុទ្ធជនសប្បាយរីករាយនៅក្នុងប្រទេសស៊ីរី និងប្រទេសអ៊ីរ៉ាក់។
រដ្ឋមន្ត្រីមហាផ្ទៃបារាំង និយាយថា លោកនឹងជួបក្រុមហ៊ុនអ៊ីធឺណិតធំៗនៅសហរដ្ឋអាមេរិក នៅខែក្រោយ ដើម្បីព្យាយាមស្វែងរកចម្លើយថ្មីចំពោះបញ្ហានោះ៕
0 Comments