ភ្នំពេញ ៖ កម្មកររាប់រយនាក់របស់សិប្បកម្មផលិតស្បែកជើងមួយយីហោ "ជូយូ" បាននាំគ្នាធ្វើបាតុកម្មអហិង្សាទាមទារលក្ខខ័ណ្ឌការងារចំនួន៤ចំណុច កាលពីព្រឹកថ្ងៃទី២៩ ខែមករា ឆ្នាំ២០១៥នៅមុខទីតាំងសិប្បកម្មនោះ នៅតាមបណ្តោយផ្លូវលេខ១៩៨៦ ស្ថិតក្នុងសង្កាត់ភ្នំពេញថ្មី ខណ្ឌសែនសុខ។ ក្រុមកម្មករដែលកំពុងនាំគ្នាតវ៉ាបាននិយាយដូចៗគ្នាថា ការធ្វើបាតុកម្មនេះផ្ដើមចេញពីលោកថៅកែក្រុមហ៊ុនកិបកេងកាត់លុយប្រាក់ខែកម្មករក្នុងម្នាក់ៗចំនួន២០ដុល្លារ កាលពីខែធ្នូ ឆ្នាំ២០១៤។
លោក ព្រំ សារឿន នាយរងប៉ុស្តិ៍នគរបាលសង្កាត់ភ្នំពេញថ្មីដែលចុះមកការពារកម្មករនៅកន្លែងកើតហេតុបានឲ្យដឹងថា ក្រុមកម្មករនៅក្នុងសិប្បកម្មនេះមានចំនួន២៥០នាក់ ពួកគេបានទាមទារលក្ខខ័ណ្ឌការងារចំនួន៤ចំណុច។
ការទាមទាររបស់ក្រុមកម្មករនៅតែកំពុងធ្វើការតវ៉ានៅឡើយ ដោយសារលោកថៅកែគេចខ្លួនមិនព្រមចេញមុខមកដោះស្រាយជាមួយកម្មករ៕
សឿន
0 Comments