បច្ចេកវិទ្យា​សាក​ថ្ម​ឥត​ខ្សែ​កាន់តែ​បោះជំហាន​ទៅមុខ​

(​សារព័ត៌មាន Reuters) - ពីរ​ក្រុម​ក្នុងចំណោម​បី​ក្រុម នៃ​ក្រុម​ឧស្សាហកម្ម​ពិភពលោក ដែល​កំពុង​ប្រជែង​គ្នា ក្នុងការ​បង្កើត​បច្ចេក​វិទ្យា​សាក​ថ្ម​គ្មាន​ខ្សែ​ស្ដង់ដារ​ខ្ពស់ បាន​យល់ព្រម​ច្របាច់​បញ្ចូល​គ្នា ដើម្បី​នាំយក​ផលិតផល​នេះ ចរាចរ​លើ​ទីផ្សារ​សម្រាប់​អតិថិជន ដែលជា​ជំហាន​តូច​មួយ​ដើម្បី​កាត់បន្ថយ​ការ​សាក​ថ្ម​ទូរស័ព្ទដៃ​ដោយ​ប្រើប្រាស់​ខ្សែ​សាក​ថ្ម​។​

សម្ព័ន្ធ​ថាមពល​ឥត​ខ្សែ​ដែល​គាំទ្រ​ដោយ​ក្រុមហ៊ុន Intel (INTC.O), ក្រុមហ៊ុន Qualcomm (QCOM.O) និង​ក្រុមហ៊ុន Samsung Electronics, និង​សម្ព័ន្ធ​បញ្ហា​ថាមពល​ដែលជា​ក្រុមទី​ពីរ​បានឱ្យដឹង​កាលពី​ថ្ងៃ​ចន្ទ​ថា ពួកគេ​នឹងចូលរួម​នៅក្នុង​អង្គភាព​ថ្មី​មួយ​ដែលមាន​គោលបំណង​ព​ន្លឿ​ន​ការអនុម័ត បច្ចេកវិទ្យា​សាក​ថ្ម​គ្មាន​ខ្សែ​នៅក្នុង​ឧបករណ៍ប្រើប្រាស់​។​

សម្ព័ន្ធ​បញ្ហា​ថាមពល​ត្រូវបាន​គាំទ្រ​ដោយ​ក្រុមហ៊ុន Procter & Gamble និង​ក្រុមហ៊ុន Starbucks Corp ។ ការច្របាច់បញ្ចូលគ្នារ​បស់​ក្រុម​ទាំងពីរ​នេះ​គឺជា​សញ្ញា​ថ្មី​ក្នុង​ឧស្សាហកម្ម​នេះ ហើយ​ជាការ​ប្រសព្វ​គ្នា​ឆ្ពោះទៅរក​ក្របខណ្ឌ​ដ៏​ខ្លាំង​មួយ​ដែល​អាច​នាំឱ្យ​រោងចក្រ​អាច​បញ្ចូល​បច្ចេកវិទ្យា​សាក​ថ្ម​ឥត​ខ្សែ ជាមួយ​ទូរស័ព្ទដៃ​ទំនើប​អោយបាន​កាន់តែច្រើន​, Tablet និង​ឧបករណ៍​ពាក់​លើ​រាងកាយ​មួយចំនួនទៀត​។ ក្រុម​ទាំងពីរ​នេះ​បាន​ឯកភាពគ្នា​កាលពី​ឆ្នាំមុន​ដើម្បី​ធានាថា​ស្តង់ដារ​ទាំងពីរ​របស់​ពួកគេ​មាន​លក្ខណៈ​អន្តរ​ប្រតិបត្តិការ​។​

បច្ចេកវិទ្យា​សាក​ថ្ម​ឧបករណ៍​ដោយ​មិនចាំបាច់​ប្រើ​ខ្សែភ្លើង​មាន​ច្រើន​ប្រភេទ​, ទោះបីជា​ក្រុម​ហ៊ុន​កំពុងតែ​ដកចេញ​នូវ​បញ្ហា​មួយចំនួន​ដែល​ធ្វើឱ្យ​វា​ពិបាក​ក្នុងការ​ប្រើប្រាស់​ក៏ដោយ​។ ទីផ្សារ​របស់​ឧបករណ៍​សាក​ថ្ម​ឥត​ខ្សែ​នេះ​អាច​នឹងមាន​តម្លៃ ៨.៥ ពាន់​លាន​ដុល្លារ​នៅ​ឆ្នាំ ២០១៨ នេះ​បើ​យោង​តាម​ក្រុមហ៊ុន​ស្រាវជ្រាវ​ទីផ្សារ IHS ។​

សម្រាប់​ក្រុមទី​បី សមាគម​ថាមពល​ឥត​ខ្សែ​ដែល​រួមបញ្ចូល​ទាំង​ឈ្មោះ​បច្ចេកវិទ្យា​ដូចជា​ក្រុមហ៊ុន Nokia និង Phillips មានការ​រីកចម្រើន​ទៅមុខ​រហូតមក​ជាមួយ​ស្ដង់ដារ "Qi" របស់ខ្លួន​ហើយ​បាន​បញ្ចេញ​លក់បាន​ប្រហែល ២០ លាន​គ្រឿងក្នុង​ឆ្នាំ ២០១៣ ស្មើនឹង​តិចជាង ២ ភាគរយ​នៃ​ចំនួន​ទូរស័ព្ទដៃ រាប់ពាន់​លាន​គ្រឿង​ចេញលក់​នៅ​ជុំវិញ​ពិភពលោក​៕​