សហបណ្តឹង
១-អត្ថន័យនៃសហបណ្តឹង
សហបណ្តឹង គឺជាបណ្តឹងដែលមានដើម ចោទច្រើននាក់ ឬ មានចុងចម្លើយច្រើននាក់។ ក្នុងសហបណ្តឹង ភាគីដែលនៅខាងដូចគ្នា គេ ហៅថា អ្នកធ្វើសហបណ្តឹង ហើយប្រសិនបើ អ្នកធ្វើសហបណ្តឹងជាដើមចោទ គេហៅថាសហ ដើមចោទ ហើយប្រសិនបើអ្នកធ្វើសហបណ្ដឹង ជាចុងចម្លើយ គេហៅថា សហចុងចម្លើយ។ តាមរយៈការវិនិច្ឆ័យ និង ចេញសាលក្រមរួម ដោយនីតិវិធីបណ្តឹងតែមួយ ស្តីពីការទាមទារ ដោយដើមចោទច្រើននាក់ ឬ ស្តីពីការទាមទារ ចំពោះចុងចម្លើយច្រើននាក់ សហបណ្តឹងមាន ផលប្រយោជន៍ក្នុងការសន្សំកម្លាំង និង សន្សំ ចំណាយរបស់ភាគី និង របស់តុលាការ ហើយ អាចការពារកុំអោយមានភាពមិនសុីគ្នា និង ប៉ះ ទង្គិចគ្នានៃសាលក្រម។
២.ប្រភេទនៃសហបណ្តឹង
(១)សហបណ្តឹងធម្មតា
(ក)អត្ថន័យនៃសហបណ្តឹងធម្មតា
សហបណ្តឹងធម្មតា គឺជាសហបណ្តឹងប្រភេទ មួយ ក្នុងចំណោមសហបណ្តឹង ដែលមានការ ទាមទារផ្សេងៗគ្នារវាងអ្នកធ្វើសហបណ្តឹងម្នាក់ៗ និង ភាគីម្ខាងទៀត ហើយដែលអាចចេញសាល ក្រមដាច់ដោយឡែកពីគ្នាចំពោះការទាមទារនី មួយៗ ហើយមិនចាំបាច់កំណត់អោយចាញ់ ឬ អោយឈ្នះចំពោះការទាមទារទាំងអស់ដោយ មានលទ្ធផលតែមួយទេ។ សហបណ្តឹងធម្មតា គឺជាប្រភេទនៃសហបណ្តឹងមួយដែលមាន ភាពខុសគ្នានឹងសហបណ្តឹងចាំបាច់។ សហ បណ្តឹងធម្មតាគឺជាការរួមបញ្ចូលក្នុងបណ្តឹងតែ មួយនូវការទាមទារច្រើនរវាងភាគីច្រើន នាក់ ដែលអាចប្តឹងបាន ឬ អាចត្រូវបានប្តឹងផ្សេងៗ គ្នា។ ឧទាហរណ៍មានដូចជាបណ្តឹងដែលម្ចាស់ ហាងធ្វើឡើងដោយយកអ្នកទិញទំនិញមកជា ន ចុងចម្លើយ ដើម្បីទាមទារអោយអ្នកទិញទំនិញ ច្រើននាក់នោះ បង់ថ្លៃលក់ទំនិញដែលអ្នកទិញ ទំនិញនីមួយបានទិញ ក្នុងបណ្តឹងតែមួយ ឬ បណ្តឹងដែលទាមទារនូវសំណងនៃការខូចខាត ដែលមានជនរងគ្រោះច្រើននាក់ ជាដើមចោទ ហើយចារីជាចុងចម្លើយជាដើម។
(ខ)ការវិនិច្ឆ័យ និង ចេញសាលក្រមចំពោះ សហបណ្តឹងធម្មតា
ក្នុងសហបណ្តឹងធម្មតា សកម្មភាពបណ្តឹង ដែលធ្វើដោយបុគ្គលម្នាក់ក្នុងចំណោមអ្នក ធ្វើសហបណ្តឹង ដូចជាការអះអាងអង្គហេតុ ការសារភាពតាមផ្លូវបណ្តឹង ការលះបង់ ឬការ ទទួលស្គាល់នូវការទាមទារ ការសះជាតាមផ្លូវ បណ្តឹង ការដកពាក្យបណ្តឹងជាដើម មិនមាន ឥទ្ធិពលចំពោះអ្នកធ្វើសហបណ្តឹងដទៃទេ។ សកម្មភាពបណ្តឹងរបស់ភាគីម្ខាងទៀតចំពោះបុគ្គលម្នាក់ក្នុងចំណោមអ្នកធ្វើសហបណ្តឹងក៏ដូចគ្នា។ ម្យ៉ាងទៀត ហេតុនៃការផ្អាក ឬ បង្អង់នីតិវិធីបណ្តឹង ដែលកើតមានឡើងចំពោះ បុគ្គលម្នាក់ក្នុងចំណោមអ្នកធ្វើសហបណ្តឹង គ្រាន់តែផ្អាក ឬ បង្អង់នីតិវិធីនៃបណ្តឹងក្នុងទំនាក់ទំនងរវាងអ្នកធ្វើសហបណ្តឹងនោះនិង ភាគីម្ខាងទៀតប៉ុណ្ណោះ ហើយពុំមានឥទ្ធិពល ទៅលើអ្នកធ្វើសហបណ្តឹងដទៃទៀតទេ។
(នៅមានត)
ពន្យល់ក្រមនីតិវិធីរដ្ឋប្បវេណី
អង្គ កុលបុត្រ
(និស្សិតសាកលវិទ្យាល័យច្បាប់)
0 Comments