រដ្ឋមន្ត្រីក្រសួងធ្យូងថ្ម និងថាមពលបាននិយាយកាលពីថ្ងៃព្រហស្បតិ៍ថា ឥណ្ឌា នឹងនៅស្អិតជាប់ជាមួយផែនការដើម្បីបើកចំហឧស្សាហកម្មធ្យូងថ្មឲ្យដល់ក្រុមហ៊ុនឯកជន និងលក់ភាគហ៊ុន មួយនៅក្នុងGoal India Ltd ដែលប្រតិបត្តិការដោយរដ្ឋ ទោះបីជាមានការប្រឆាំងពីកម្មកររ៉ែក៏ដោយ។ ក្រសួងសហជីពកម្មកររ៉ែចំនួន៥របស់កម្មករ រ៉ែធ្យូងថ្មដ៏ធំបំផុតនៅលើពិភពលោកនោះ បានលុបចោលការធ្វើកូដកម្ម៥ថ្ងៃ នៅក្នុងថ្ងៃទី២របស់ខ្លួន កាលពីថ្ងៃពុធ បន្ទាប់ពីរដ្ឋមន្ត្រីក្រសួងធ្យូងថ្មនិងថាមពលលោកPiyush Goyal បានធានាពួកគេថា គណៈកម្មាធិការនឹងត្រូវបានបង្កើតឡើងដើម្បីដោះស្រាយការព្រួយបារម្ភរបស់ពួកគេនោះមក។
ការធ្វើកូដកម្មនេះ ត្រូវបានគេមើលឃើញថា ជាការសាកល្បងមួយនៃការដោះស្រាយរបស់លោកនាយករដ្ឋមន្ត្រីណារ៉េតដ្រាម៉ូឌី ដើម្បីជំរុញតាមរយៈការកែទម្រង់សេដ្ឋកិច្ចដ៏តឹងតែងនោះ។ កម្មកររ៉ែភ័យខ្លាចថា ការចូលរបស់ក្រុមហ៊ុនឯកជននឹងការគាបសង្កត់ធ្យូងថ្ម ឥណ្ឌាឲ្យបញ្ចុះតម្លៃដែលនាំទៅដល់ការកាត់បន្ថយប្រាក់ខែ នឹងការងារនៅក្នុងឧស្សាហកម្មរ៉ែរបស់រដ្ឋដែលមានចំនួនប្រហែល៨០%នៃទិន្នផលសរុបរបស់ប្រទេសនោះ។
ធ្យូងថ្មកើនឡើង៦០%នៃការផលិតថាមពលរបស់ឥណ្ឌានឹងការធ្វើកូដកម្មរបស់កម្មករពីមុននេះ បានធ្វើឲ្យជាប់គាំងដល់រោងចក្រថាមពល។ លោកGoyal បាននិយាយប្រាប់សន្និសីទសារព័ត៌មានមួយថា "ប្រសិនបើពួកគេពុំនមានការព្រួយបារម្ភណាមួយនោះ ពួកគេតែងតែបើកការពិភាក្សានិងការសន្ទនាបន្ថែមទៀត"។ "ប៉ុន្តែមិនមានការផ្លាស់ប្ដូរជាដាច់ខាតនៅក្នុងផែនការណាមួយនៃផែនការរបស់យើង"។
លោកGoyal បានបន្តថា ការបង្កើនការប្រកួតប្រជែងគឺជាគន្លឹះសំខាន់ដើម្បីឆ្លើយតបតម្រូវការធ្យូងថ្មតម្លៃថោក និងធ្វើឲ្យបានសម្រេចនូវទិសដៅរបស់នាយករដ្ឋមន្ត្រីម៉ូឌីក្នុងការផ្គត់ផ្គង់ថាមពលពេញមួយថ្ងៃមួយយប់ដល់ប្រជាជនឥណ្ឌា១.២ពាន់លាននាក់ នៅឆ្នាំ២០១៩។ លោក Goyal បានបន្ថែមថា ប្រទេសនេះនៅតែមានប្រជាជនចំនួន២៨០លាននាក់ រស់នៅដោយពុំមានថាមពលអគ្គិសនីប្រើប្រាស់នៅក្នុងផ្ទះចំនួន៥៦លានខ្នង។
នៅចុងខែធ្នូ លោកម៉ូឌីបានដោះបន្ទាល់ដោយប្រើប្រាស់ក្រឹត្យដ៏កម្រមួយដើម្បីអនុវត្តការកែទម្រង់ធ្យូងថ្មដែលនឹងអនុញ្ញាតឲ្យមានការដេញថ្លៃ រ៉ែធ្យូងថ្ម និងនាំទៅដល់ការផ្គត់ផ្គង់ដោយក្រុមហ៊ុនឯកជនបង្កើនការធ្វើពាណិជ្ជកម្មរ៉ែជាលើកដំបូងនៅក្នុងរយៈពេល៤២ឆ្នាំកន្លងមកនេះ៕
ថាលីយ៉ាន
0 Comments