ក្រុមហ៊ុនអភិវឌ្ឍន៍កម្មវិធីរបស់កុំព្យូទ័រ Microsoft បានកំពុងអភិវឌ្ឍកម្មវិធីបើកវេបសាយ ដែលមានភាពងាយស្រួលប្រើប្រាស់សម្រាប់អ្នកប្រើ ដែលវានឹងត្រូវជំនួសកម្មវិធីបើកវេបសាយ Internet Explorer។ នេះបើតាមសេចក្ដីរាយការណ៍មួយ ហើយនេះជាការបង្ហាញឲ្យឃើញពីការព្យាយាមបោះជំហានទៅមុខជាមួយនឹងកម្មវិធីបើកវេបសាយល្បីៗមួយចំនួនដូចជាកម្មវិធី Chrome និង Firefox ជាដើម។
កម្មវិធីថ្មីនេះអាចជួយឲ្យMicrosoft ឃ្លាតឆ្ងាយពីអារម្មណ៍មិនល្អរបស់អ្នកប្រើប្រាស់ចំពោះកំណែចាស់របស់កម្មវិធី Internet Explorer។ អ្នកអភិវឌ្ឍន៍បានឲ្យដឹងថា កាលពីមុន ក្រុមហ៊ុនបានធ្វើការពិចារណា ផ្លាស់ប្តូរឈ្មោះដើម្បីបំបែកកម្មវិធីបើកវេបសាយពីភាពអវិជ្ជមានដែលលែងជាការពិត។
បើតាមអ្នកស្និទ្ធនឹងក្រុមហ៊ុននេះបានឲ្យដឹងថា កម្មវិធីបើកវេបសាយនេះត្រូវបានឲ្យឈ្មោះថា Spartan ដែលនឹងត្រូវបានកំណត់ថ្ងៃបង្ហាញជាសាធារណៈនៅថ្ងៃទី ២០ខែមករានេះ គឺនៅពេលដែល Microsoft បង្ហាញឲ្យឃើញប្រព័ន្ធប្រតិបត្តិការថ្មី Windows 10 របស់ខ្លួន។ តែបើតាម ZDNet ថាវាប្រហែលជាមិនអាចរួចរាល់ សម្រាប់ការបង្ហាញនោះទេនៅពេលដែលកំណែដំបូងរបស់កម្មវិធីដាក់បង្ហាញក្នុងខែតែមួយ ហើយកម្មវិធីនេះនឹងមានសម្រាប់ទាំងកុំព្យូទ័រលើតុនិងទូរស័ព្ទដៃ។
ថ្វីបើកម្មវិធីបើកវេបសាយថ្មីនេះនឹងត្រូវធ្វើតាមលំនាំដើមរបស់ប្រព័ន្ធប្រតិបត្តិការថ្មី Windows 10 ដែលវានឹងមកជាមួយកម្មវិធី និងកំណែថ្មី ដែលអាចត្រូវគ្នានឹងកំណែចាស់របស់កម្មវិធីបើកវេសាយ Internet Explorer 12 ផងដែរ។ កម្មវិធីថ្មីនេះនឹងប្រើប្រាស់បច្ចេកទេសជាច្រើនដែលដូចគ្នាទៅនឹង Internet Explorer ប៉ុន្តែនឹងត្រូវដកចេញនូវរូបរាង និងអារម្មណ៍ និងមានមុខងារអាចបន្ថែមការងារទៀតផង។
នៅពេលដែលក្រុមហ៊ុនគិតជាយូរហើយថានឹងមានគម្រោងជួសជុលកម្មវិធីបើកវេបសាយសម្រាប់ប្រព័ន្ធប្រតិបត្តិការថ្មី ដែលពីមុនគ្រាន់តែគិតថាធ្វើកំណែទៅលើ Internet Explorer ជាជាងបង្កើតកម្មវិធីថ្មីដាច់ដោយឡែកមួយទៀត។
អ្នកបង្កើតកម្មវិធីមើលវីដេអូ VLC និង Microsoft Student Partner លោក Thomas Nigro គឺជាអ្នកដំបូងបំផុតដែលនិយាយពីកម្មវិធីបើកវេបសាយថ្មីនេះ។
កម្មវិធី Internet Explorer ត្រូវបានបញ្ចេញឲ្យប្រើប្រាស់កាលពីឆ្នាំ ១៩៩៥ ហើយវាបានឆ្លងកាត់ ១១កំណែប្រែ។ ការចាប់ផ្តើមដំបូងរបស់វាគឺក្ដោបក្ដាប់ទីផ្សារខ្លាំងជាងគេ ប៉ុន្តែគូប្រកួតប្រជែងរបស់វាដូចជា Firefox និងChrome បានដណ្ដើមយកទីផ្សារវាបន្តិចម្ដងៗយ៉ាងទៀងទាត់៕
0 Comments