ព្រឹត្តិការណ៍ប្រកួតកីឡាហែលទឹកដណ្តើមពានរង្វាន់K.Cementលើកទី៦ឆ្នាំ២០១៤ ដែលចាប់ផ្ដើមនៅអាងហែលទឹកក្នុងពហុកីឡដ្ឋានជាតិអូឡាំពិក កាលពីថ្ងៃទី០៦ ខែមករានោះ បានបិទបញ្ចប់ហើយនាល្ងាចថ្ងៃទី០៨ ខែមករា ឆ្នាំ២០១៥។
លោកទេសរដ្ឋមន្ត្រីស៊ុន ចាន់ថុល ដែលជាប្រធានសហព័ន្ធកីឡាហែលទឹកនោះ បានចូលរួមក្នុងពិធីបិទការប្រកួតនិងផ្តល់ពានរង្វាន់ដល់កីឡាករ កីឡាការិនី ដែលទទួលបានជ័យលាភី។នៅក្នុងការប្រកួតឆ្នាំនេះ កីឡាករ-ការិនីក្រសួងមហាផ្ទៃ ដណ្ដើមបានមេដាយមាសចំនួន១៧គ្រឿងពីព្រឹត្តិការណ៍ប្រកួតដណ្តើមពានរង្វាន់យុវជននេះ។
ចំពោះលទ្ធផល និង ចំណាត់ថ្នាក់នោះ គឺវិញ្ញាសាហែល១០០ម៉ែត្ររបៀបកង្កែបនារី ចំណាត់ថ្នាក់លេខ១ កីឡាការិនីហែមថុន វិទិនីមកពីក្រសួងមហាផ្ទៃហែលក្នុងថិរវេលា១នាទី២៦វិនាទី១២។ ហែល ១០០ម៉ែត្ររបៀបសេរីបុរសអាយុលើ១៦ឆ្នាំ ចំណាត់ថ្នាក់លេខ១កីឡាករធឿន ថុល ថិរវេលា១នាទី០១វិនាទី០១។
ហែល១០០ម៉ែត្ររបៀបកង្កែបបុរសអាយុលើ១៦ឆ្នាំ ចំណាត់ថ្នាក់លេខ១ កីឡាករហែមថុន ពន្លឺក្រសួងមហាផ្ទៃថិរវេលា១នាទី១២វិនាទី៩៥។ ហែល១០០ម៉ែត្ររបៀបសេរីនារីអាយុលើ១៦ឆ្នាំចំណាត់ថ្នាក់លេខ១ កីឡាការិនីហែមថុន វិទិនីក្រសួងមហាផ្ទៃថិរវេលា១នាទី០៩វិនាទី២៩។ ហែល១០០ម៉ែត្ររបៀបសេរីនារីអាយុក្រោម១៦ឆ្នាំចំណាត់ថ្នាក់លេខ១ កីឡាការិនីប៊ុន រក្សាក្រសួងមហាផ្ទៃថិរវេលា១នាទី២៧វិនាទី១៤។
ហែល៥០ម៉ែត្ររបៀបសេរីបុរសអាយុក្រោម១៦ឆ្នាំ ចំណាត់ថ្នាក់លេខ១កីឡាករម៉េត សុភក្ត្រា ក្លិបមជ្ឈមណ្ឌលជាតិហ្វឹកហ្វឺនកីឡា ហែលក្នុងថិរវេលា៣១វិនាទី៣៦។ ហែល៥០ម៉ែត្ររបៀបកង្កែបនារីអាយុក្រោម១៦ឆ្នាំលេខ ១ កីឡាការិនីម៉េត ម៉ារីយ៉ាន ក្រសួងមហាផ្ទៃថិរវេលាហែល៤៦វិនាទី៤៩។
ហែល៥០ម៉ែត្ររបៀបកង្កែបកុមារាអាយុក្រោម១២ឆ្នាំចំណាត់ថ្នាក់លេខ១ កុមារាសូត្រ សេរីវុឌ្ឍមជ្ឈមណ្ឌលជាតិហ្វឹកហ្វឺនកីឡាថិរវេលា៤៦វិនាទី៣៥។ ៥០ម៉ែត្ររបៀបសេរីកុមារីអាយុក្រោម១២ឆ្នាំចំណាត់ថ្នាក់លេខ១ កុមារីឆោម ស្រីវល័ក្ខណ៍ក្លិបមជ្ឈមណ្ឌលជាតិហ្វឹកហ្វឺនកីឡាថិរវេលា៤៣វិនាទី៤០។
ហែល ៥០ម៉ែត្ររបៀបសេរីនារីអាយុក្រោម១៦ឆ្នាំចំណាត់ថ្នាក់លេខ១ កីឡាការិនីប៊ុន រក្សាក្រសួងមហាផ្ទៃថិរវេលា៣៧វិនាទី២៣។ ១០០ម៉ែត្រផ្ងារបុរសអាយុក្រោម១៦ឆ្នាំចំណាត់ថ្នាក់លេខ ១ កីឡាករប៊ន កៅលាងខេត្តកំពង់ចាមថិរវេលា១នាទី២៤វិនាទី៦៩។
ហែល៥០ម៉ែត្រសេរីកុមារីអាយុក្រោម១២ឆ្នាំចំណាត់ថ្នាក់លេខ១ កុមារីឆោម ស្រីវល័ក្ខណ៍មជ្ឈមណ្ឌលជាតិហ្វឹកហ្វឺនកីឡាថិរវេលា៥០វិនាទី៦៩។ ហែល៥០ម៉ែត្របុរសរបៀបសេរីអាយុលើ១៦ឆ្នាំចំណាត់ថ្នាក់លេខ ១កីឡាករធឿន ចាន់ថុលក្រសួងមហាផ្ទៃថិរវេលា២៦វិនាទី៣៣។
ហែល២០០ម៉ែត្ររបៀបសេរីជនពិការចំណាត់ថ្នាក់លេខ ១កីឡាករឈឹម ទាត់ក្លិបគមនាគមន៍ថិរវេលា៣នាទី១១វិនាទី៥៩។ ១០០ម៉ែត្រហែលផ្ងារបុរសអាយុលើ១៦ឆ្នាំចំណាត់ថ្នាក់លេខ ១ កីឡាករធឿន ចាន់ថុលក្រសួងមហាផ្ទៃថិរវេលា១នាទី១១វិនាទី៩៤។
១០០ម៉ែត្រនារីរបៀបកង្កែបអាយុក្រោម១៦ឆ្នាំចំណាត់ថ្នាក់លេខ ១ កីឡាការិនីឆោម ស្រីវល័ក្ខណ៍ មជ្ឈមណ្ឌលជាតិហ្វឹកហ្វឺនកីឡាថិរវេលា១នាទី៤៨វិនាទី ៥៣។ ហែល១០០ម៉ែត្រជនពិការចំណាត់ថ្នាក់លេខ ១ កីឡាករឈឹម ទាត់ក្លិបគមនាគមន៍ថិរវេលា១នាទី១៨វិនាទី១៩។
វិញ្ញាសាហែលផ្ងារ១០០ម៉ែត្រនារីអាយុលើ១៦ឆ្នាំចំណាត់ថ្នាក់លេខ១ កីឡាការិនីហែមថុន វិទិនីក្រសួងមហាផ្ទៃថិរវេលា១នាទី១៩វិនាទី០២។ ហែល២០០ម៉ែត្របុរសអាយុលើ១៦ឆ្នាំចំណាត់ថ្នាក់លេខ១ កីឡាករហែមថុន ពន្លឺក្រសួងមហាផ្ទៃថិរវេលា២នាទី៣០វិនាទី១២។
វិញ្ញាសាហែលបណ្ដាក់៥០ម៉ែត្រ៤ដងរបៀបសេរីនារីអាយុក្រោម១៦ឆ្នាំ ចំណាត់ថ្នាក់លេខ១ ក្រសួងមហាផ្ទៃ លេខ២ខេត្តកំពង់ចាម និងលេខ៣មជ្ឈមណ្ឌលជាតិហ្វឹកហ្វឺនកីឡា។ ហែលបណ្ដាក់១០០ម៉ែត្រ៤ដងរបៀបសេរីបុរសអាយុក្រោម១៦ឆ្នាំ ចំណាត់ថ្នាក់លេខ១ក្រសួងមហាផ្ទៃ លេខ២សាលារៀនAIS និងចំណាត់ថ្នាក់លេខ៣ក្លិបខេត្តកំពង់ចាម៕
0 Comments