បន្ទាយមានជ័យ ៖ អ្នកមានលុយនិងអំណាចចំនួន៣គ្រួសារបានឃុបឃិតជាមួយអាជ្ញាធរស្រុកប្ដឹងប្រជាពលរដ្ឋ១គ្រួសារទៅសាលាដំបូងខេត្តបន្ទាយមានជ័យចោទប្រកាន់ពីបទប៉ះពាល់ដីសាធារណៈដែលជាបទព្រហ្មទណ្ឌ។ ប្រជាពលរដ្ឋមួយគ្រួសារដែលរងបណ្ដឹងបានអះអាងថា ករណីនេះជារឿងអយុត្តិធម៌សម្រាប់គ្រួសារគាត់ដែលត្រូវអ្នកមានលុយនិងមានអំណាច់៣គ្រួសារឃុបឃិតជាមួយអាជ្ញាធរស្រុកព្រះនេត្រព្រះប្ដឹងចោទប្រកាន់ប៉ះពាល់ដីសាធារណៈពីបទក្រមព្រហ្មទណ្ឌដែលតំណាងអយ្យការអមសាលាដំបូងខេត្តចេញដីកាកោះកាលពីថ្ងៃទី០២ ខែកក្កដា ឆ្នាំ២០១៤ ហើយចៅក្រមស៊ើបសួរនៃសាលាដំបូងខេត្តចោទពីបទអំពើប៉ះពាល់កម្មសិទ្ធិនៃទ្រព្យសម្បត្តិសាធារណៈគ្រាដែលករណីនេះកើតឡើងនៅភូមិចក្រី ឃុំជប់វ៉ារី ស្រុកព្រះនេត្រព្រះ ខេត្តបន្ទាយមានជ័យ។ បន្ទាប់មកចៅក្រមស៊ើបសួរបានចេញជូនព័ត៌មានអំពីការបញ្ចប់ការស៊ើបសួរអញ្ជើញឈ្មោះ ប៊ុន តាន់លី ភេទប្រុស និងប្រពន្ធឈ្មោះ ទេព ភាល់ (អ្នកទាំង២ជាជនសង្ស័យ)តែម្តង។ ឈ្មោះ ប៊ុន តាន់លី ប្រពន្ធឈ្មោះ ទេព ភាល់បានប្រាប់ឲ្យដឹងថានេះជារឿងអយុត្តិធម៌សម្រាប់គ្រួសារគាត់ដែលត្រូវរងនូវបណ្ដឹង និងប្ដឹងដោយអ្នកមានលុយនិងមានអំណាច៣គ្រួសារគឺទី១-ឈ្មោះ ស៊ឹង ខាន់ ភេទស្រី ២-ឈ្មោះ ចាន់អួង ភេទប្រុស ៣-ឈ្មោះ ហេង សុធា ភេទប្រុស ដែលរស់នៅភូមិចក្រី ឃុំជប់វ៉ារីស្រុកព្រះនេត្រព្រះបានឃុបឃិតជាមួយលោក វ៉ាត វីរះ ជាអភិបាលរងស្រុកព្រះនេត្រព្រះបានប្ដឹងគ្រួសាររបស់គាត់ទៅសាលាដំបូងខេត្តចោទប្រកាន់ពីបទរំលោភយកដីផ្លូវដែលមានបណ្តោយ២៣.៧ម៉ែត្រ ទទឹង១.៨ម៉ែត្រ។ ក្រោយពេលប្ដឹងគ្រួសាររបស់គាត់ទៅសាលាដំបូងខេត្ត ហើយលោក លី សុវណ្ណារិទ្ធ អភិបាលស្រុកព្រះនេត្រព្រះបានចេញលិខិតជូនដំណឹងចាក់ដីលុបដែលប៉ះពាល់របងផ្ទះរបស់គាត់។ ព្រោះដីរបស់គាត់រស់នៅមានបណ្តោយ២៣.៧ម៉ែត្រ និងទទឹង១២.៨ម៉ែត្រ ផ្លូវខាងត្បូង២ម៉ែត្រ ដែលត្រូវចោទប្រកាន់រំលោភ។ គាត់បានប្រគល់ជូនចាក់ដីយកហើយ តែមាន៣គ្រួសារដែលដើមបណ្ដឹង ១-ឈ្មោះ ស៊ឹង ខាន់ ភេទស្រី ២-ឈ្មោះ ចាន់ អួង ភេទប្រុស ៣-ឈ្មោះ ហេង សុធា ភេទប្រុស បានបិទផ្លូវម្ខាងមិនឲ្យប្រជាពលរដ្ឋចូលទៅដងទឹកស្រះធំបូរាណទៅវិញ។ លោក យឹម យឿន សមាជិកក្រុមប្រឹក្សាស្រុកព្រះនេត្រព្រះបានបញ្ជាក់ថា កាលពីលោកនៅជាអធិការស្រុកគឺឈ្មោះ ប៊ុន តាន់លី ប្រពន្ធឈ្មោះ ទេព ភាល់ បានសុំចាក់ដីចំណុចផ្លូវ ព្រោះផ្លូវចូលវាជ្រៅទឹកដក់ក្លិនស្អុយទើបឲ្យចាក់លុបសម្រាប់ផ្លូវចេញចូលទៅមកដងទឹកស្រះពេលនេះត្រូវបានឈ្មោះ ស៊ឹង ខាន់.ឈ្មោះ ចាន់ អួង និង.ឈ្មោះ ហេង សុធា ធ្វើរបងបិទផ្លូវតែម្តង។ លោក វ៉ាត វីរះ អភិបាលរងស្រុកព្រះនេត្រព្រះបានប្រាប់ថា ចំពោះគ្រួសារឈ្មោះ ប៊ុន តាន់លី ប្រពន្ធឈ្មោះ ទេព ភាល់ គឺសាលាស្រុកមិនបានប្ដឹងទៅសាលាដំបូងនោះទេ គឺគ្រាន់តែធ្វើលិខិតជូនដំណឹងរក្សាការពារតែប៉ុណ្ណោះ គឺរឿងនេះលោកបានដកខ្លួនចេញហើយទុកឲ្យលោក លី សុវណ្ណារិទ្ធ អភិបាលស្រុកដោះស្រាយ។ លោក លី សុវណ្ណារិទ្ធ អភិបាលស្រុកបានប្រាប់ថា ចំពោះគ្រួសារឈ្មោះ ប៊ុន តាន់លី ប្រពន្ធឈ្មោះ ទេព ភាល់ ដែលបានរំលោភយកដីផ្លូវពេលនេះ គឺលោកអភិបាលខេត្តបានឲ្យស្រុកចាក់ដីរួចរាល់ហើយ តែបញ្ហាប្តឹងផ្តល់ទៅសាលាដំបូងគឺជារឿងបីគ្រួសារឈ្មោះ ស៊ឹង ខាន់ ឈ្មោះ ចាន់ អួង ឈ្មោះ ហេង សុធា នោះទេ។ លោក គោស៊ុំ សារឿត អភិបាលខេត្តបន្ទាយមានជ័យបានប្រាប់ថា នៅពេលប្រជាពលរដ្ឋមួយគ្រួសារដែលត្រូវបីគ្រួសារប្ដឹងនោះដើម្បីជួបឲ្យជួយរកយុត្តិធម៌តែលោកនិយាយទៅកាន់គ្រួសារនោះថា គេប្ដឹងទៅសាលាដំបូង គឺមិនមែនរឿងរំលោភដីយកដីផ្លូវនោះទេគឺស្រុកប្ដឹងពីបទរារាំង និងជេរប្រមាណសមត្ថកិច្ចទៅវិញ។ ប៉ុន្តែខ្លួនអះអាងថា មិនដឹងថាបានរារាំងឫ ជេរប្រមាទសមត្ថកិច្ចនោះទេ នេះជាការចោទប្រកាន់របស់អាជ្ញាធរទម្លាក់កំហុសដល់គ្រួសារគាត់ជារឿងអយុត្តិធម៌ពីសទៅខ្មៅទៅវិញ៕
គង្គា
0 Comments