រដ្ឋឥស្លាមមបាននិយាយនៅថ្ងៃព្រហស្បតិ៍ថា ខ្លួនបានចាប់ខ្លួនអារ៉ាប់អ៊ីស្រាអែលម្នាក់ដែលបានតាំងខ្លួនជាយុទ្ធជនបរទេសម្នាក់ដើម្បីស៊ើបការណ៍ឲ្យMossad ជារឿងមួយដែលត្រូវបានបដិសេធដោយប្រទេសអ៊ីស្រាអែល និងដោយគ្រួសាររបស់បុរសដែលបាននិយាយថា ត្រូវបានគេចាប់ពង្រត់នោះ។
នៅក្នុងការសម្ភាសន៍មួយបោះពុម្ពផ្សាយដោយទស្សនាវដី្តផ្សាយជាភាសាអង់គ្លេសរបស់រដ្ឋឥស្លាមDabig ថាលោកមូហាម៉ាដ មូសាឡាម (Muhammad Musallam) អាយុ១៩ឆ្នាំ បានចូលរួមនៅក្នុងក្រុមឧទ្ទាមនៅក្នុងប្រទេសស៊ីរីដើម្បីរាយការណ៍ឲ្យអ៊ីស្រាអែលស្ដីពីឃ្លាំងអាវុធមូលដ្ឋានរបស់ខ្លួនហើយការជ្រើសរើសកម្លាំងរបស់ប៉ាឡេស្ទីន។
ក្រោយពីទង្វើរបស់លោកដែលនាំឲ្យមានការសង្ស័យពីពួកមេបញ្ជាការរដ្ឋឥស្លាមនោះ លោកមូសាឡាមត្រូវបានគេដកស្រង់សំដីនិយាយថា លោកបានបែកការណ៍ដោយសារទូរស័ព្ទទៅកាន់ឪពុករបស់លោកនៅហ្សេរុយសាឡឹមខាងកើតដែលនាំឲ្យមានការចាប់ខ្លួនលោក។
ឪពុករបស់លោកមូសាឡាមឈ្មោះសាអ៊ីដបានបដិសេធថា កូនប្រុសរបស់លោកមិនមែនជាចារបុរសទេ ដោយនិយាយថា កូនប្រុសរបស់លោកបានបាត់ខ្លួនក្រោយពីធ្វើដំណើរក្នុងនាមជាទេសចរម្នាក់ទៅកាន់ប្រទេសទួរគីនោះ៕
រឹទ្ធ
0 Comments